5.000 ordenagailutik gora, Euskal Encounterraren 25.ekitaldian
Guztira 5.024 ordenagailu dira Barakaldoko Bilbao Exhibition Centre (BEC) aretoan gaur hasi eta asteartera bitartean egingo den Euskal Encounter topaketaren 25.ekitaldian parte hartzen ari direnak.
Konektatuta dauden ordenagailuek 40 gigako konexioa dute, igoerak zein jaitsierak egiteko, eta horrek marka berri bat ezarri du, baita erabiltzen ari diren azalerak ere, joan zen urtean baino % 30 handiagoa.
1994an Urretxun (Gipuzkoa) egin zen lehendabiziko edizioan 64 Kbps-ko abiadura erabili ahal izan zuten bertaratu ziren 36 parte-hartzaile eta 25 ordenagailuek; aurten, berriz, 5.024 pantaila eta 8.000 lagun elkartu dira 50.600 metro koadroko gunean. Parte-hartzaileek segundoko 40 giga simetrikoko abiadura dute sarean ibiltzeko, eta dozenaka jarduera ikasteko eta ondo pasatzeko.
Euskal Encounterra gazteentzako topaketarako gune bihurtu da; izan ere, parte-hartzaileen bataz besteko adina 28 urtekoa da. Horien arteko % 13 emakumezkoak dira.
Topaketaren edizio honetan aurretik existitzen ziren bi guneei berri bat erantsi zaie. Horrenbestez, lehendabiziko gunean informatikazaleek euren ordenagailuak jartzen dituzte (joan zen urtean baino 416 gehiago) eta Euskal Encounterreko jarduerak egiten dira; bigarrenean, ostera, parte-hartzaileek euren kanpadendak jartzen dituzte, bertan atseden hartu ahal izateko.
Halaber, aurten ezarri den hirugarren gune berri horretan droneen lasterketak hartzeko zirkuitu bat prestatu dute: 3.200 metro koadroko espazio batean jardungo dute pilotu adituek lehian eta euren jakintzak partekatzeko tailerrak eskainiko dituzte gailu hauen ezaugarri eta funtzioak ezagutu nahi dituztenentzat. Horrez gain, aurtengo beste berritasun gisa nabarmentzekoa da Kid's Kit-Car Greenpower elkarteak antolatutako jarduera: bertan hainbat haur taldek auto elektrikoak diseinatzen, eraikitzen eta gidatzen ikasiko dute informatika jaialdiak iraungo duen lau egunetan zehar.
Era berean, publikoari irekia dagoen doako guneak (Opengunea) bere horretan darrai. Aurten dozenaka jarduera hezigarri egongo dira, baita produktu informatikoak eskuratzeko standak eta robotikako, errealitate birtualeko eta 3D inprimaketako guneak ere.
"Talentu haztegia"
Estibaliz Hernaez Eusko Jaurlaritzako Teknologia, Berrikuntza eta Lehiakortasun sailburuordeak adierazi du Euskal Encounterreko parte-hartzaileak guztiz bat datozela 4.0 industriak behar dituen profil profesionalekin, euren gaikuntza teknologikoa nahiz "lanean erakusten duten pasioa" dela eta. Modu horretan, informatika-bilkuran "enpresek talentu haztegia" topa dezaketela gehitu du sailburuordeak.
Zure interesekoa izan daiteke
Zertarako balio du eta nola erabiltzen da Googleko bilaketa-barraren '+' botoi berria?
Googleko bilaketa-barraren ezkerreko muturrean, '+' ikonoak lupa ordezkatu du. Irudi bat zein fitxategi bat eransteko aukera ematen du, eta, Adimen Artifizialak lagunduta, bilaketa aurreratua egiten du Googlek, irudi nahiz fitxategi horiek testuinguru gisa erabilita.
Cloudflarek konpondu du mundu mailan webgune ugaritan arazoak eragin dituen akatsa
Arazo berri hori duela aste batzuk gertatu zen beste etenaldi global garrantzitsu baten ondoren etorri da. Hainbat zerbitzuri eragin zien, hala nola X sare sozialari, ChatGPT 'chatbot'-ari eta League of Legends bideojokoari.
Netflixek Warner Bros. Discovery eskuratuko du, 82.700 milioi dolarren truke
Bi konpainiek akordio bat lortu dute ostiral honetan, zinema eta telebista estudioak eta HBO barne hartzen dituena.
Prentsa digitalari 479 milioi ordaintzera kondenatu dute Meta, lehia desleialagatik
Madrilgo Merkataritza Arloko 15 zenbakiko Epaitegiak AMIko 87 editoreri kalte-ordaina ematera zigortu du Meta, lehia-abantaila bat lortzeagatik, Facebooken eta Instagramen jokabide-publizitatearen bidez.
X, ChatGPT eta League of Legends berriro martxan dira, Cloudfarek sarean izandako akatsa konpondu ondoren
15:42 zirenean jakinarazi du konpainiak, arazoa konponduta dagoela. Gertatukoaren atzean egon arrazoia ere identifikatu dutela esan dute, baina ez dute zehaztu zer gertatu den. Web orrian honako mezua argitaratu dute: "Akatsak monitorizatzen jarraitzen dugu, zerbitzu guztiak bere onera etor daitezen".
Amazonen eta Microsoften hodeiko zerbitzuen inguruko ikerketa zabaldu du Bruselak
Amazon Web Services eta Microsoft Azure konpainiek ez dituzte betetzen "Interneteko zaindari" izendatzeko baldintzak, ez baitauzkate Europar Batasunean horretarako hilero behar diren 45 milioi erabiltzaile, baina Europar Batasuneko Gobernuak jakin nahi du, hala ere, nahikoa kuota ote duten sektorean lehia askea oztopatzeko.
Elon Muskek Grokipedia kaleratu du, AAz egindako entziklopedia: tresnak Trump goraipatzen du eta haren arabera Euskadi ez da existitzen
Elon Muskek bultzatutako plataforma berriak ia milioi bat artikulu sortu ditu adimen artifizialaren bidez, eta joera ideologiko oso argia islatzen du. Egungo bertsioan, Grokipediak ez du "Euskadi" terminoa barne hartzen, 20.000 hitz eskaintzen dizkio Donald Trumpi (80 orrialdeko liburua egiteko adina) eta Francori, HIESari eta esklabotzari buruzko ikuspegi partzialak ematen ditu.
Merezi al du oso bereizmen handiko telebista bat erostea?
Erantzuna ezezkoa da. Cambridgeko Unibertsitateko ikertzaileek diote giza begiak bereizmen-muga bat duela.
YouTubeko milaka bideoren bidez "malware"a eskala handian banatzeko operazio bat identifikatu dute
Gaizkileek YouTubeko kontu faltsuak edo konprometitutakoak erabiltzen zituzten softwarea pirateatu eta jokoak hackeatzeko bideoak argitaratzeko, balizko biktimak erakartzeko amu gisa. Programa horiek lortzeko fitxategiak deskargatzea eskatzen zuten, baina artxibo horiek, benetan, gailua kutsatzen zuen malwarea zuten.
Amnistia Internazionalak salatu duenez, TikTok "nerabeen autoestimu txikiaz baliatzen da dirua irabazteko"
Erakundearen txosten batek ohartarazi duenez, sare sozialaren algoritmoak automutilazioari eta suizidioari buruzko edukiak helarazten dizkie gazteei. AI erakundeak adingabeak babesteko premiazko neurriak hartu ditzaten eskatu die Europako Batzordeari eta Frantziako Gobernuari.