Inteligentzia artifiziala arautzen duen munduko lehen legea berretsi du Europako Parlamentuak
Inteligentzia artifiziala arautzen duen Europako eta munduko lehendabiziko legea berretsi du gaur Europako Parlamentuak. Iazko abenduan adostu zuten araua Europako erakunde nagusienetako ordezkariek, eta orduan esan zutenez, "berrikuntza kaltetu gabe", teknologia mota horren "arriskuak mugatzea" du helburu legeak.
Goizean egin duten bilkuran, aldeko 523 boto, kontrako 46 eta 49 abstentzio jaso ditu legeak. Onartu berritan, bultzatzaile nagusienetakoa izan den Thierry Breton Europako Barne Merkatuko komisario frantziarra pozik agertu da, legeak jaso duen babesagatik.
Behin Ganberaren argi berdea jasota, Europar Batasunari dagokio orain legea behin betiko onartzea. Ondo bidean, datozen asteotan izango da hori, baina 2026ra arte ez da indarrean sartuko legea.
Herritarren eskubideak lehenetsi, eta hortik abiatuta, inteligentzia artifizialaren erabilera ahalbidetu, mugatu edota debekatuko da hemendik aurrera EBko herrialdeetan. Modu horretan, AEB edota Txina bezalako potentzien aurrean, "Europako industria teknologikoa bultzatu" nahi dela ere esan du Bretonek. "Eredu izan nahi dugu".
Besteak beste, espazio publikoetan inteligentzia artifizialaren bidezko "zaintza masiboa" debekatuta egongo da, baina segurtasun indarrek "biometria bidezko identifikazio kamerak" erabiltzeko baimena izango dute (epaile baten baimenarekin), herritarren kontrako erasoak eragozteko (mehatxu terroristak, delitu sexualak, pertsonen salerosketa edota ingurugiroaren kontrako krimenak).
Horrez gain, ChatGPT, OpenAI edo Bard bezalako programek nahitaez bete beharreko arauak zehazten ditu testu berriak. Hala, eduki bat inteligentzia artifizialarekin sortutakoa bada, argi eta garbi azaldu beharko da hori. Horretarako erabilitako argazki, irudi edota testuen egiletza ere aitortu beharko da.
Albiste gehiago mundua
Greba eta manifestazio eguna Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.