Teslaren akziodunek mila milioi dolar ordainduko dizkiote Muski. Baina, zenbat da hori?
Dirutza horrek marka guztiak hautsi ditu, eta Tesla enpresaren kontrola emango dio Muski.
Teslako akziodunen batzarrak onartu du Elon Musk konpainiako kontseilari delegatuari 1.000.000.000 dolar ordaintzea akziotan. Horrela, Muskek auto elektrikoen fabrikatzailea kontrolatuko du.
Baina, zenbat da hori? Zerekin aldera dezakegu?
- 2025eko maiatzean, Etxe Zuriak Trumpen Defentsarako Plana eman zuen ezagutzera. 1,01 mila milioi dolarrekoa zen, eta Defentsa Departamentuaren aurrekontua % 13 haztea ekarri zuen.
- EBko herrialde askoren urteko Barne Produktu Gordina ez da mila milioi dolarrera iristen, Munduko Bankuaren 2024ko datuen arabera.
- Espainiako BPGa 1,72 mila milioikoa da. Gehien gerturatzen zaizkion herrialdeak ondorengoak dira: Herbehereeak (1,27 mila milioi) eta Polonia (914.000 milioi).
- Donald Trump AEBko presidenteak adierazi duenez, AEBk murriztu beharreko gastuen kopurua mila milioi bat dolarrekoa da.
- Espainiaren 2024ko zor publiko gordina 1,753 mila milioi dolar ingurukoa da.
- 2025eko irailean, AEBko Altxorraren urrezko erreserben balioa argitaratu zen. Irailaren 29an, mila milioi dolarretik gorako zen.
- Ukrainak AEBri erosi nahi dizkion Tomahawk misil bakoitzak 2 milioi dolar balio ditu. Mila milioi dolarrekin 500.000 misil erosi ahalko lirateke.
- Mundu mailan, ikerketa eta garapeneko gastua (I+G) 2,8 mila milioi dolarrekoa izan zen 2023an.
- Internet bidezko bidaien munduko merkatuak mila milioi dolar gaindituko ditu 2030ean.
- Europako Parlamentuak eta Kontseiluak 2025erako onartutako EBren aurrekontua 199.400 milioi euro ingurukoa izan zen.
- 2023an, Europar Batasunak, oro har (erakundeak eta estatu kideak), 95.900 milioi euro bideratu zituen Garapenerako Laguntza Ofizialerako (ODA).
- Gurutze Gorriaren Nazioarteko Batzordeak 2024rako eskatutako aurrekontua 21.000 milioi franko suitzarrekoa da, 23.290 milioi dolar ingurukoa.
- ACNURek uste du 2025erako 10.600 milioi dolarreko finantzaketa-beharrak dituela.
- Santiago Bernabeu futbol-zelaia birmoldatzeko, 1.828,5 milioi euro (2.112,73 milioi dolar) erabili zituen Real Madrilek.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.