Argentinako Gobernuak ez du obra publikoan inbertituko, eta pesoaren balioa % 50 gutxituko du
Argentinako Ekonomia ministro Luis Caputok "presazko" neurriak iragarri ditu gaur, asteartearekin. Horien artean, nabarmendu du Argentinako pesoaren % 50eko debaluazioa. Halaber, aurreratu du Gobernuak ez duela obra publikoan inbertsiorik egingo, energia eta garraioan diru-laguntzak murriztuko dituela eta laguntza soziala indartuko dutela.
Hala, presoaren balioa gutxituko dute. Hain zuzen ere, dolar bakoitza 800 pesorengatik trukatzen zein orain arte, baina aurrerantzean 366,45 pesoren truke aldatuko da, Caputok adierazi duenez.
Agerraldian, ministroak ziurtatu du "defizit fiskala" dela herrialde horren arazo nagusia, eta iragarritako neurriekin afera horri irtenbidea eman nahi diotela, "hondamendi bat" saiheste aldera.
"Errotik heldu nahi diogu arazo horri, inflazio eta pobrezia gehiago jasan behar ez izateko", erantsi du Caputok. Zentzu horretan, gastu publikoa murriztuko badute ere, lana sustatzeko planei eutsiko dietela hitzeman du, "2023 aurrekontu akordiori jarraikiz".
Gastu publikoa murrizteko bidean, ez dituzte urtebetetik beherako iraunaldia duten kontratu publikoak berrituko, eta Estatuak ez du urtebetean publizitaterik egingo.
Esan bezala, neurri garrantzitsuenetakoa da Estatuak ez duela obra egiteko lehiaketa gehiago eskainiko, eta, onartuta egin arren, oraindik hasi gabe daudenak bertan behera utziko dituela.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.