'Yellow Letters' filmak lortu du Berlinaleko pelikula onenaren Urrezko Hartza
Turkiako agintariek artista bikote baten aurka duten zentsurari buruzkoa da Ique lker Çatak zinemagile turkiar-alemaniarraren filma.
Ilker Çatak zinemagile turkiar-alemaniarraren Yellow Letters filmak lortu du Berlinaleren 76. edizioko pelikula onenaren Urrezko Hartza.
Berlinaleko nazioarteko epaimahaiaren presidenteak, Wim Wendersek esan du "totalitarismoaren hizkuntza politikoari buruz argi eta garbi hitz egiten duen filma" dela, zinemaren hizkuntza enpatikoarekin kontrastean.
"Hamar egun hauetan ikusi ez dugun familia bat erakusten digu, politikaren presio-eltzearen azpian zehaztasun ikaragarriz erakutsia. Hotzikarak eman dizkigun. Bere filma aurrekari beldurgarri gisa ikusi dugu, gure herrialdeetan ere gerta daitekeen etorkizun hurbilari begira", gaineratu du.
"Izenik eta tokirik aipatzen ez badu ere, denok dakigu nortzuk diren", azpimarratu du.
Filmak Derya eta Aziz ditu protagonista, Ankarako artista bikote ospetsua. Gertakari txiki batengatik Estatuaren jomugan jarriko dira eta euren lanak, etxea eta bizimodua galduko dituzte. Egoera onartu eta beren ideiei uko egin, edo borrokan jarraitu izango da bikotearen dilema.
Urrezko Hartzaz haratago, Berlinaleko beste irabazle nagusia Lance Hammerren Queen at Sea izan da, familia batek amaren dementziari nola aurre egiten dion erakusten duen filma.
Juliette Binoche da filmeko protagonista, eta Anna Calder-Marsahall eta Tom Courtenay britainiarrek lortu dute antzeztaldeko interpretazio onenaren Epaimahaiaren Saria eta Zilarrezko Hartza, hurrenez hurren, ama gaixoaren eta haren senarraren rolean.
Bestalde, Grant Gee zinemagile britainiarrak jaso du zuzendari onenaren Zilarrezko Hartza Everybody Digs Bill Evans jazz pianista ospetsuari buruzko filmagatik, eta Sandra Hüller aktore alemaniarrak jaso du interprete nagusi onenaren saria Rose drama historikoan egindako lanagatik. Film horretan, XVII. mendearen hasieran bere bizitza askatasunean garatu ahal izateko gizon itxurak egiten dituen pertsonaiaren historia kontatzen da.
Emin Alper zinema zuzendari eta gidoilari turkiarrak, bere aldetik, Epaimahaiaren Sari Nagusia jaso du Kurtulu ('Salvation') filmarengatik. Erbesteratutako klan bat Turkiako mendien goialdean dagoen urrutiko herrixka kurdu batera itzultzean berpizten den gatazkari buruzkoa da lana.
Berlingo 76. Zinemaldiaren palmares osoa
Urrezko Hartza: Yellow Letters (Ilker Çatak).
Epaimahaiaren sari nagusia: Salvation (Emin Alper).
Epaimahaiaren saria: Queen At Sea (Lance Hammer).
Zuzendari onenaren Zilarrezko Hartza: Grant Gee (Everybody Digs Bill Evans).
Interpretazio onenaren Zilarrezko Hartza: Sandra Hüller (Rose).
Bigarren mailako interpretazio onenaren Zilarrezko Hartza: Anna Calder-Marshall eta Tom Courtenay (Queen At Sea).
Gidoi onenaren Zilarrezko Hartza: Geneviève Dulude-de Celles (Nina Roza).
Ekarpen artistiko onenaren Zilarrezko Hartza: Yo (Love is a Rebellious Bird) (Anna Fitch eta Banker White).
Dokumentalik onena: If Pegeons Turned to Gold (Pepa Lubojacki).
Opera prima onena: Chronicles From the Siege (Abdallah Alkhatib).
Film labur onenaren Urrezko Hartza: Someday a Child (Marie-Rose Osta).
Film labur onenaren Zilarrezko Hartza: A Women's Place is Everywhere (Fanny Texier).
Europako Zinema Sarietarako Berlinaleko hautagaia film laburren kategorian: Cosmonauts (Leo Cernik).
Film laburren Zuzendaritzako CUPRA saria: Jingkai Qu (Kleptomania).
Zure interesekoa izan daiteke
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.