Maduro eta chavistak kalera atera dira AEBren aurrean indar erakustaldia egiteko
Lau milioi pertsona baino gehiago atera dira kalera, eta presidenteak aberria defendatzeko konpromisoa hartzeko eskatu die herritarrei.
Nicolas Maduro Venezuelako presidentea eta chavismoaren buru nagusiak herrialdeko kaleetara atera dira larunbat honetan, AEBk ustez Latinoamerikako narkotrafikoari aurre egiteko 'Hego Lantza' operazioa iragarri ostean.
Madurok militante berriek zina egiteko antolatutako ekitaldi batean parte hartu du Caracasen, bere emazte Cilia Flores diputatuarekin batera.
Diosdado Cabello Barne ministro eta Venezuelako Alderdi Sozialista Batuaren (PSUV) idazkari nagusiaren arabera, egun "aparta" da, eta herrialde osoan 4,5 milioi pertsona baino gehiago mobilizatu direla jakinarazi du.
John Lennonen 'Imagine' abestu eta Donald Trumpen gobernuari Venezuela "bonbardatu eta inbaditu" nahi izatea leporatu ostean, "eskua bihotzean" jartzeko eta aberriaren defentsarekin konpromisoa hartzeko eskatu die Madurok bertan bildutako jarraitzaileei.
Estatuburuaren hitzetan, azaroaren 15a "egun historikoa" izan da, herria "edozein mehatxu eta eraso kriminali" aurre egiteko "esna, prest eta gertu" dagoela ikusi delako.
Horren arabera, 235.000 batzorde eratu dira lurralde osoan, agintariak hasiera batean 260.000 batzorde iragarri zituen arren.
Gobernuko alderdiaren arabera, batzorde horiek "herrialdeko kale bakoitzean" gutxienez bederatzi militantek osatutako taldeak dira, eta, besteak beste, "defentsarako prestatzeko agenda iraunkorra" egin behar dute.
Maria Corina Machado oposizioko buruzagi eta Bakearen nobel saridunak bere aldetik, "ordua iristen denean", "armak uzteko" eta herrialdearen "askatasuna" lortzen laguntzeko eskatu die Venezuelako funtzionarioei.
Zure interesekoa izan daiteke
Bruselak ikerketa abiatu du Sheinen aurka, diseinu "adiktiboa" duelakoan eta legez kanpoko produktuen salmentagatik
Europako Batzordearen ustez, Txinako plataformak ez du Europako araudia betetzen, ez delako gardena bere gomendio-sistemekin eta legez kanpoko artikuluak merkaturatzeko aukera ematen duelako, besteak beste, haurren sexu-edukiko materiala.
Adimen artifizialaren gobernantza eztabaidagai Indian: Silicon Valleyeko handikiak eta nazioarteko agintariak New Delhin bildu dira
Sam Altman (OpenAI), Sundar Pichai (Google) eta Jensen Huang (Nvidia) lider teknologikoak batu dira goi-bileran.
Epsteinen paperetan jasotakoak gizateriaren kontrako krimentzat har daitezkeela esan du NBEk
Inpunitate osoz aritzen zen enpresa kriminal bat zela diote kasua aztertu duten errelatoreek. Sexu-esklabotza, bortxazko desagertzea, tortura eta feminizidioa, besteak beste, egin direla frogatzeko moduko dokumentuak daudela ziurtatu dute.
Nola gauzatuko du Israelek Zisjordaniako lurren erregistroa?
Jerusalem ekialdean prozesu bera hasi zenetik, eraginpeko lurren % 1 baino ez da palestinarren izenean erregistratu.
Rubioren hitzetan, AEBk ez du Europa basailu izatea nahi, "aliatu sendo bat" baizik
Bestalde, Atzerri eta Segurtasun gaietako europar idazkari nagusi Kaja Kallasek azken hilabeteotan Trumpen Gobernuak egindako kritikei erantzun die. "Batzuek aurkakoa badiote ere, Europa eroria ez da hiltzen ari den zibilizazio bat", esan du, eta gaineratu du gero eta jende gehiagok batu nahi duela "Europaren klubera".
Ultraeskuinaren gertuko gazte bat kolpeka hil izanak politika giroa nahasi du Frantzian
23 urteko matematikako ikasle katolikoa zen Quentin, eta larunbatean zendu zen, jasotako kolpeen ondorioz eta bi egun koman eman ostean. Lyongo Fiskaltza gertakari horren nondik norakoak ikertzen ari da.
Israelek Zisjordaniako eremu zabalak Estatuaren zati gisa erregistratu ditu, 1967tik lehen aldiz
Palestinako Aginte Nazionalak salatu duenez, Palestinako lurralde gehiena 'de facto' anexionatu du.
Alemaniak, Frantziak, Erresuma Batuak, Suediak eta Herbehereek Navalni oposizioko burua toxina batekin hiltzea leporatu diote Errusiari
Pozoia, jatorriz Ekuadorko igel batek ekoizten duena, ez dago "modu naturalean" Errusian. Von der Leyenek estatu errusiarraren jokabide "terrorista" salatu du.
Rubiok AEBen eta Europaren arteko harremanak hurbildu nahi ditu baina kontinente zaharrak independentzia sustatu nahi du
Marco Rubio AEBetako Estatu idazkariak Europarekiko harremanak goraipatu ditu larunbat honetan Municheko Segurtasun Konferentzian, eta arindu egin du herrialdeko presidenteorde J.D. Vancek duela urtebete emandako hitzaldi gogorraren tonua.
Zelenskik esan du Ukraina erdibitzeak ez duela benetako bakerik ekarriko
AEBk bultzatzen dituen bake-negoziazioek arrakasta izan dezaten ahal duen guztia egiteko prest agertu da Ukrainako presidentea, baita hauteskundeak berehala deitzeko ere, bi hilabeteko su-etena bermatzen bada.