Pokemon GO, iPhone 7a eta Trump izan dira Googleko bilaketa nagusiak
Google bilatzailea gure zalantzak eta kezkak argitzeko tokia bilakatu da. Arrazoi horregatik, urtero, zerrenda bat prestatzen dute Googlen egindako bilaketa nagusiak ardatz hartuta.
Aurten, mundu mailako protagonista nagusiak Pokemon GO, Donald Trump, iPhone7 telefono mugikorra eta Rioko Olinpiar Jokoak izan dira. Googlek egindako zerrendan irakurri daitekeenez, aurten hil diren Prince eta David Bowie musikariak ere sailkapen horretan agertzen dira.
Halaber, Powerball loteria amerikarra (historiako sari potoloena jokoan dago) zerrenda horretako bosgarren postuan kokatu da. Pelikulei dagokienez, aurten Deadpool eta Suicide Squad izan dira bilatzaileek gehien kontsultatu dituztenak (zerrenda horretako seigarren eta hamargarren postuak bete dituzte, hurrenez hurren). 2016ko Rioko Olinpiar Jokoak eta Slither.io bideo-jokoak zerrenda hori ixten dute.
Albisteei dagokienez, Ameriketako Estatu Batuetako hauteskundeak lehen postua betetzen dute. Jarraian, Olinpiar Jokoak eta Brexit-a leudeke. Gainera, 2016an izandako eraso terroristek eta atentatuek toki garrantzitsua dute nazioarteko zerrenda horretan. Besteak beste, Orlandoko dantzaleku bateko erasoa, Dallaseko tiroketa eta Niza eta Bruselako atentatuak izan dira Googlen egindako bilaketa nagusiak.
Gainera, Zika birusa (nazioarte mailako larrialdia eragin duena) eta Panamako paperak ere zerrenda horretan ageri dira.
Galdera xelebreenak
Aurretik esan bezala, Google bilatzailea zalantzak argitzeko toki aproposa bilakatu da. Hauek dira bilatzaile horretan gehien errepikatu diren galderak: ?Zer gertatuko litzateke Trumpek irabaziko balu??; ?Zer gertatuko litzateke Ingalaterra Europar Batasunetik irtengo balitz??; ?Zer gertatuko litzateke Katalunia independizatuko balitz??; edo, ?Zer gertatuko litzateke Podemosek agintea eskuratuko balu??.
Politikak garrantzia handia izan badu ere, erabiltzaileek beste zalantza batzuk argitu nahi izan dituzte. Pokemon GO bideo-jokoarekin lotuta, askok nola jokatzen den bilatu dute. Beste batzuk, ordea, hezur-muin emaile izateko zer egin behar den kontsultatu dute.
Google.es bilatzailea
Espainiako zerrendari dagokionez, joera nagusiak errepikatu direla ikus daiteke. Hala, Rioko Olinpiar Jokoak eta 2016ko Europako futbol txapelketa izan dira bilaketa nagusiak. Erabiltzaileek egindako bilaketa nagusien artean bestelako gai batzuk daude: Pokemon GO, iPhone 7 telefono mugikorra, AEBko hauteskundeak eta Donald Trump, besteak beste.
Zure interesekoa izan daiteke
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.