Guggenheim museora doan sartu ahalko da asteburuan
Guggenheim Bilbao Museora doan sartu ahalko da larunbatean eta igandean, urriaren 22an eta 23an. Modu honetan, datozen 12 hilabeteetan garatuko diren 20. urteurreneko ospakizunak hasiko dira, museoko arduradunek jakinarazi dutenez.
Zehazki, larunbatean 22:00ak arte egongo da museoa irekita, eta erakusketak gauez bisitatzeko aukera izango da. Horrez gain, egun horretan bertan, Bilboko Udal Musika Bandaren kontzertua izango da, 20:00etan.
Larunbatean eta igandean museora bertaratzen direnek erakusketa "bereziki erakargarriak" ikusteko aukera izango dute. Horien artean, aipatzekoa da "Francis Bacon: Picassotik Velazquezera”; britainiar pintorearen 50 artelan daude, baita harengan eragin handia izan zuten maisu frantses eta espainiarren lanak ere.
Gainera, "Albert Oehlen: Irudiaren atzean" ostiralean irekiko den erakusketa ere ikusi ahal izango dute bisitariek.
Ektialdi bereziak
Doako sarrera ez ezik, hainbat ekitaldi berezi ere izango dira Guggenheim Bilbao Museoan asteburuan. Horrela, ostiral gauen Art After Dark saioa egingo dute atrioan, Patrice Bäumel, Vibronics eta Lourdes Madowren eskutik.
Halaber, larunbatean BAD dantza eta antzerki jaialdiaren "Hariak" ikuskizuna izango da entzungelan: formatu handiko txotxongiloak eta hip-hop eta breakdance dantzariak.
Azkenik, igandean Tom Gold Dance konpainiak "November Steps" koreografia aurkeztuko du. Guggenheim Bilbao Museorako bereziki egokitu du ikuskizuna Tom Gold dantzari eta koreografoak, bi hamarkadatan New York City Balleteko bakarlaria izan zenak.
Zure interesekoa izan daiteke
Euskal ikus-entzunezkoen sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" sahiestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.