Biden eta Trump Etxe Zurian bilduko dira asteazkenean botere trantsizioari ekiteko
AEBko Presidentetza utziko duen Joe Biden demokratak eta hauteskundeetako irabazle Donald Trump errepublikanoak hitzordua dute azaroaren 13an Etxe Zurian, botere trantsizioa abiatuko duten elkarrizketei ekiteko.
Etxe Zuriko Prentsa idazkari Karine Jean-Pierrek iragarri duenez, Bidenek 11:00etan (17:00ak Euskal Herrian) hartuko du Trump, Bulego Obalean.
2017 eta 2021 artean gobernuburu izan ostean, hauteskundeak irabazi zituen berriro Trumpek asteartean, eta Kamala Harris hautagai demokratari Presidentetzarako bidea itxi zion horrela. Hain zuzen ere, uztailean hartu zuen Harrisek Bidenen lekukoa, demokraten ordezkari gisa.
Arizonako (emaitzak ezagutarazi ez dituen estatu bakarra) botoak zenbatu gabe, 301 konpromisario eskuratu ditu Trumpek, gehiengoa (270) aise gaindituta, eta 226 jaso ditu Harrisek.
Osteguneko hitzaldian, Bidenek hitzeman zuen "baketsua eta ordenatua" izango dela botere aldaketa, eta, demokraten bihotza arindu nahian-edo, esan zuen AEB "ondo" egongo dela.
Hala ere, ez zuen argitu urtarrilaren 20an Trumpen inbestiduran egongo den ala ez, nahiz eta baiezkoa iradoki zuen. "Nire promesak beteko ditut, eta Konstituzioaren menean trantsizio baketsu bat izango dugu AEBn", baieztatu zuen.
2020an, Bidenen aurkako hauteskundeak galdu zituenean, Trumpek ez zuen emaitza onartu, eta ez zen inbestidura ekitaldira joan (150 urtean ez da horrelakorik gertatu).
Zure interesekoa izan daiteke
Iranek itsasontzien zirkulazioa eten du Ormuzeko itsasartean, ordu batzuetan irekita egon ondoren
Itsasartea irekita egon da hainbat orduz. Itsasoko trafikoa monitorizatzen duten plataformek lehen mugimenduak nabaritu dituztela berretsi dute. Hala ere, Israelek Libanori egindako erasoaren ostean, Irango agintariek berriro eten dute petrolio-ontzien nabigazioa, Guardia Iraultzailearekin lotutako Fars agentziak jakinarazi duenez.
Milaka indigena Brasiliara iritsi dira, 2026ko Lur Librea Kanpamentuan parte hartzeko
Brasilgo indigenek martxa bat egin dute Brasilgo Kongresu Nazionalera euren eskubideak aldarrikatzeko, Brasilian urtero egiten duten kanpaldiaren testuinguruan.
Israelek gutxienez 250 pertsona hil ditu Libanoren aurka egindako "erasorik handienean", su-etena izan arren
AEB eta Iranen artean bitartekari lanak egin dituen Pakistanen arabera, Libanori ere eragiten dio tregoak. Benjamin Netanyahu Israelgo lehen ministroak, ordea, akordiotik kanpo utzi du herrialdea.
Iranen bake-plan proposamenaren hamar gakoak
Iranek arma nuklearrak ez fabrikatzeko konpromisoa hartu du, eta bere kontrako zigor guztiak kentzea eta jasandako kalteak konpentsatzeko funts bat sortzea eskatu du. Horiek dira, besteak beste, Teheranek AEBrekin gerra amaitzea negoziatzeko aurkeztu duen planaren puntuak.
AEBk eta Iranek bi asteko su-etena adostu dute, Ormuz ireki egingo dutela bermatuta
Pakistanen bitartekaritzak su-eten akordioa lortzea ahalbidetu du. Ituna berehala sartuko da indarrean, eta Islamabadeko bake negoziazioei ateak irekiko dizkie.
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira, eta giza-kateak osatu dituzte zentral elektriko eta zubietan. Irango banderak, erresistentziarako aldarriak eta liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.