Paco: No, no, que no! / Mikel: Zer? Nola?, Ez, ezetz!
Boteprontoko begira(zo)da ganorabako batez, Goya zinema sarietako zortzi sailetan hautagai izan den Canto Cosmico zeluloidezko perfomance paregabean horrenbeste euskal izen ikustea arraro, arraro samar, bastante arraro, oso arraro, zehar arraro gertatzen zaio detaile eder bitxiei erreparatzen ez dien hartu eta jateko pelikulak mastekatzen dituenari.
Izan ere, Kataluniako Marc Sempere-Moyak eta Leire Apellaniz López bizkaitarrak eratu, eraiki, sortu duten dokumental aparta horrek Francisco Contreras Molina izena duen flamenko kantariaren inguruan, ondoan, atzean aurrean egiten du dantza jainko-deabruzkoa. Flamenkozaleak asaldatu-liluratu-azken mugaraino bultzatu, kolpatu-laztandu-erasotu-besarkatu dituen artista honek Niño de Elche hartu zuen aspaldian izengoiti, Alacanteko Elx herriko semea delako.
Sevilla eta Bartzelonako zinemaldietan txalo zaparradaz hartu zuten gure-gurea (eta beste askorena ere) sentitzen dugun zinema pieza horretan, Donostian lau haizeetara zabaltzeko egoitza eta pasabidea duen Sr&Sra izeneko ekoiztetxeak aurrera atera du zinema erosleei saltzen oso zaila den lan bikain hori. Bertako kidea den Aritz Moreno zuzendari fina laguntzaile ibili da kameraz. Kamera lepoan harturik, Maider Fernandez Iriarte zinemagilea ere. Han, hor, hemengo soinuak harrapatzen igualik ez duten Xabier Erkiziak eta Luca Rullok jardun dute kantu, zizpuru, hitz, murmurio, oihu, orro, sehaska kanta guztien ehizan. Maiz, inkluso, esango nuke nik, sortu egin dituztela. Edo bazterretan ahazturik zirenak berreskuratu.
Bai, derrepenteko begira(zo)da zuztargabe batez, estrainio samar ematen du egungo eta biharko flamenko basaren arratzaparretan gozo dagoen Eltxko Haurraren gaineko pelikula batean horrenbeste euskaldunekin topo egin izanak baina, baina, baina, Artearen eta Sormenaren bideak eta manerak hain dira misteriotsuak ezen, azkenean, konturatzen zaren topaketa horrek izugarrizko zentzua duela. Are, ezinbestekoa da. Nahitaezkoa. Konexio deliziosa, zure segurantza guztiak kolokan jartzen dituena..
Izan ere, liluraz eta emozioz gainezka egindako bila batean, Madrilgo Reina Sofia museoan aurkituko duzu YouTuben Francisco Contreras Mikel Laboaren "Lekeitio 5" hura (komunikazioa-inkomunikazioa) gaztelaniaz hausten, maitatzen, abesten Picassoren Guernica-ren aurrean, Raúl Refree gitarra jotzailea lagun duela.
Izan ere, Paqui Molinaren semeak kaleraturiko Colombiana izeneko disko, ekimen, eta Latinoamerikako soinuei luzaturiko amodio adierazpen hartan Maialen Lujanbio eta Beñat Achiry topatzen dituzu kantari, kasik hizketan "Colombiana Vasca" kantan, non hitzak euskaraz diren: "Ezin guztien gainetik eta Azal guztien azpitik
Kakao ale txiki mikatzak Gehiago zuen eztitik".
Ez, ez da batere estrainioa euskal jendea izatea Canto Cosmico-n. Baitezpadakoa baizik
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.