EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Migratzaileak Frantziako hondartza batean, txalupa bat hartzeko zain. Argazkia: EFE
Europak beste urrats bat eman du asilo-politiken alorrean eta EBtik kanpo migratzaileak deportatzeko bidea erraztu du. Europar Batasuneko Kontseiluak eta Europako Parlamentuak behin-behineko akordioa lortu dute asilo-eskaera baten edukia aztertu gabe atzera bota ahal izateko, “hirugarren herrialde seguru” kontzeptua berriz ere definituz. Akordio horren helburua da eskatzaileak Europar Batasunetik kanpoko herrialde seguruetara itzultzea erraztea.
Asteazken goizaldean itxi dute akordioa Hogeitazapiek eta Europako Parlamentuko ordezkariek. Orain, bi erakundeek berretsi egin beharko dut, erabakia ofizial bihurtzeko.
"Hirugarren herrialde segurua" aplikatzeko kasu berriak
Akordioaren arabera, estatu kideek hirugarren herrialde seguruaren kontzeptua aplikatu ahal izango dute hiru egoera zehatzetan. Mekanismo horri esker, asilo-eskaera bat atzera bota daiteke, haren edukiaren balorazioa egin gabe.
Kasu horietako lehenengoak asilo-eskatzailearen eta segurutzat jotzen den hirugarren herrialde baten artean lotura egotea aurreikusten du. Hala ere, testuak aldaketa garrantzitsu bat sartzen du: konexio hori ez da nahitaezko irizpidea izango ukapen hori aplikatzeko.
Bigarren egoerak aukera emango du kontzeptu hori aplikatzeko eskatzailea Europar Batasunera iritsi aurretik hirugarren herrialde seguru batean egon denean, baita estatu horrekin aldez aurretik loturarik egon ez arren.
Hirugarren kasuari dagokionez, "hirugarren herrialde segurua" kontzeptua aktibatuko da estatu kide baten eta hirugarren herrialde seguru baten artean akordio edo hitzarmen bat dagoenean, EBtik kanpo dagoen hirugarren herri horrek asilo-eskaera aztertuko duela bermatzen badu.
Puntu horrek asiloaren izapidetzea kanpora ateratzeko aukera indartzen du, betiere hirugarren herrialdeak eskaeren azterketa formalki bere gain hartzen badu eta Europako araudiaren arabera segurutzat jotzen bada.
Hala ere, akordioak muga garrantzitsu bat du: azken kasu hori ezin izango da aplikatu bakarrik dauden adingabeen kasuan, mekanismo horren erabileratik kanpo geratzen baitira.
Behin-behineko akordioa formalki berretsi beharko dute orain EBko Kontseiluak eta Europako Parlamentuak. Indarrean 2026ko ekainaren 12an sartuko litzateke, eta egun horretatik aurrera aldaketak zuzenean aplikatuko lirateke estatu kide guztietan.
Zure interesekoa izan daiteke
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.