2017 urteko laburpena, Youtuberen arabera
Youtube plataformak 2017 urteko laburpena egin du, unean uneko youtuber ospetsuenak eta entretenimenduaren munduko hainbat izar bildu dituen bideo batean.
Bideoak 07:14 minutuko iraupena du, eta "Youtube Rewind: The Shape of 2017" du izena. Horretan, urteko gertakari garrantzitsuenetako batzuk aipatu dituzte, hala nola maiatzean Manchesterren izan zen atentatua edo irailean Mexikon izandako lurrikarak.
Dena dela, ez dira denak tragediak edo albiste serioak izan. Urteko moda biralenak ere bildu ditu Youtubek, hala nola finger spinner jostailua, The floor is lava erronka eta gatza botatzeko moduagatik sare sozialetan ospetsu egin den Salt Bae sukaldari turkiarra.
Eta hori dena aurten gehien entzun diren abestietako biren soinu bandarekin: "Despacito" (Luis Fonsi eta Daddy Yankee) eta "Shape of you" (Ed Sheeran).
Bideoan munduko youtuber ospetsuenetakoak ikus daitezke, besteak beste Logan Paul, Lele Pons, Liza Koshy, HolaSoyGerman eta Luzu.
Gainera, entretenimenduaren munduko izar batzuk ere bildu dituzte, tartean Luis Fonsi eta Daddy Yankee eurak eta Stephen Colbert aurkezle estatubatuarra.
Bideoa | Youtube Rewind 2017: The Shape of 2017
Albiste gehiago teknologia
Trumpek 90 egunez luzatu du TikToki Txinatik bereizteko emandako epea
Trumpek 90 egun gehiago eman dizkio TikToki Txinako matrizetik bereiz dadin, AEBn erabili ahal izateko. Bidenen agintaldiko lege batek Txinarekin moztera behartzen zuen aplikazioa, AEBren "arerioa" dela iritzita, baina Trump presidenteak luzapenak onartu ditu TikTokek AEBko inbertitzaile bat aurkitu dezan.
Euskarazko eta beste hizkuntza gutxituetako txatbotak sortzeko modu berritzailea topatu du HiTZ zentroak
Orain arte, txatboten elkarrizketa onak izateko gaitasuna Interneten modu irekian hizkuntza jakin batean idatzita dauden dokumentu kopuruaren araberakoa zen, baina metodo berriak izugarri erraztuko du txatboten jarduna egokiagoa izatea.
Nintendo Switch 2a erosi aurretik jakin beharreko 5 gauza
Nintendoren kontsola berria ostegun honetan, ekainak 5, merkaturatu dute eta hemen dituzu erosi aurretiko jakingarri batzuk.
Donostiako CIC nanoGUNE errefererentzia-zentro bihurtuko da teknologia kuantikoan
Ibaeta auzoan dagoen CIC nanoGUNEren eraikinak bigarren dorre bat izango du, eta bertan hardware kuantikoaren ikerketara bideratutako laborategiak egongo dira.
Espainiar Estatuko hiru pasahitz erabilienak segundu bakar batean deszifra daitezke
Igandean Pasahitzaren Nazioarteko Eguna dela eta, Gipuzkoako Ziur Industria Segurtasun Zentroak ohartarazi du ziberasko gehienak pasahitzak lapurtuta egin ohi dituztela ziberkriminalek.
YouTuberen 20. urteurrena: Hau da 2005eko apirilaren 23an plataformara igotako lehen bideoa
2005eko apirilaren 23an, hogei urteko gazte batek 18 segundoko grabazio bat igo zuen. Igotakoak mundua irauliko zuen, 530 milioi bistaratze baino gehiago lortuta.
OpenAI bere sare sozial propioan ari da lanean, eta Xen antzekoa izango litzateke
Sam Altman OpenAIko zuzendari exekutiboak pribatuan iritziak eskatu ditu oraindik lehen faseetan dagoen proiektuari buruz. Ez dago argi konpainiak sare soziala aplikazio independente gisa abiarazteko edo ChatGPTn barneratzeko asmoa duen.
Amazonek TikTok erosteko eskaintza aurkeztu du
"The New York Times" egunkariaren arabera, AEBko erraldoi teknologikoak Txinako sare sozial osoa erosteko eskaintza egin du.
Segurua al da Signal? AEBk gerra planak aztertzeko erabili duen aplikazioaren erradiografia
Mezularitza aplikazio honek zeresana eragin du azken egunetan, Trumpen Administrazioak nahi gabe kazetari bat sartu baitzuen gerra planak partekatzen zituen txat zifratu batean.
Horrelakoa da Quantum System Two, IBMren ordenagailu kuantikorik aurreratuena
Eusko Jaurlaritzak eta IBMk iragarri dute Europako lehen IBM Quantum System Two ordenagailua instalatuko dutela Donostian. Sistema kuantiko horrek 156 kubiteko IBM Quantum Heron prozesadore bat izango du, erabilgarritasun-eskalara iristeko diseinatua dagoena.