Egun bat gutxiagorekin ere, jende gehiago
Gerediaga elkarteko kideak pozik agertu dira Durangoko Azokaren 47. edizioak izan duen harreraz, "bai jendeari dagokionean, baita salmentari dagokionean ere".
Iaz baino bisitari gehiago izan direla goraipatu du Aiert Goenaga Azokako zuzendariak, iaz baino egun bat gutxiago izan arren, eta erakustokietan pozik azaldu direla jakinarazi du. Lau egunetan, 106.000 sartu-irten izan direla jakinarazi dute.
Kirmen Uriberen lan berriarekin batera, Toti Martinez De Lezeren "Urak dakarrena" izan da salduenetarikoa bat. Diskoei dagokionean, Gatiburen disko berria izan da aurtengo produkturik arrakastatsuena.
Guneak finkatu direla esan dute antolatzaileek. Areto nagusiko antolatzaileak pozik agertu dira, une batzutan erantzun gutxi jaso duten arren. Ahotseneak balorazio ezinhobea egin du, jende asko hurbildu baita Landako ondoko gunera. Szenatokiak helburua bete duela azpimarratu dute: San Agustineko espazioa bete dute. Kabi@-ko antolatzaileek "balorazio oso positiboa" egin dute egindako jarduerei dagokionean, adibidez, euskal wikipediaren elikatze masiboarekin.
Saguganbara espazioari dagokionean, aurreikuspenak bete dituzte eta transmisioa (orain arte Haur Literatur Txokoa zen) oso ondo egin dutela jakinarazi dute. Plateruena beteta izan da gauera eta baita egunez ere eta AzokaTBk 1.500 bisita izan ditu egunero streaming bidez eta 120.000 etxetara heldu da tokian-tokiko telebisten bitartez.
Kultura gonbidatuak, kultura ijitoak, ekarpen oso positiboa egin duela jakinarazi dute, eta Kale Dor Kayiko elkarteko kideak ere gustura azaldu dira.
Nerea Mujika, Gerediaga elkarteko kideak esan duenez, "Wert ministroaren mezu uniformizatzaile eta menpekoaren aurrean, aniztasunaren eta euskararen aldeko apustua" egiten du Durangoko Azokak.
Zure interesekoa izan daiteke
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.