Balezta batekin hiru emakume hiltzeaz susmagarria den gizona atxilotu du poliziak
Britainia Handiko Hertfordshire konderriko Poliziak hiru emakumeren ustezko hiltzailea atxilotu du. Antza, balezta batekin hil ditu.
Hainbat orduz bila aritu ostean, agintariek 26 urteko Kyle Clifford Londres iparraldean atxilotu dute. Hilerri baten inguruan inguruan aurkitu dute, zaurituta, eta erietxera eraman dute.
Britainia Handiko Hertfordshire konderriko polizia 26 urteko gizon baten bila ari da. Balezta batekin hiru emakume hil dituela uste dute.
Biktimak Carol Hunt (61 urte) eta Hannah eta Louise Hunt (28 eta 25 urte) dira, John Hunt Radio BBC 5 Live irrati emisorako zaldi lasterketen esatariaren emaztea eta alabak.
Hilketaren susmagarria gazteetako baten mutil-lagun ohia da, The Sun egunkariak argitaratu duenez.
Gertakariak astearte arratsaldean izan ziren, Herftordshireko herri batean. Polizia agenteek hiru emakumeak larri zaurituta aurkitu zituzten bizi ziren etxean, eta ondoren hil ziren. Biktimen senarra eta aita denak deitu zien larrialdi-zerbitzuei, lanetik etxera iritsi eta emakumeak zaurituta aurkitu zituenean.
Ikerketako iturrien arabera, lehen zantzuen arabera, erasotzaileak hiru pertsona hauek zituen jomugan. Balezta batekin eraso egin zietela uste dute, baina "beste arma batzuk ere erabili ahal izan ditu", esan dute.
Hertfordshireko Poliziak susmagarriarengana ez hurbiltzeko deia egin die herritarrei, oraindik balezta berarekin izan dezakeelakoan.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.