Irango presidentea zeraman helikopteroa galduta dago, larrialdiko lurreratzea egin ondoren
Irango presidente Ebrahim Raisi zeraman konboiaren helikopteroetako batek larrialdiko lurreratzea egin behar izan du inguru menditsu eta helezin batean, eta galduta dago, Irango telebistak jakinarazi duenez. Iturri horren arabera, erreskate taldeak bila ari dira.
Barne ministro Ahmed Vahidik informazioa baieztatu du, eta adierazi du oraindik ez dutela helikopteroa aurkitu, eguraldi kaskarrak bilaketa zaildu duelako.
Mehr albiste agentziari egindako adierazpenetan, ministroak azaldu du Azerbaijanen protokolozko ekitaldi bat izan duela ordu batzuk lehenago, eta presidentea bueltan zeraman helikopteroak behe-laino itxia aurkitu duela, eta horregatik egin duela larrialdiko lurreratzea.
"Kontuan izan behar da une honetan egoera zaila dela eta horrek komunikazioa ere eragozten duela", erantsi du ministroak.
"Helikopteroak istripua izan duela jakin eta berehala, erreskate taldeak bidali ditugu", esan du Ilargi Gorriko presidente Babak Mahmoudek.
Guztira, 40 erreskate talde joan dira Kalibar eta Warzghan ingurura, Azerbaijango mugatik 30 kilometrora, istripua bertan gertatu baita. Esan bezala, presa baten irekiera ekitalditik bueltan —Ilham Aliyev presidente azeriarrarekin izan da han— gertatu da ezbeharra.
Euriak eta behe-laino itxiak, baina, zaildu egin dituzte erreskate lanak, eta iragarpenek diote joera horri eutsiko diola eguraldiak datozen orduetan ere.
Hiru aireontzi zeramatzan aurretik helikopteroak, eta Atzerri Gaietako ministro Hosein Amir Abdolahian eta Ekialdeko Azerbaijango gobernadore Malik Rahmati zihoazen Irango presidentearekin batera.
Hamas mugimendu palestinarrak babesa eskaini dio Irango herriari, Ezzat al Rashg bozeramaileak igorritako ohar baten bidez.
EBk larrialdiak kudeatzeko zerbitzua jarri du martxan, Iranek hala eskatuta
Europako Krisi Kudeaketarako komisario Janez Lenarcicek iragarri du EBk larrialdiak kudeatzeko zerbitzua (Copernicus) aktibatu duela, Iranek hala eskatu baitio.
Copernicusek mapen informazioa ematen du, satelite irudietan oinarrituta, eta baso suteak, uholdeak, lehorteak eta sumendien erupzioak aztertzeko erabili ohi da.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.