Banketxeen irudia erabiliz iruzurra egiten ari direla ohartarazi du Kontsumobidek
Kontsumobide Kontsumoko Euskal Institutuak finantza erakundeen irudia ordezten duten (phishing-a deitzen zaio iruzur mota honi) mezu elektroniko batzuk atzeman ditu, bezeroen sarbide-datuak eta pasahitzak eskuratzeko.
Ohar batean azaldu duenez, bezeroak banketxearena dirudien mezu elektronikoa jasotzen du txartelarekin arazoak daudela esanez eta berriro hura aktibatzeko helbide elektroniko bat eskainiz. Hori da, hain justu, bezeroaren datuak eta pasahitzak lortzeko modua, ondoren iruzur egiteko eta lapurtzeko.
Kontsumobidek gogorarazi du datu pertsonalak edo bankuko pasahitzak ezin direla, "inola ere, posta elektroniko edo telefono bidez jakinarazi; erakundeek ez dute inoiz horrela eskatzen". Berdin dio, gainera, zein den emandako arrazoia: segurtasuna, sustapena, estatistikak, sistemen balidazioa, edo, kasu honetan bezalaxe, banku txartela berriro aktibatzea.
Gainera, ez da ahaztu behar kasu gehienetan autentifikazio bikoitza egitera behartzen duela legeria berriak. Beraz, halakorik eskatzen ez digutenean susmo txarra hartu ahal diogu.
Mezu elektroniko bat edo komunikazio motaren bat jasotzean zalantzarik edukitzekotan, Kontsumobidek gomendatu du banketxearekin harremanetan jartzea ohiko bideak erabiliz (omunikazio susmagarri horrek eskaintzen dizkigun aukera horiek saihestu), komunikazioa benetakoa dela egiaztatzeko eta, hala dagokionean, iruzurra salatzeko.
Kutxabankek duela 10 egun jakinarazi zuen bere izenean iruzurra egiten saiatzen ari zirela. Hainbat gomendio eman zituen horrekin lotuta:
- Ez eman inori zure sarbide-datuak, ez txartelarenak, ezta kontuarenak ere. Kutxabankek soilik bere kanal ofizialetan eragiketak egiten ari zarenean eskatuko dizkizu datuak eta sarbide-gakoak.
- Mezuaren bidaltzailea ezagutzen ez baduzu, ez zabaldu. Kontuz ibili larrialdiko informazioa duten edo COVID-19arekin zugana zuzendutako mezu elektronikoekin.
- Ezagutzen ez dituzun bidaltzaileen mezuetan fitxategiak atxikita badaude, ez ireki, eta ezagutzen ez duzun helbide elektroniko batetik edo SMS mezu bati lotura duten webgunerik ez bisitatu eta ez jaitsi.
- Interneten bidez erosketak egiten badituzu, sortu txartel birtual bat urruneko bankaren bidez. Egokitu txartelen mugak emango diezun erabileren arabera.
- Ez jaitsi ofizialak ez diren aplikazioak; izan ere, birusak izan ditzakete edo ordenagailuan kalteak eragin.
- Ez zabaldu sasi-informaziorik edo albistegi ofizialetatik ez datorren albisterik.
Zure interesekoa izan daiteke
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.
Xk galarazi egingo du erabiltzaileek Grok bidez irudi sexualizatuak sortzea
Adimen artifizialaren inguruko murrizketa gehiago ezarri ditu sare sozialak, arropa intimoa duten benetako pertsonen irudiak sortzeko polemikaren ondoren, adingabeak barne. Neurria ordainpeko harpidedunei ere aplikatzen zaie.
Grok, Xren adimen artifiziala, indarkeria matxistarako erraminta berria
Milaka pertsona Elon Musken AA erabiltzen ari dira emakumeen irudi sexualizatuak sortzeko, haien baimenik gabe. Horrek eztabaida handia sortu du munduan. Horregatik, Colectiva Femiaseko bi kiderekin hitz egin dugu, artea, feminismoa eta AA lantzen dutenak.
Mundu osoko gobernuak Musken Grok estutzen ari dira, horrek sortu ditzakeen “deepfake” sexualengatik
Europan, hainbat gobernuk ikerketak abiatu dituzte horrelako edukiak legez kanpokoak diren ebaluatzeko.
ChatGPTk eta Copilotek WhatsAppen funtzionatzeari utziko diote eta Meta AIk bakarrik jarraituko du eskuragarri
Mezularitza-plataformaren politika berriengatik, beste enpresen chatbotak itxiko dituzte, eta, ondorioz, OpenAI eta Microsoftenak erretiratuko dituzte bihartik aurrera.
Wikipediak 25 urte bete ditu, eta euskarazko edizioa hizkuntza gutxituen erreferente bihurtu da
Munduko entziklopedia aske eta kolaboratiborik handiena, 60 milioi artikulu baino gehiago dituela, 25. urteurrena ospatzen ari da. Era berean, euskarazko Wikipedia nabarmendu da, hazkunde iraunkorragatik, komunitate aktiboagatik eta euskara Interneten zaintzen eta zabaltzen laguntzeagatik.
Datuak Babesteko Agentziak inoren irudiak zabaltzeak dakartzan ondorioez ohartarazi du, penalak ere izan daitezke eta, egiazkoak zein AArekin sortutakoan izan
Datuak Babesteko Espainiako Agentziak ohartarazi du tresna horiek zuhurtziarik gabe erabiltzeak oinarrizko eskubideak urra ditzakeela eta legezko erantzukizunak ekar ditzakeela, batez ere eduki intimoa, sexualizatua edo adingabeei buruzkoa den kasuetan.