Merezi al du oso bereizmen handiko telebista bat erostea?
Erantzuna ezezkoa da. Cambridgeko Unibertsitateko ikertzaileek diote giza begiak bereizmen-muga bat duela.
Oso bereizmen handiko telebistak modan daude ikus-entzunezkoen merkatuan. Gero eta telebista handiagoak eta definizio hobeagokoak bilatzen ditugu. Ultra HD, HD, 4K, 8K... mota guztietakoak daude.
Baina merezi al du prezio altuko bereizmen handiko telebista bat erostea? Erantzuna ezezkoa da.
Cambridgeko Unibertsitateko eta Meta Reality Labs-eko ikertzaileek frogatu dute askotan giza begia ez dela gai kalitate handiak bereizteko.
Izan ere, zientzialariek diote giza begiak bereizmen-muga bat duela, eta pixel kopuru jakin bat baino ezin duela hauteman. Beraz, oso bereizmen handiko pantaila batek begiak detektatu ezin duen informazioa eman dezake.
Horrenbestez, pantaila batek pixel gehiago izateak ez du beti esan nahi ikusmen-pertzepzio hobea izango duenik. Horretan hainbat faktorek eragiten dute, hala nola pantailaren tamainak, distantziak eta abarrek.
Ikertzaileek funtsezko kasu praktiko bat jarri dute: batez besteko gela bat, hazbeteko ultra bereizmen handiko telebista (4K edo 8K) eta erabiltzailea telebistatik 2,5 metrora. Adituen arabera, telebista mota horrek ez luke inolako abantailarik izango "Quad HD" batekiko.
Maliha Ashraf Cambridgeko Konputazio eta Teknologia Zientzien Departamentuko ikertzaile eta ikerketaren lehen egileak azaldu duenez, "garrantzitsua da ezagutzea non dagoen hobekuntzen eta onuren arteko muga”.
Hala eta guztiz ere, ikertzaileek egiaztatu dute giza begiaren bereizmen-muga uste zena baino handiagoa dela; hala ere, ez da gauza bera koloreekin edo zuri-beltzezko irudiekin. Dirudienez, garunak ez du koloretako irudien xehetasunak oso ondo hautemateko gaitasunik.
Zure interesekoa izan daiteke
X, Meta eta TikTokek delituak egin dituzten ikertzeko eskatuko dio Espainiako Gobernuak Fiskaltzari
"Plataforma horiek gure seme-alaben osasun mentalaren, duintasunaren eta eskubideen aurka egiten ari dira. Estatuak ezin du horrelakorik onartu", azpimarratu du Pedro Sanchezek X sare sozialean.
Sare sozialak gehiegi erabiltzeak gazteak isolatzea eragiten du, ikerketa baten arabera
AEBko 120 unibertsitatetan 18 eta 24 urte bitarteko 64.988 gazteri egindako galdeketaren emaitzak argitaratu ditu gaur Journal of American College Health aldizkariak.
15 urtez azpikoei sare sozialak debekatzearen alde agertu da Txekiako Gobernua
X-en zabaldutako bideo batean, Txekiako gobernuburuak ziurtatu du espainiar edota frantziar estatuetan bultzatutako debekuarekin bat egiten duela.
TikToken diseinu "adiktiboak" Europar Batasuneko legea urratzen duela ondorioztatu du Bruselak
Europako Batzordeak zehaztu duenez, erabiltzaileak etengabe eduki berriekin "saritzen" dituenez, TikToken diseinuaren zenbait ezaugarrik pantailan mugitzen jarraitzeko beharra elikatzen dute, eta erabiltzaileen garuna "pilotu automatiko moduan" sartzea eragiten dute. Horrek portaera konpultsiboa izatea eta erabiltzaileen autokontrola murriztea ekar dezake. TikTokek esan du "erabat faltsua" dela bere diseinuak mendekotasuna sortzen duenik.
Dorre kuantikoa barrutik: konputagailu kuantikoa garatzeko txipak egingo dituzte bertan
Donostian, CIC Nanoguneri erantsita, dorre kuantikoa eraiki dute. Bertan, besteak beste, diluzio hozkailua ezarri dute eta han daude ordenagailu kuantikoak beharrezko dituen txipak sortuko dituzten laborategiak.
Australia eta Frantzia, aitzindari: adingabeek sare sozialak nola erabiltzen duten arautzeko bidea ezarri dute
Australia eta Frantzia izan ziren nerabeei sare sozialetarako sarbidea mugatu zieten lehen herrialdeak, eta Espainiako Gobernua antzeko neurri bat hartzera bultzatu dituen aurrekariak ezarri zituzten.
Europako Batzordeak espedientea ireki dio X sare sozialari, Groken bitartez egiten diren irudi sexualizatuengatik
Elon Musken enpresak Grok adimen artifizialari lotutako arriskuak aztertu eta arindu ote dituen argitu nahi du Bruselak.
Pradales, Chivite eta beste erkidego batzuetako presidenteen datu pertsonalen filtrazioa ikertzen ari dira
Eurogosth izeneko hackerrak agintari autonomikoen NANa, helbideak edo telefonoak zabaldu ditu, eta Vindex ezizeneko hackerrak, berriz, Puente ministroaren eta Garraioetako beste goi-kargudun batzuen informazio pertsonala zabaldu du bi fasetan.
TikTokek AEBren kontrolpean dagoen enpresa bat sortu du AEBn app-aren betoa saihesteko
Donald Trump AEBko presidenteak, akordioaren bultzatzaile nagusiak, sare sozialetan ospatu du duela hilabete prentsak aurreratu zuen albistea baieztatu izana, eta nabarmendu du aplikazioa oso garrantzitsua izan zela 2024ko hauteskundeetan berak lortutako garaipenean, TikTokeko erabiltzaile gazteei esker.
?fmt=webp-alpha&qlt=80)
X mundu mailan erori da, aste honetan bigarrenez
Sare soziala eta Grok adimen artifiziala ez dira kargatzen, eta ezin dira erabili.