iPhonek 10 urte bete ditu
iPhone sakelako telefono iraultzaileak hamar urte bete ditu. Hamarkada horretan Apple konpainia teknologiko erraldoiak mila milioi telefono mugikor saldu ditu.
Lehendabiziko iPhonea 2007ko ekainaren 29an jarri zuten salgai, 499 dolarrean. 4 GBko memoria eta 8,89 zentimetroko eta 3,5 hazbeteko ukipen-pantaila zituen.
Sei hilabete lehenago San Frantziskon egindako aurkezpenean, Steve Jobsek konbentzituta iragarri zuen telefono hark telefono mugikorren industria, teknologia eta merkatua eraldatzea ekarriko zuela.
Eta hala izan zen. Telefonia mugikorraren iraultza eragin zuen, 1984an Macintosh ordenagailuak edo 2001ean iPodak egin zuten moduan.
"iPod bat, telefono bat eta Internet erabiltzeko gailu bat da. Ulertzen duzue? Ez dira hiru aparatu ezberdin, bakarra da", azpimarratu zuen agerraldi hartan.
iPhonea arratsaldeko 18:00etan jarri zuten salgai, Applek herrialde ezberdinetan dituen dendetan, baina ordurako jendea zain zegoen, produktu berritzailea erosteko egunak egin zituzten ilaran, ateak noiz irekiko zain.
2007ko urrirako 10 milioi telefono mugikor saldu zituzten. Ikaragarria izan zen, baina urteek aurrera egin ahala, salmentak behera egin du. Hala baieztatu dute Applek hilabete honetan bertan emandako datuek.
Duela hamar urteko merkatuan BlackBerry telefonoak eta Microsoften gailuak nagusi ziren. Alabaina, 2008an, Applek iOS bere sistema eragilerako App Store aplikazioa asmatu zuenean iritsi zen benetako iraultza.
Egun sakelako telefonoa gehienek Android sistema eragilea erabiltzen badute ere, Apple konpainiak eskuratzen ditu industriako irabazi gehienak, bere telefonoen prezio garestien ondorioz.
Dagoeneko, erabiltzaileak iPhone 8aren esperoan daude eta litekeena da Applen telefono berria datorren irailean aurkeztea.
Zure interesekoa izan daiteke
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.