Telegram, WhatsApp baino 'hobea'
WhatsAppek hilabete gutxitan bereganatu du sakelako telefonoen mezularitza aplikazioen merkatua, eta sakelako telefonoak erabiltzen dituztenen egunerokoan ezinbesteko baliabide bilakatu da.
Orain, ordea, lehiakide gogorra atera zaio: Telegram. WhatsAppi aurre egiteko beste ahalegin batzuek porrot egin badute ere, badirudi Telegram barreiatzen ari dela erabiltzaileen artean; izan ere, jendea ohartu da WhatsAppen "berdina" dela, baina erabat doan.
Hori horrela, kode irekiko aplikazioa, software librea aldarrikatzen dutenak erakarri dituena, Appleren eta Androiden deskargen zerrendaburu bihurtu da.
Aplikazioa duela gutxi jarri zuten merkatuan, eta egunero 150.000 aldiz deskargatu zen Espainiako Estatuan.
Abantailak WhatsAppen aurrean
Doakoa da plataforma guztietan (Androiden 0,89 euro ordaindu behar dira urtean behin WhatsApp edukitzeagatik) eta WhatsAppen berdin-berdina da erabiltzaile arruntarentzat. Baina horren ezaugarri nagusia pribatutasuna da, enkriptatzeari eta elkarrizketa seguruak (mezuak automatikoki ezabatzen eta zifratzen ditu) izateko aukerari esker.
Gainera, WhatsAppen gehienez ere 50 laguneko taldeak osa daitezke; Telegramen, berriz, 200eraino zabaldu dute kopurua, eta gigabyte bateko artxiboak ere partekatu ahal dira.
Bestalde, aplikazio berria harrera ona izaten ari da Euskal Herrian. Izan ere, WhatsApp ez bezala, Telegram euskaraz dago eskuragarri (Androiderako bakarrik).
Zure interesekoa izan daiteke
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.