Trumpek J.D. Vance senataria aukeratu du presidenteorde izateko hautagai
Donald Trump AEBko presidente ohiak astelehen honetan iragarri duenez, James David Vance (J.D. Vance) Ohioko senataria izango da azaroaren 5eko presidentetzarako hauteskundeetarako presidenteorde izateko hautagaia.
"Deliberazio eta hausnarketa luze baten ondoren, eta askoren talentu izugarria kontuan hartuta, Estatu Batuetako presidenteorde kargua hartzeko pertsonarik egokiena Ohio estatuko J.D. Vance senataria dela erabaki dut", adierazi du Trumpek Truth Social sare sozialean.
"Presidenteorde gisa, J.D.k gure Konstituzioaren alde borrokatzen jarraituko du, gure tropak babestuko ditu eta ahal duen guztia egingo du Estatu Batuak berriro handi egiten laguntzeko", idatzi du.
J.D. Vance Yaleko Unibertsitateko Zuzenbide Fakultatean graduatu zen eta The Yale Law Journaleko zuzendaria izan zen. Trumpen arabera, presidenteorde izateko hautagaiak "enpresa karrera arrakastatsua izan du teknologian eta finantzetan".
Vance, 'Hillbilly Elegy' best selleraren egilea, Ameriketako Estatu Batuetako Senaturako aukeratu zuten 2022an, Trumpen bultzada jaso ostean. Azken urteotan, bere jarrera alderdiaren alderdirik gogorrenera hurbildu da, CNN telebista kateak jakitera eman duenez.
Alderdi Errepublikanoak formalki izendatu du Trump
Alderdi Errepublikanoak Donald Trump AEBko presidente ohia (2017-2021) izendatu du azaroko hauteskundeetarako hautagai, astelehen honetan, Milwaukeeko batzarrean.
Mitin batean hilketa saiakera izan eta bi egunera, alderdiko ordezkariek koroatu dute Trump azaroaren 5eko hauteskundeetan hautagai errepublikanoa izateko. Litekeena da Joe Biden egungo presidentearekin borrokatzea.
Estatu eta lurralde ezberdinak ordezkatzen dituzten ia 2.400 ordezkariek eman dizkiote botoak Trumpi.
Zure interesekoa izan daiteke
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.