iPhone 'merkea' 600 eurotan?
600 euroko sakelako bati 'merkea' deitzerik badago? Tankerako galderak bolo-bolo dabiltza azken orduetan Twitter bezalako sare sozialetan. Ikusmin handia izan zen atzo Applek Cupertinon (Kalifornia, AEBak) aurkeztu behar zuen iPhone merkea zela eta; izan ere, askotxo ziren halakorik espero zutenak. Azkenean, baina, usteak erdia ustel.
iPhone 5S gama altuko telefonoa baino merkeagoa den beste sakelako bat aurkeztu zuen Tim Cookek: 99 dolar merkeago bi urteko kontratupean edo 600 euro konpainia bati atxikita erosten ez bada. Prezioaren aldea iPhone 5Ca egiteko erabili den materialean (plastikozkoa da) eta ezaugarrietan dago, iPhone 5Sak dituenak baino nabarmen apalagoak. Gama ertaineko sakelakoa da eta bost koloretan izango da salgai. Hartara, gazteentzat erakargarria suertatuko da.
Tankerako gailuetan aditu diren hedabideen arabera, Applek bi behar asebete ditu iPhone 5Crekin: Batetik, Samsung bezalako lehiakideei aurre egiten die eta susperraldian diren Txina bezalako merkatuetan lekua bilatu, eta, bestetik, enpresak lege duen diseinuari eta kalitateari muzin egingo ez dion produktu bat atera. Adituon esanetan, antzeko estrategia jarraitu zuen Jobsek iMac-ak eta iPod nano-ak 'herritartzeko' orduan.
Sorpresarik ez; etsipena, bai
Esamesak goitik eta behera sinetsi eta benetan merkea izango zen iPhone-a eskuratzerik izango zutela uste zutenek kolpe latza hartu zuten atzo. Twitter da, besteak beste, etsipen horren erakusle:
"Zenbatean daude hipotekak gazteentzako 600 euroko iPhone merkea erosteko?", bota du @pacualdrake erabiltzaileak. "iPhone 5C ¿Low Cost? Ez zaitzatela engaina", aldarrikatu du beste txiolari batek. @LuciaaRodrigue etsituta agertu da Twitterren: "iPhone bat erosteko nire itxaropena hutsean geratu da... eskerrak telefono merkea zela!", adierazi du.
Irailaren 20a, gako
iPhone 5Ca datorren astean ipiniko da salgai; abenduan helduko ei da Espainiako Estatura.
Ikusteke dago Applen estrategiak huts egin edo salmentetan arrakastatsu ote den.
Zure interesekoa izan daiteke
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.