Hubert de Givenchy frantses moda-sortzailea zendu da
Hubert de Givenchy frantses moda-diseinatzaile ospetsua, bere izena zeraman moda etxearen sortzailea, hil da, 91 urte zituela, familiaren ohar bat aipatuz frantses hedabideek gaur zabaldu dutenez.
“Monsieur De Givenchy lotan zela itzali zen larunbatean, 2018ko martxoaren 10ean. Haren hilobek bere mina zabaltzen dute. Hileta intimuak egingo ditugu”, dio idatziak.
Givenchy Beauvais hirian (Oise, Frantzia) jaio zen, 1927an, eta XX. mendeko emakumezko ikonikoenetako batzuek bere jantziak eraman zituzten: Jacqueline Kennedy, Windsorreko dukesa, Karolina Monakokoa eta Audrey Hepburn musa eta adiskidea.
Besteak beste, Bettina blusa eta zaku-soinekoa asmatu zituen, eta bere pret-a-porter jantziak ere ospetsuak izan ziren. Hain zuzen ere, berak sortu zuen kontzeptu hori, 1954an.
Balenciaga Museoa sortzeko funtsezko pieza
Givenchy Getariako (Gipuzkoa) Balenciaga Museoaren presidente fundatzailea zen. Are gehiago, museoa askotan bisitatu zuen Givenchyk, beti bere “maisutzat” izan zuenari ohore egiteko. Horrela, Balenciagaren lanean inspiratutako ondare paregabea utzi du. Givenchyren ahotan, Balenciaga “joskintzako arkitektoa zen”.
Getarian museoa egiteko proiektuaren hasieratik, egitasmoan murgiltzera eraman zuen Balenciagarenganako miresmenak. Balenciaga historiako “jostunik handiena izan eta izango da beti”, adierazi zuen Givenchyk.
Esan bezala, Balenciaga Fundazioaren lehen presidente fundatzailea izan zen Givenchy, ondoren bere maisuaren ondarea hartuko zuen museoaren hazia. Museoaren beharra beti defendatu izan zuen frantziarrak, baita unerik zailenetan ere. Proiektua birplanteatu zuten, eta 10 urte behar izan zituzten gauzatzeko.
Orduz geroztik, Givenchy behin baino gehiagotan izan da Gipuzkoan, azken aldiz maiatzaren 26an. Rachel L. Mellon lagun izugarri aberatsak museoari laga zizkion diseinuen erakusketa inauguratzeko etorri zen Givenchy.
Givenchy Balenciaga Museoan izan zuen zeregina ez zen sekula ohorezkoa izatera mugatu. Maisu “eskuzabalaren” ondarea bizirik mantentzeko lan egin zuen azkenera arte; izan ere, Balenciagak Givenchy lagundu zuen haren hastapenetan.
Horrela, maisu handiaren lurraldearekin lotura izan du jostun frantziarrak. Donostiako Orfeoiaren abeslarientzako jantzi berria (tunika beltz bat begizta arrosa handi batekin) diseinatu zuen musu-truk. Cristobal Balenciagak gauza bera egin zuen 1964an.
Bere ekarpen "erabakigarria" eskertu du Gipuzkoak
Denis Itxaso Cristobal Balenciaga Fundazioko presidente eta Gipuzkoako Kultura diputatuak jostun frantziar ospetsuaren heriotza deitoratu du. Getariako Balenciaga Museoa “sortzeko garaian” eskainitako laguntza “erabakigarria” eskertu dio Itxasok.
Givenchyk Balenciagarekiko azaldu zuen “errespetu ikaragarria” goraipatu du Itxasok agiri batean. Eskatutako guztian “maitasunarekin” lagundu zuela azpimarratu du Kultura diputatuak.
Zure interesekoa izan daiteke
Pantxoa eta Peioren bigarren agur-kontzertua: 2027ko urtarrilaren 9an BECen!
