Israelek onartu du 170.000 arma baino gehiago konfiskatu dituela Gazan, Libanon eta Sirian
"Orain arte, Israelgo Defentsa Indarrek (FDI) 170.000 arma baino gehiago konfiskatu dituzte borroka fronte guztietan: Gazako Zerrendan, Libanon eta Sirian", onartu du Israelgo Armadak ohar baten bidez.
Atzemandako arma horien etorkizuna zein izango den ez dute zehaztu; izan ere, Tel Avivek ez du ezer esan horri buruz oharrean, eta, beraz, ez da zehazten suntsituko diren edo erasoetan erabiliko diren.
Gainera, Israelgo Armadak baieztatu duenez, abenduan Baxar al-Assad erori ondoren Siriako lurraldeari eraso zioten tropek 3.300 arma baino gehiago bereganatu dituzte, Siriako Armadaren tankeak barne.
"2012. dibisioko indarrek defentsa aurreratuko misioarekin jarraitzen dute Sirian, Israelgo biztanleei segurtasuna eta babesa emateko, bereziki Golango gainetakoei", azaldu du Armada sionistak. Modu horretan Sirian okupatutako eta 1981ean legez kanpo anexionatutako eremuari erreferentzia egiten dio oharrak.
Hala, azpimarratu duenez, Israelgo indarrek 3.300 arma baino gehiago "aurkitu eta konfiskatu" dituzte, antikarro sistemak, mortero jaurtigaiak eta behaketa ekipamenduak, besteak beste. Siriako agintari berriek ez dute oraingoz horren gainean baloraziorik egin.
Israelek ehunka bonbardaketa egin zituen Siriaren aurka, eta tropak bidali zituen Siriako lurraldera, Hayat Tahrir al-Sham (HTS) buru zuen erasoaldiak Al-Assad boteretik kendu ondoren. Garrantzi estrategikoko Hermon mendiaren alde siriarra okupatu zuen Armada sionistak.
Israelgo agintariek adierazi dutenez, operazio horien helburua "herrialdearen gaitasun militarrak suntsitzea da, Israeli eraso egiteko erabil ditzaketen taldeen eskuetan eror ez daitezen". Tropa sionistak lurraldetik erretiratzeko eta Siriako Estatuaren lurralde osoa errespetatzeko deiak berriro ere alferrikakoak izan dira.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.