Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
John Ternus, irailaren 1etik aurrera Appleren kontseilari delegatu berria izango dena. Artxiboko argazkia: EFE
Aldaketak, Apple konpainiaren leman. John Ternus izango da irailaren 1etik aurrera Appleren kontseilari delegatu berria, eta Tim Cook egungo kontseilari delegatua ordezkatuko du. Gaur-gaurkoz, Hardware Ingeniaritzako presidenteorde seniorra da.
1975ean jaioa eta Ingeniaritza Mekanikoan Pennsylvaniako Unibertsitatean lizentziatua, 2001an sartu zen Apple enpresan. Geroztik, ibilbide luzea egin du gailu eta produktuen definizioan, eta garrantzi handiko kidea da orain.
Zehazki, funtsezko zeregina izan du iPad, AirPod eta iPhoneren hainbat belaunalditan, baita Mac eta Apple Watch ekipoetan ere.
Applera jauzi egin aurretik, Virtual Research Systems enpresan aritu zen, ingeniari mekaniko lanetan.
Erronkak
Erraldoi teknologikoak adimen artifizialaren lasterketan aurrera egin, eta, gaur egungo konpainia handien artean tokia egitea izango du datozen hilabeteetarako erronka nagusietako bat.
Gaur egun, Apple Intelligencek (Appleren adimen artifiziala) irudiak sor ditzake, testuak berridatzi eta jakinarazpen automatikoak laburbildu. Hala ere, Claude eta ChatGPT aplikazioetatik oso urrun dago; Play Store eta App Storeren datuen arabera erabiltzaile gehienek horietara jotzen dute.
Prentsa espezializatuaren arabera, Adimen Artifizialaren etorkizuna gailu integratuetan dagoela (betaurreko adimendunak edo kameradun AirPodak, esaterako) uste du Apple konpainiak, eta horretan jarri nahi ditu indarrak.
Horrez gain, kontseilari delegatu berriak egungo gerra testuinguruak eragindako mehatxuei eta muga-zergei ere aurre egin beharko die.
Zure interesekoa izan daiteke
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.
Instagram Plus: istorio luzeagoak, zerrenda pribatuak eta beste funtzio esklusibo batzuk eskaintzen dituen harpidetza zerbitzu berria
Ordainpeko harpidetza zerbitzu berria probatzen hasi da Meta. Astean zehar istorio bat nabarmentzea ere ahalbidetuko du, jende gehiagok ikus dezan, eta Superlike animatu bat bidaltzea, besteak beste.
Ez dute ChatGPTren funtzio erotikoa kaleratuko OpenAIk laguntzailea hobetzen duen arte
Konpainia teknologikoak funtzio hori data zehaztu gabe atzeratzea erabaki du, erabiltzaile heldu egiaztatuek eduki erotikoan sartzeko aukera izan dezaten. Sistemaren adimenean eta pertsonalizatzeko gaitasunean hobekuntzak egitea lehenetsi nahi dute.
AA "erabat kaltegarria" izan daiteke mentalki kalteberak diren pertsonengan, psikiatra batek ohartarazi duenez
Adimen Artifizialak "ez du kontzientziarik, ez du errukirik eta ez du maite" erabiltzailea, hortaz, "berdin zaio zer gertatzen zaion". Gainera, normalean "atsegina" izaten da, eta "erabiltzailari entzun nahi duen erantzuna ematen dio".
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.