'Plan de Fuga'ren filmaketak Bilboko zirkulazioan eragina izango du
Urriaren 12an, astelehenarekin, Plan de Fuga lana filmatzen hasiko dira Bilbon, hiriburuko hainbat kaletan, Iñaki Dorronsoro gasteiztar zuzendaria buru eta Luis Tosar eta Javier Gutierrez protagonistak direla.
Besteak beste Bilboko erdialdeko zenbat kale, hala nola Mazarredo zumarkalea, Ibañez de Bilbao eta Campo Volantin, itxi behar izango dituzte behin-behinean, eta aparkatzeko hainbat leku ere hustu behar izango dituzte hilaren 12, 13 eta 16an.
Filmaren grabazioaren ondorioz, unean uneko zirkulazio-etenak egongo dira, eta aparkatzeko tokiak kendu egingo dira urriaren 12, 13 eta 16an.
Urriaren 12a, astelehena
Hain zuzen ere, urriaren 12an, astelehena eta jaieguna, 07:00etatik 20:00etara Mazarredo zumarkalea itxi egingo da Henao eta Ibañez de Bilbao kaleen artean, eta zirkulazioa Zabalguneko plazatik eta Colon de Larreategui kaletik bideratuko da.
Gainera, Ibañez de Bilbao kalea egun osoan itxiko dute , Mazarredo zumarkaletik Zabalguneko plazara doan zatian; hortaz, zirkulazioa Urkixo zumarkalera, Bertendona kalera eta Astarloa kalera bideratuko dute. Horrez gain, baliteke unean uneko ibilgailuen zein oinezkoen zirkulazio-etenak egotea Ibañez de Bilbao kalean, hiru minutukoak gehienez ere.
urriaren 13a, asteartea
Aldizkako etenak egingo dituzte Mazarredo zumarkalean 08:00etatik 11:00etara, Kale Nagusiaren eta Ibañez de Bilbao kalearen artean dagoen zatian. Murrizketa horiek direla eta, Colon de Larreategui eta Ledesma kaleetan aldizkako etenak egongo dira Mazarredo zumarkalera sartzean.
Azken kale horretan zirkulazioa erabat etengo da 11:00etatik 14:00etara, Henao eta Ibañez de Bilbao kaleen artean, eta zirkulazioa Zabalguneko plazatik eta Colon de Larreategui kaletik bideratuko dute.
Baliteke ibilgailuen zirkulazioan unean uneko etenak egote; Uribitarte kalean eta Uribitarte erranpletan, hiru minutukoak gehienez jota.
Urriaren 11n, igandea, 20:00etan gune horretako hainbat aparkaleku erreserbatuko dira eta ez dira astearteko 20:00etara arte libre egongo, urriak 13. Behar den moduan seinaleztatuko dira, eta auzokideei horren berri emango zaie unean-unean.
Urriak 16, ostirala
Azkenik, urriaren 16an, 07:00etatik 20:00etara, hiru minutuko etenak egingo dituzte, Campo Volantin pasealekuan, Tristan de Legizamon kalearen parean.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.