‘Hizkuntza normalizazioa eta hedabideak’ ikastaroa, ate-joka
Urtero bezala, EHUk Uda Ikastaroak antolatu ditu aurten ere, prestakuntza ildo berriak zabalduz ikasle, profesional, irakasle eta gainerako parte-hartzaileek “bizitzen, elkarrekin bizitzen, aurrera egiten eta irakasten” ikas dezaten. Aurtengo egitarau oparoan, hizkuntzari ere begiratuko diote, eta, hain zuzen ere, ‘Hizkuntza normalizazioa eta hedabideak: etorkizun hurbileko erronkak’ ikastaroa antolatu dute.
Kike Amonarrizek zuzenduko du ikastaroa, eta euskalgintzak eta, hain zuzen, euskarazko komunikabideek ‘fase politiko-sozial berriari’ nola aurre egingo dioten argitzen saiatuko dira bertan. Azkenaldian euskararen mikrokosmosean (Tokikom eta Hekimen elkarteen sorrera, Topagunearen hausnarketa, EiTBren funtzioaren gaineko eztabaida...) eta, oro har, mundu zabalean (krisi ekonomikoa, teknologia berriak, globalizazioa) izandako aldaketek euskarazko komunikabideak zein egoeratan utzi dituzten ere aztertuko dute.
Azken finean, hedabideek euskara normaltzeko prozesuan zein helburu eta funtzio bete behar dituzten izango dute mintzagai, bi egunez, ekainaren 18an eta 19an Miramar jauregira bertaratzen direnek. Mikel Irizar, Aitor Zuberogoitia, Iban Arregi, Asier Larrinaga Larrazabal eta Kike Amonarriz hizlariek hartuko dute hitza.
68 eurokoa da 20 ordu akademikoko balioa duen ikastaroan izena emateko prezioa. Informazioa eskatzeko, helbide honetara idatzi ahal da: udaikastaroak@ehu.es
Zure interesekoa izan daiteke
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.