Gasteizko Katedral Zaharrak espazio berriak irekiko ditu publikoarentzat
Santa Maria katedralak urte amaieran espazio berriak irekiko ditu portikoaren atariko aterpean. Espainiako Sustapen Ministerioak oso-osorik finantzatu ditu lanak, 778.380 euroko inbertsioa eginez.
Antonio Agilar Espainiako Sustapen Ministerioko Arkitektura, Etxebizitza eta Lurzoruaren zuzendari nagusiak, berriztapen lanak bisitatu ditu gaur Javier de Andres Espainiako Gobernuak Euskadin duen ordezkariarekin, Igone Martinez de Luna Euskara, Kultura eta Kirol foru diputatuarekin eta Jon Lasa Santa Maria Katedralaren Fundazioaren zuzendari-kudeatzailearekin.
Santa Maria katedrala zaharberritzeko proiektua kultura ondarea berreskuratzeko erreferente da nazioartean, Agilarren esanetan, eta, Rajoyren Gobernuak “balio historiko, artistiko eta arkitektoniko oso handia” duen monumentu honekin duen konpromisoa azpimarratu du.
Estatuko Gobernuaren Ordezkaritzak jakitera eman duenez, aste batzuk barru bukatuko dira atariko aterpean beirazko espazio bat ipintzeko lanak. Katedralaren iparraldeko fatxadaren ondoan dauden aldapen bidez iristen da bertara.
Espainiako Sustapen Ministerioak obrak 2015eko irailean lizitatu ostean, atariko aterpea eta barne espazioa zaharberritzeko lanak, 2016ko uztailean hasi ziren, eta 15 hilabeteko epea ezarri zuten horiek egiteko.
Zaharberritze lanak aurreko mendearen bukaera aldera abiatu zirenetik, Rajoyren Gobernuak 4,4 milioi euro inbertitu ditu Santa Maria katedralean.
Zure interesekoa izan daiteke
“Los domingos”ek goya jo du
Alauda Ruiz de Azuaren pelikulak film onenaren, zuzendari onenaren, gidoi onenaren, emakumezko aktore protagonista onenaren eta antzeztaldeko emakumezko aktore onenaren sariak irabazi ditu Goya sarien 40. edizioan. Jose Ramon Soroizek gizonezko aktore protagonista onenaren saria jaso du, Maspalomasen egindako lanagatik, eta euskal zinemak zortzi sari bereganatu ditu guztira.
'Yellow Letters' filmak lortu du Berlinaleko pelikula onenaren Urrezko Hartza
Turkiako agintariek artista bikote baten aurka duten zentsurari buruzkoa da Ique lker Çatak zinemagile turkiar-alemaniarraren filma.
“Carne y arena” Alejandro Gonzalez Iñarrituren instalazioa, EITBren Bilboko egoitzan bisitagai
Bisitaria migratzaile eta errefuxiatuen bidaiaren zati baten erdian kokatzen duen “murgiltze esperientzia” martxoaren 11tik ekainaren 20ra paratuko dute EITBren egoitzaren 5. platoan. Sarrerak otsailaren 17tik aurrera egongo dira salgai, 11,21 euroan.
Amikuzeko libertimenduarekin, inauteri giroan murgildu da Nafarroa Beherea
Libertimenduek Donapauleko plaza hartu dute musika, dantza, bertsoa eta antzerkien eskutik. Martxoaren 14ra bitartean, beste hainbat emanaldiz gozatzeko aukera egongo da herriko sorkuntzekin.
Jone San Martinek "sORDA" ikuskizuna sortu du, gortasunaren inguruan
Dantza garaikidearen eta soinuaren zein isiltasunaren arteko elkarrizketa eskaintzen du dantzari donostiarrak ikuskizun berrian.
Bilbao BBK Live jaialdiak zinema proposatuko du otsailean
'2030 Bai!' izeneko zikloak “Maspalomas”, “La voz de Hind Rajab”, “Yo capitán”, eta “Belen” filmen proiekzioak egingo ditu, Bilboko BBK Salan. Sarrera doakoa izango da, eta solasaldiak izango dira emanaldiak bukatutakoan.
Gure! jaialdia: ikasgelatik oholtzara
Erandioko Tartanga Lanbide Heziketako Ikastetxe Integratuko Ikus-entzunezkoen eta Ikuskizunen Ekoizpeneko zikloko ikasleek antolatu eta kudeatzen duten jaialdiaren laugarren edizioa otsailaren 6 eta 7an egingo dute Bizkaiko udalerrian.
61 kultur jarduera izan ziren iaz eguneko, Araba, Bizkai eta Gipuzkoan
Kulturklik Eusko Jaurlaritzaren plataformak jasotako datuen arabera, Euskal Autonomia Erkidegoko kultur ekitaldien % 40 euskaraz izan ziren 2025ean, eta beste horrenbeste doakoak.
“Urrats kolektiboak” pastoralaren testua, zubereraz eta batuan
Barkoxeko herritarrek 2025eko uztailaren 27an eta abuztuaren 2an eta 10ean antzeztu zuten pastorala, eta Euskal Telebistak 2026ko Aste Santuan emitituko du. EITBko Euskara Zerbitzuan euskara batura ekarri dute testua.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.