Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
Espainiako Polizia hainbat agintari politikoren datu pertsonalen filtrazio berriak ikertzen ari da. Besteak beste, Imanol Pradales lehendakariaren eta Maria Chivite Nafarroako presidentearen datuak eman dira ezagutzera.
Polizia-iturriek jakitera eman dutenez, Informazio Nagusiko Komisaria ari da filtrazioa ikertzen. Ziberdelinkuentzian adituak diren agenteek ikerketa abiatu dute azken orduetan sare sozialetan eta foro pribatuetan argitaratutako datuen inguruan.
Kontsultatutako iturrien arabera, litekeena da datu horiek aspaldi hackeatu izana eta aldian-aldian beren sareetan partekatzea eta zabaltzea. Orain, Adamuzeko (Cordoba) trenbide-tragedia baliatuz, argitaratu dituzte datuak.
Vindex ezizenarekin, 'hacker' batek bi fasetan zabaldu du Puente ministroaren eta Garraioetako beste goi-kargudun batzuen informazio pertsonala. Horien artean daude Jose Antonio Santano Clavero Estatu idazkaria, Alvaro Fernandez Heredia Renfeko presidentea eta Luis Pedro Marco de la Peña Adif eta Adif-Alta Velocidad enpresako arduraduna.
Filtrazio honekin batera, beste 'hacker' batek, Eurogosth ezizenarekin, Imanol Pradales lehendakariaren edo Maria Chivite Nafarroako presidentearen NANa, helbideak edo telefonoak ere zabaldu ditu. Isabel Diaz Ayuso Madrilgo eskualdeko presidentearen, Juan Manuel Moreno Bonilla Andaluziako presidentearen, Jorge Azcon Aragoiko presidentearen, Alfonso Fernandez Mañueco Gaztela eta Leongo presidentearen, Juan Francisco Perez Llorca Valentziako Erkidegoko presidentearen eta María Guardiola Extremadurako jarduneko presidentearen informazioa ere argitaratu da.
Kontsultatutako polizia-iturrien arabera, ohikoa da hacker horien artean, gehienak oso gazteak, pirateatutako datuak Telegrameko kanaletan argitaratzea.
Maria Chivite Nafarroako presidenteak gogor salatu du gertatutakoa.
Zure interesekoa izan daiteke
Gaspi argentinar youtuber ezaguna hil da, helikoptero istripu batean
Ibai Llanos bilbotarrak iaz antolatutako boxeo-ikuskizunaren izarretako bat izan zen Gaspi. Sei pertsona hil dira ezbeharrean.
Instagram eta Facebook mundu osoan erori dira
Akatsak 15:00ak aldera hasi dira plataforma horietan, eta erabiltzaileek ezin izan dute saioa hasi, mezuak bidali edota argitalpenak partekatu zein ikusi. Oraingoz ez dute argitu zerk eragin duen arazoa.
Adimen Artifiziala euskara indartzeko aukera ona da, baina nahitaezkoa da denon parte-hartzea
Adituen ustez, nahitaezkoa da denon parte-hartzea eta Adimen Artifiziala euskaraz erabiltzea, gero eta datu gehiago izan ditzan bere lana euskaraz ere ondo egiteko.
Neskek "bazterketa" jasaten dute bideojokoetan eta askok "nortasuna ezkutatzen dute", Deustuko Unibertsitatearen ikerketa baten arabera
Ikerketaren arabera, mutilek borroka eta kirol arloko bideojokoak nahiago dituzte, eta neskek irudiari eta dantzari lotutako edukiak kontsumitzen dituzte gehiago.
Metak harpidetza-planak martxan jarri ditu Whatsapp, Instagram eta Facebook aplikazioetarako
Instagram Plus eta Facebook Plus bertsioek 3,5 euro inguruko kostua izango dute hilean, eta Whatsapp Plusek, 2,5 eurokoa.
YouTube, Snapchat eta TikTok sare sozialek akordioa lortu dute "eragindako mendekotasunagatik" salatu zituen Kentuckyko eskolarekin
Akordioari esker, bertan behera gelditu da hezkuntza barruti batek sare sozialetako plataformen kontra abiatutako lehen epaiketa izango zena. Hala ere, oraingoz ez dituzte akordioaren inguruko xehetasunak eta baldintzak argitu.
Hamar pasahitz erabilienak "segundo batean baino gutxiagoan" asmatzeko modukoak dira, Ziur zibersegurtasun zentroaren arabera
Kontu garrantzitsu guztiek pasahitz propioa izatea gomendatu du Ziur Gipuzkoako Foru Aldundiaren Zibersegurtasun Industrialeko Zentroak, baita "pasahitz luze eta deszifratzeko zailak" aukeratzea zein pasahitz-kudeatzaileak erabiltzea ere.
Nor da John Ternus eta zer erronka izango du Appleren gidaritzan?
John Ternusek datorren irailaren 1ean kontseilari delegatu kargua hartuko du, eta Tim Cookekin alderatuta (operazioetan eta negozioan zentratuago dagoen), ingeniaritza arloari garrantzi handiagoa ematea aurreikusten dute adituek.
Tim Cookek Appleren CEO izateari utziko dio irailean, eta John Ternusek ordezkatuko du
Konpainia teknologikoak aho batez onartu du enpresaren burua ordezkatzea, eta irailaren 1ean gauzatuko da. Orduz gero, Cook administrazio-kontseiluaren presidente exekutiboa izango da.
RAM memorien krisialdia 2030era arte luza liteke, adituen arabera
Sektoreko fabrikatzaile nagusiak —Samsung, SK Hynix eta Micron— ekoizpen fabrika berriak sortzen ari dira arazo horri irtenbidea emate aldera, baina prozesu luzeak direnez, datorren urte amaierarako eskariaren % 60 betetzea lortuko dute, Nikkei Asiak jakinarazi duenez.