YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Sakelako telefono bat, sare sozialetako hainbat aplikaziorekin. Artxiboko argazkia: Europa Press
Google, Snapchat eta TikTok erraldoi teknologikoek akordioa lortu dute Kentucyko hezkuntza barruti batekin, eta, hortaz, ez da epaiketarik izango adingabeei sare sozialetako plataformekiko "mendekotasuna eragiteagatik". Aipaturiko eskola barrutiak mendekotasunak eragindako buru osasuneko programaren kostuak ordaintzera behartu nahi zituen.
Gaur-gaurkoz ez dituzte akordioaren inguruko xehetasunak eta baldintzak argitu. Breathitt eskola barrutiak (Kentucky ekialdea) Oaklandeko (Kalifornia) auzitegi federal batean demanda aurkeztu zuen, eta hain zuzen ere, auzitegi horretan bertan hasiko da Metaren aurkako epaiketa, datorren ekainaren 15ean.
"Auzia modu adiskidetsuan konpondu da, eta gure helburua adin bakoitzerako egokiak diren produktuak garatzea eta hori betetzen duten guraso kontrolak egitea da", adierazi du YouTuberen bozeramaile batek ohar batean.
Epaiketa aurrekari izan daiteke herrialde osoan enpresa teknologikoen aurka jarritako erreklamazioen (1.200 baino gehiago) esparruan. Eskola barrutiek argudiatu dutenez, sare sozialetako enpresa nagusiek kalte handia egin diete ikasleei ez ezik, hezkuntza sistemari ere.
Bestalde, Snap enpresaren bozeramaile batek txalotu egin du auzia "modu adiskidetsuan" ebatzi izana.
Zure interesekoa izan daiteke
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.