Israelgo Armadak erasoak egiten jarraitzen du Gaza hegoaldean
Israelgo Armadak Gazan erasoak egiten jarraitzen du, eta palestinarren artean biktima zibilen kopurua ugaritzen, azken orduetan Zerrendaren hegoaldean egindako erasoen ostean.
Gerra hasi zenetik 113. eguna bete denean izan da, eta hildako palestinarren kopurua 26.000tik gora kokatu denean. Hildako gehienak haurrak eta emakumeak dira, eta zaurituak, 65.000 inguru.
Israelgo Armadak atzo jakinarazi zuen "operazio zehatzak" egiten ari dela Khan Yuniseko ospitaleetan, tartean Naserren eta Al Amalen, Hamaseko milizianoak barrutik jarduten ari direla argudiatuta.
Gazako Osasun Ministerioak salatu duenez, "Israel Khan Yuniseko ospitaleak erasotzen ari da, guztiz geldiarazi ditu, genozidio krimenak eraginez eta anbulantzien joan-etorria galaraziz".
Horren arabera, Naser eta Al Amal ospitaleetan "elikagairik eta segurtasunik gabe" daude, eta ez dute anestesiarako produkturik eta analgesikorik.
Nazio Batuen Erakundeko OCHA agentziaren esanetan, Naser ospitalean 18.000 lekualdatu daude, Israelgo Armadak inguratuta du, borrokaldien erdian, eta ezin du ez gaixorik ez hornidurarik jaso.
Gazako 1,92 milioi herritarrek (biztanle guztien % 85ek) utzi behar izan dute etxea, eta aurrekaririk gabeko krisi humanitarioa bizitzen ari dira.
Euri eta izotz giroarekin, milaka familia, haurrak eta adinekoak tartean, plastikozko karpetan bizi dira, epidemia agerraldien eta ospitaleen muturreko egoeraren erdian, eta ur, elikagai, sendagai eta argindar hornidura eskasarekin.
Egoera horrek okerrera egin dezake giza laguntza banatzen duen UNRWA NBEren agentziak herrialde batzuen finantzazioa galduz gero, Israelek hala eskatuta zenbait estatuk iragarri dutenez.
NBEren Nazioarteko Justizia Auzitegiak Gazan genozidioa "saihesteko" ahalik eta neurri gehien hartzeko agindu zion atzo Israeli, baina ez zion eskatu erasoaldia eteteko. Halaber, laguntza humanitarioa Gazara iristea ahalbidetzeko neurri "eraginkorrak" eta "berehalakoak" hartzeko ere eskatu zion.
Zure interesekoa izan daiteke
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.