Euskal Encounterraren XXVII. edizioak 15.000 bisitari baino gehiago izan ditu
Euskal Encounter topaketaren XXVII. edizioa amaierara iritsi da ekintzez betetako lau egunen ostean. Euskaltelek eskainitako sareak segundoko 60 gigabiteko abiaduran nabigatzeko aukera eman die bertan bildu diren 5.000 ordenagailuei, eta informatikaren euskal jaia "munduko azkarrenetarikoa" bilakatu dute.
Edizio honetan eskainitako ekintzen artean, BECera joan direnek errealitate birtualeko azken berrikuntzez gozatu ahal izan dute.
Robotikarekin, droneekin eta 3D inprimagailuekin lotutako ekintzak ere egon dira, eta jokalariek dozenaka joko izan dituzte eskuragarri.
Sabino San Vicente Euskaltel Konekta fundazioko eta jardunaldiko arduraduna pozik agertu da "lan party" sailean izandako ezagutza-trukeekin, baita 300 lehiaketa baino gehiagotan izandako partaidetzarekin ere.
Formakuntza atala zibersegurtasunarekin, bideo-jokoen industriarekin edo programazioarekin lotutako gaiak ekarri dituzten adituekin indartu da edizio honetan. Gainera, streamig-a oso presente egon da Opengune eta GameguneTV programetan.
Horri guztiari cosplay eta K-Pop lehiaketak gehitu zaizkio, bisitariak dibertitu eta hainbat pertsona erakarri dituzten ekintzak.
15.000 pertsona baino gehiago esparru irekian eta doakoan
Antolatzaileek nabarmendu dutenez, Opengune (publikoarentzako doako esparru irekia) indartzearen aldeko apustua egin dute, eta emaitzak "oso positiboak" izan dira. 15.000 pertsona baino gehiago igaro dira 60 ekintza baino gehiago eskaini eta hainbat stand izan dituen 15.000 metro karratuko esparrutik.
"Partaidetza handia" egon da atal guztietan, eta 187 talde aritu dira software libreko ekintzetan. Erronka informatikoak gainditzen lagundu duten zibersegurtasuneko, sistemetako eta programazioko adituak izan dira horietan.
Jokoen alorrean, aurreko edizioetan baino lehiaketa gehiago egon dira, baita "emakume finalista gehiago" ere, antolatzaileek azpimarratu dutenez, eta irudi, musika eta programazio lehiaketetan aurkeztutako lanen kalitatea ere nabarmendu dute.
Interneteko konexioari dagokionez, segundoko 60 gigabiteko abiadura "arazorik gabe" harrapatu dute, eta "etxekoa baino askoz abiadura handiagoa" eskaini diete partaideei. Hori dela eta, Euskal Encounter topaketa Estatuko eta munduko "jairik" azkarrenetarikoa da.
Zure interesekoa izan daiteke
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.