Googlen laguntzailea pertsonekin telefonoz hitz egiteko gai izango da
Googlen laguntzaile digitala pertsonekin telefono bidez komunikatzeko gai izango da, erabiltzaileek zuzenean deia egin behar ez izateko, garatzaileentzako goi bileran egindako aurkezpenean iragarri duenez.
Sundar Pichai Googlen CEOak abiarazi zuen ekitaldia eta internet bidez emititu zuten. Horretan, adimen artifiziala izan zen ardatza, gero eta produktu eta zerbitzu gehiagotan sartuta dagoen teknologia da, laguntzaile digitaletik abiatuta.
Pichaik egindako aurkezpenean, Google Assistant zerbitzuak ileapaindegi batera deitu zuen hitzordua hartzeko eta, ahots naturala erabiliz, elkarrizketa bat izan zuen telefonoaren bestaldean zegoen pertsona "errealarekin", nahiz eta ustekabeko erantzunak eman zizkion.
"Estatu Batuetan ere, enpresa txikien % 60k ez du erreserbak online egiteko zerbitzua, eta uste dugu lagungarria izan daitekeela" euren laguntzailea, Pichairen esanetan. Gainera, azaldu zuenez, urteak ikerketan eman ostean, laguntzaile digitalak "elkarrizketetako ñabardurak bereiz ditzake".
Esperimentu fasean dagoen funtzioa, Duplex deitutakoa, ez dago oraindik erabiltzaileen esku, baina datozen asteetan Googlek teknologia hori erabiliko du enpresei deitu eta ordutegiaz galdetzeko, bilatzailean informazio hori sartzeko.
Era berean, gutxi barru laguntzaileak aurrerapen gehiago izango ditu: ez du "Hey Google" entzun beharko martxan jartzeko, gauza bat baino gehiago eskatu ahal izango zaio aldi berean eta funtzio bat izango du umeei zuzenduta, gauzak "mesedez" eska ditzaten.
Zure interesekoa izan daiteke
"Zure urtea ChatGPTn", 2025eko interakzioak laburbiltzen dituen funtzio berria
Erabiltzaile orok izango du tresna eskuragarri, doako bertsioen nahiz ordainpeko bertsioen erabiltzaileek, betiere gordetze-memoria eta txat-historia aktibatuta badituzte.
Zertarako balio du eta nola erabiltzen da Googleko bilaketa-barraren '+' botoi berria?
Googleko bilaketa-barraren ezkerreko muturrean, '+' ikonoak lupa ordezkatu du. Irudi bat zein fitxategi bat eransteko aukera ematen du, eta, Adimen Artifizialak lagunduta, bilaketa aurreratua egiten du Googlek, irudi nahiz fitxategi horiek testuinguru gisa erabilita.
Cloudflarek konpondu du mundu mailan webgune ugaritan arazoak eragin dituen akatsa
Arazo berri hori duela aste batzuk gertatu zen beste etenaldi global garrantzitsu baten ondoren etorri da. Hainbat zerbitzuri eragin zien, hala nola X sare sozialari, ChatGPT 'chatbot'-ari eta League of Legends bideojokoari.
Netflixek Warner Bros. Discovery eskuratuko du, 82.700 milioi dolarren truke
Bi konpainiek akordio bat lortu dute ostiral honetan, zinema eta telebista estudioak eta HBO barne hartzen dituena.
Prentsa digitalari 479 milioi ordaintzera kondenatu dute Meta, lehia desleialagatik
Madrilgo Merkataritza Arloko 15 zenbakiko Epaitegiak AMIko 87 editoreri kalte-ordaina ematera zigortu du Meta, lehia-abantaila bat lortzeagatik, Facebooken eta Instagramen jokabide-publizitatearen bidez.
X, ChatGPT eta League of Legends berriro martxan dira, Cloudfarek sarean izandako akatsa konpondu ondoren
15:42 zirenean jakinarazi du konpainiak, arazoa konponduta dagoela. Gertatukoaren atzean egon arrazoia ere identifikatu dutela esan dute, baina ez dute zehaztu zer gertatu den. Web orrian honako mezua argitaratu dute: "Akatsak monitorizatzen jarraitzen dugu, zerbitzu guztiak bere onera etor daitezen".
Amazonen eta Microsoften hodeiko zerbitzuen inguruko ikerketa zabaldu du Bruselak
Amazon Web Services eta Microsoft Azure konpainiek ez dituzte betetzen "Interneteko zaindari" izendatzeko baldintzak, ez baitauzkate Europar Batasunean horretarako hilero behar diren 45 milioi erabiltzaile, baina Europar Batasuneko Gobernuak jakin nahi du, hala ere, nahikoa kuota ote duten sektorean lehia askea oztopatzeko.
Elon Muskek Grokipedia kaleratu du, AAz egindako entziklopedia: tresnak Trump goraipatzen du eta haren arabera Euskadi ez da existitzen
Elon Muskek bultzatutako plataforma berriak ia milioi bat artikulu sortu ditu adimen artifizialaren bidez, eta joera ideologiko oso argia islatzen du. Egungo bertsioan, Grokipediak ez du "Euskadi" terminoa barne hartzen, 20.000 hitz eskaintzen dizkio Donald Trumpi (80 orrialdeko liburua egiteko adina) eta Francori, HIESari eta esklabotzari buruzko ikuspegi partzialak ematen ditu.
Merezi al du oso bereizmen handiko telebista bat erostea?
Erantzuna ezezkoa da. Cambridgeko Unibertsitateko ikertzaileek diote giza begiak bereizmen-muga bat duela.
YouTubeko milaka bideoren bidez "malware"a eskala handian banatzeko operazio bat identifikatu dute
Gaizkileek YouTubeko kontu faltsuak edo konprometitutakoak erabiltzen zituzten softwarea pirateatu eta jokoak hackeatzeko bideoak argitaratzeko, balizko biktimak erakartzeko amu gisa. Programa horiek lortzeko fitxategiak deskargatzea eskatzen zuten, baina artxibo horiek, benetan, gailua kutsatzen zuen malwarea zuten.