Bikoteak bere ibilbideari amaiera emango dio bi kontzerturekin BEC!en: urtarrilaren 10ekorako sarrerak ordu gutxitan agortu ziren eta bigarrena iragarri dute orain: 2027ko urtarrilaren 9an.
“Muga-zerga” izan da aurtengo hitza Euskaltzaindiarentzat eta UZEIrentzat
“Atzerriko produktuei aduanan ezartzen zaien zerga” adiera duen izena aukeratu dute Akademiak eta UZEI terminologia eta lexikografia zentroak urteko hitz gisara. “Aduana-zerga” Euskaltziandiaren Hiztegiak jasotzen duen forma baliokidea “askoz gutxiagotan” erabili da.
!["Dan Flavin
b erdeak berdeetan zehar (Piet Mondrian berdegabeari) [greens crossing
greens (to Piet Mondrian who lacked g reen)], 1966" Guggenheimen](https://eitb.scene7.com/is/image/eitb/danflavin?fmt=webp-alpha&qlt=80)
Goya, Jasper Johns, Steve McQueen, Dan Flavin, Ruth Asawa eta Rosalind Nashashibi, euskal museoetan 2026an
San Telmo Museoak, Artiumek eta Guggenheim Bilbao Museoak datorren urteko programazioa aletu dute.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
Milaka pertsonak azken agurra eman diote Robe Iniestari, Extremoduroko abeslariari, Plasencian
Ilara luzeak sortu dira Plasenciako kongresu jauregian, jarraitzaile asko bertaratu baitira musikariari agur esatera. Aurrerantzean, Robe Iniesta izena izango du eraikin horrek.
Urrezko domina eman dio Gipuzkoako Foru Aldundiak Lourdes Iriondo kantariari
Hilondoko aitortza egin dio Urnietako kantari, idazle eta irakasleari eta bere ahizpek jaso dute Foru Aldundiak emandako oroigarria. Ekitaldia omenaldi hunkigarri bilakatu da. Senide eta familiako kideekin batera, eta euskal kulturgintzaren ordezkaritza zabala bildu da.
Balenciaga museoa “josten duten eskuei” begira
Getariako Balenciaga Museoko Igor Uriak hamar urte eman ditu Cristobal Balenciaga jostun handiaren tailerretan lan egin zuten emakumeen lekukotzak eta objektuak biltzen: irudiak, dokumentuak, lanabesak... Paris, Madril, Bartzelona eta Donostian, 2.000 enplegatu izatera iritsi ziren, eta horietako batzuk Getariako museoan batu dira gaur.
Gaztelurrutia: “Bisitari fidelak edukitzea eta bi heren 45 urtez azpikoak izatea dira arrakastaren gakoetako bi”
2025eko Durangoko Azoka bukatu berritan, ETBri emandako lehen balorazioan pozik agertu da Beñat Gaztelurrutia Gerediaga Elkarteko kudeatzeailea. Jendetza ibili dela nabarmendu du, baina erosoa izan dela bai sartzea baita bertan zehar ibiltzea ere. 2026ko Azokak 5 egun izango dituela aurreratu du, eta etorkizuneko erroka kulturaren jaialdi gisa sendotzea izango dela esan du.
60 urteko ibilbidea “borobildu” du Durangoko Azokaren aurtengo edizioak
Lau eguneko topagune oparoa amaitutzat emateko, antolatzaileek aurtengo Azokaren arrakasta nabarmendu dute, baita egitasmoak urte osoan euskal kulturan duen garrantzia ere.
Gazaren aurkako genozidioa, oso presente Durangoko Azokako nobedadeetan
Idazle asko beren nobedadeak aurkezten ari dira egunotan euskal kulturaren plazan, eta horietako batzuek palestinar herriaren aurkako genozidioa jorratu dute, Ekialde Hurbilean gertatzen ari dena azaltzeko asmoz.