Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
Ikerketa batek egiaztatu duenez, sare sozialak gehiegi erabiltzea "bakardade izurritea" eragiten ari zaizkie AEBko gazteei. Ikerketa horren arabera, sare sozialak geroz eta gehiago erabili, orduan eta handiagoa da erabiltzaileek sentitzen duten bakardadea. Horrek depresioa izateko arriskua ere handitzen du.
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
Cincinnati eta Indiana unibertsitateetako ikertzaileek bertako ikasleei galdetu zieten aste arrunt batean zenbat ordu ematen dituzten sare sozialetan, eta, aldi berean, bakardade sentimendua ikertu zuten, alegia, gazte horiek bakarrik sentitzen ote ziren ala ez.
Horretarako, 16 orduan jarri zuten sare sozialen gehiegizko erabileraren muga, hau da, astean ordu kopuru hori gainditzea gehiegizkotzat jo zuten ikertzaileek.
Bakardadea sentitzeko joera handiena dutenak
Emaitzen analisiak adierazten du sareak zenbat eta gehiago erabili, orduan eta isolatuago sentitzen direla gazteak. Hala, sareak astean gutxienez 30 orduz erabiltzen dituztenak 16 ordu baino gutxiago erabiltzen dituztenak baino % 38 bakartuago sentitzen dira.
Galdetutako 64.988 gazteetatik % 54k bakardadea sentitzen zutela zioten, eta hori bat dator AEBn berriki egindako beste ikerketa batzuen emaitzekin.
Ikasleen artean, emakumezkoak eta arraza beltzekoak sentitzen dira isolatuen.
Mugak ezartzea
"Badakigu bakarrik sentitzen direnek depresioa izateko joera handiagoa dutela, eta behar baino lehen hiltzeko arrisku handiagoa ere", adierazi du ikerketaren egileetako batek, Madelyn Hillek.
"Emaitza horiek unibertsitateko ikasleen artean bakardadea zabalduta dagoela nabarmentzen dute, eta agerian uzten dute sare sozialak gehiegi erabiltzeak gazteen osasun mentala babesten duten interakzio pertsonalen lekua hartzekotan daudela", adierazi du beste egile batek, Ashley Merianosek, Cincinnatiko Unibertsitatekoak, ohar batean.
Egile horien ustez, gazteek sare sozialen erabileraren ondorioei buruzko informazio gehiago jaso beharko lukete, eta horiek erabiltzeko denbora mugak ezartzen lagundu beharko lukete hezkuntza erakundeek.
Zure interesekoa izan daiteke
Teslak Cybercab aurkeztu du, robotaxi autonomoen aldeko apustua
Teslak Cybercab aurkeztu du ostegun honetan, robotaxi autonomo gisa funtzionatzeko diseinatutako bi plazako ibilgailu elektrikoa. Autoak ez du bolanterik, ezta pedalik ere, eta konpainiak garatutako gidatze sistema autonomoaren mende dago erabat. Teslak 45 ibilgailuko lehen serie bat merkaturatu du (Texasen eta Floridan zerbitzua eskaintzen ari dira jada), baina konpainiak robotaxia pixkanaka zabaltzea aurreikusten du, AEBko beste eremu batzuetara heltzeko.
Robotak, neurrira: adinekoentzat beren-beregi diseinatutako teknologia garatu dute Nafarroan
Robotika Erronkak izeneko egitasmo aitzindariaren atzean Nafarroako Gobernua eta ADACEN daude. Helburua da desgaitasuna duten adinekoen autonomia eta bizi-kalitatea hobetzea, robotika erabilita. Berritasun nagusia: erabiltzaileak eta euren familiek gidatzen dute robotaren garapena. Horrela, teknologia pertsonari egokituko zaio, eta ez alderantziz.
Instagramek mugatu egingo ditu adimen artifizialaz sortu diren eta identifikatu gabe dauden erabiltzaileen profilak
"AA sortzailea" etiketaren ordez "AAk sortutako profila" etiketa erabiliko du aurrerantzean aipatu sare sozialak. Neurriak ez die eragingo edukia sortzeko edo editatzeko orduan adimen artifizialaren tresnak erabiltzen dituzten erabiltzaileei.
Gure eguneroko bizitzan txertatuko den robotikarik garatuena Txinako nazioarteko biltzarrera iritsi da
Azken erakusketetan ping-ponga jokatzen, dantzatzen eta borrokatzen aurkeztu dituzte robotak. Oraingoan, ikuskizuna emateaz harago, robotak lan egiteko gai dira, etxean zein fabriketan. Roboten salmentak nazioartean lau bider handitu dira; Unitree enpresa Shanghaiko burtsan estreinatu da aste honetan. Urte gutxi barru gure egunerokoaren parte izango direla ziurtatzen dute.
"Aura farmeatzea", sare sozialetako lehiaketa birala
“Aura farmatzea” zerbait behin eta berriz edo neurriz gaindi egitea da, “aura” irabazi eta pilatzeko; hau da, besteen aurrean presentzia, estiloa edo errespetua erakusteko. Lehiakide bakoitza saiatzen da ahalik eta ekintzarik ikusgarriena egiten edo presentzia handiena erakusten, aurkariak baino “aura” gehiago lortzeko. Hala ere, alderantziz ere funtzionatzen du: eroriko batek, huts egite batek edo une lotsagarri batek “aura” galtzea ekar dezake. Eta zuk... ezagutzen al zenuen moda berria?
Adimen artifizialarekin egindako kartel gehienek antzeko itxura dute
Kartelgintza sektorean ere gero eta ohikoagoa da tresna hori erabiltzea, merkea eta erraza baita. Publizitate adituen arabera, ordea, adimen artifiziala erabiltzea kaltegarria izan daiteke markentzat.
Sonyk 2028a baino lehenagoko diskoen ekoizpena mantenduko du, baina fabrikazio-mugekin
Konpainiaren azalpenen arabera, garatzaileek lehendik editatutako bideojokoen disko fisikoak eskatzen jarraitu ahalko dute, lantegiek euren fabrikazio-gaitasuna asko murriztuko duten arren.
Eusko Jaurlaritzak ordenagailu kuantikoa enpresen eskura jarri du: "Ilara luzea daukagu"
Basque Quantum (BasQ) aliantzak gidatuta, sarbide protokolo bat zehaztu dute enpresa eta erakunde publikoen sarbidea errazteko.
Europako Justiziak Googleri ezarritako 4.125 milioi euroko isuna berretsi du
Europar Batasuneko Justizia Auzitegiak ezetsi egin du Googlek jarritako errekurtsoa, eta zigortu egin du konpainia Android sistema eragilearen bidez nagusitasunezko posizioaz abusatzeagatik.
PlayStationek bideojoko berrien disko fisikoak ekoizteari utziko dio 2028an
Enpresak kontsumo-joera berrietara egokitu nahi du, eta "baliabide digitalen aldeko joera disko fisikoena baino askoz handiagoa" dela adierazi du.