Belfast, Europa Transit ekimenaren bigarren geldiune
Donostia 2016ko enbaxada ibiltariak, Ipar Irlandako bake-prozesua ardatz duen dokumentala grabatu du.
Europa Transit enbaxada ibiltariak lortu du bere bigarren geldiune honetako helburua eta gatazken lekuko diren edo izan diren beste zortzi hiri europar bisitatuko ditu. Bakearen itsasargiaren ordezkaritzak Ipar Irlandako gatazka ikuspuntu desberdinetatik bizi izan duten sei persona bildu ditu mahai beraren inguruan. Michael Culbert, IRAko kide ohia, Eibhlin Glenholmes, bere garaian bilatuenetako líder errepublikarra, Winston Irvine, loialista, Jackie McDonald, unionisten talde paramilitarretako kide ohia, Lee Lavis, Britaniako Armadako soldadu ohia eta Roger McCollum, Royal Ulster Constabularyko polizia ohia elkartu ditu.
Filosofia-irakaslea den Sira Abenozak uste du gizarteko gatazkarik gehienak elkarrizketa-faltagatik sortzen direla. Ikuspuntu honetatik abiatuta, luzaroan aritu da hainbat jatorritako eta gizarte, ekonomia, eta politika egoeratako pertsonen arteko topaketak antolatzen. Belfastera heldu aurretik Espainian eta Hego Amerikan antolatu ditu topaketak.
Dokumentalean, solasaldi-saio hauetaz gain, Abenozak gatazkaren berriemaile izan ziren kazetariekin eta gertatutakoa zuzenean bizi izan duten hainbat lekukorekin egindako elkarrizketak ere agertuko dira. Gainera, urte liskartsu horietako leku esanguratsuenak bisitatuko ditu.
Europa Transit, bidaia Europako bizikidetzara
Ekimen honen abiapuntua Ceuta izan zen eta bertan immigrazioari buruzko dokumentala grabatu zen, mugaldetan lan egitera ohituta dagoen Sergi Camara argazkilariaren kolaborazioekin. Ceutako CETIn (Etorkinen Aldi Baterako Egonaldi Zentroan) erakusketa bat antolatu zuten, Camararen argazkien bitartez, hiri autonomora heldu berri diren etorkinei mintzatu zitzaizkien iraganean CETIk igarotako eta orain beste leku batzuetan bizi diren immigranteak.
Europa Transit autobusaren hirugarren geldiunea Dresde izango da. Hiri hau Bigarren Mundu Gerrako eszenatoki nabarmenetako bat izan zen eta Europako gizarteak nola erantzuten dion gaur egungo errefuxiatuen auzia izango du aztergai.
Enbaxada ibiltariak egingo dituen dokumental hauek, martxotik aurrera, hilez hil ETBn emango dira. Gainera, hiri bakoitzean, bertako jendearen gestigantzak jasoko dira ikusentzunezko mosaiko digitala sortzeko asmoz.
Zure interesekoa izan daiteke
Errobik azken kontzertua eman du Donostiako Victoria Eugenia Antzokian
Anje Duhalde eta Mixel Ducau buru dituen talde lapurtar historikoak bere azken zuzenekoa eskaini du Donostiako Victoria Eugenia Antzokian. Errobi taldea euskal rock progresiboaren aitzindari bihurtu zen 70eko hamarkadan. Iaz hasi zuten Errobiren 50. urteurrena ospatzeko agur-bira, eta arrakasta handia izan dute Euskal Herriko hainbat herritan. Astearte honetan, abenduaren 30ean, amaituko dute ibilbide oparo hori, sarrera guztiak agortu dituen kontzertu batekin.
Hauek izan dira kultura arloko urteko albiste nagusiak
2025. urteak sekula ikusi gabeko bideak ireki ditu euskal musika industrian. Bukatzera doan urte hau sold outen eta kontzertu handien urtea izan zela gogoratuko dugu ezinbestean.
“Itzalaldia”, “soldadutza”, “flotilla” eta 2025ean “desiraungi” diren beste hitz batzuk
UZEI terminologia eta lexikografia zentroak bukatzear den urtean ahoz aho ibili diren 25 hitz aukeratu ditu. Joan den astean, “muga-zerga” aukeratu zuten urteko hitz bezala UZEIk berak eta Euskaltzaindiak.
Aitor Etxebarriazarragak jantzi du txapela
Onintza Enbeita izan du lehiakide buruz burukoan, eta puntu erdiko aldea izan da bien artean: 1.163 puntu jaso ditu lehen sailkatuak eta 1.162,5 bigarrenak. Bizkaiko laugarren finala zuen gaurkoa bertsolari gernikarrak.
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.