Enmaren bila / Looking for Enma / À la recherche de Enma / Buscando a Enma
Ba al duzue Carlota Peredaren berri? Ez? Ba konpondu beharreko asuntoa da. Lehenbailehen. Damutu aurretik, damutuko zarete eta. Lehen baino berandu hasiko zarete damu-kolpeka, minik hartu arte.
Zoazte Filmin plataformara eta ikusi 2019an Goya saria merezi zuen Cerdita izenburuko film laburra. Bertan, gorputzak eta arimak kiskaltzen dituen udako eguzkipean, mendekuaren gustu gozoa dastatuko du denek fisikoki eta psikikoki astindutako kiloak eta kiloak soberan dituen neskak.
Sar zaitezte helbide honetan eta Carlotak irudiarekiko, zinemarekiko duen atxikimendua zertan datzan antzemango duzue. Leituko duzue, hor nonbait, pandemia garaian on line burutu zen Estatu Batuetako Sundance zinemaldi garrantzi handi-handikoak kariño osoz mimatu egin zuela labur hori abiapuntutzat hartuta Carlotak eta bere lantalde adoretsuak sortu zuten luzea, zinema genero guztien arteko mugak hausten zituena, atrebentzia harrigarriaz jokatzen zuena.
Sundance hura on line izanik, AEBetako ikusle guztiek izan zuten aukera sarean sartzeko, zegokion sailean sakatzeko eta Cerdita (luzea) ikusteko. Mila, milioi izan ziren klikak eta ikaragarriak aldeko kritikak.
Seguru zuen buruari galdezka hasi zaretela dagoeneko, zer dela eta Carlotarekiko jakingura/behar hori? Ez al dira komentatutakoak aspaldiko kontuak?
Bai, baina akaso, igual, agian, batek daki, periodikuetan honako iragarki hau irakurri duzue: "Film baterako Euskadin bizi den 8 eta 10 urte bitarteko neska baten bila ari da bertako ekoiztetxe bat". Gipuzkoan urriaren amaieran hasiko den filmaketan hartuko du parte aukeratuak, filma fantasiazko beldurrezko generoaren barruan kokatzen da. Castingean parte hartzeko, gaur egungo argazki bat, aurkezpen-bideo bat, jaiotza-data eta bizilekua bidali behar dira castingficcion22@gmail.com helbidera.
Ba justu luze hori Carlota Peredaren bigarrena izango da. Euskal Herrian filmatzekoa denez, gurera da etortzear laster batean istorioa non kokatu erabaki behar dutelako berak eta lantaldeak. Bide batez, Gipuzkoara iritsi orduko jauzi egingo du Lapurdira Cronenbergen Crimes of the Future zeluloidezko amesgaiztoa ikusi nahi baitu. Lehen baino berandu. Ezin apartatu burutik desira ilun hori…
Un regalo para Ane du izenburu filmak. Baina bila dabiltzan neskatoa ez da Ane hori. Neskatoak Enma du izena… Eta ezin dugu gehiago kontatu…
…Filmaren argudioaz.
Beste gauzez bai. Esaterako, ekoizleez mintza gaitezke. Eskarmentu handikoak dira eta merezi dute aipu. Alde batetik, Filmax dugu. Espainiako terrorea ezingo genuke ulertu, ezin da aztertu eta txalotu Filmax izena ahoskatu gabe. Bestaldetik, Bixagu Entertaiment ekarri behar dugu argitara. Donostian da kokaturik eta zinemaldi ugari korritu izan dituen Iñaki Gomez da fundatzailetako bat, bestea negozio kontuetan ibilbide bikaina duen Pablo Echart delarik.
Un regalo para Ane-ren protagonista nagusiak antzeztuko dituzten aktoreak ospetsuak dira arras eta ofiziokoak baina ezin dira aipatu, sekretupean daudelako izenak. Jakin badakigu, ordea, filmak beharrezkoa duen argia nork sortuko. Adi izan: Rita Noriega! Almodovarrekin lan egina da, bai, baina guretzat asko esanguratsuagoa zera da, Maider Oleagaren Kuartk Valley-en izan zen argazki zuzendaria
Eta zergatik hautatu du Euskal Herria kokapen Madrilgo Chamberi auzoan bizi eta orain arte Extremaduran filmatu duen Carlotak, banpiroak maite dituen zinemagileak? Ba justu, berak esanda, Tradizioa eta Modernitatea uztartuz, bizitzeko dugun abileziagatik.
Hamar urte izango banu, ilusioz blai aurkeztuko nintzateke Un regalo para Ane horretan Enma izateko. Benetan diotsuet.
Albiste gehiago kultura
Fermin Muguruzaren "azken akelarre antifaxista"
Navarra Arenan agurtu zuen larunbatean bere nazioarteko bira abeslari irundarrak, 11.000 jarraitzaileren aurrean. Bere musika ibilbideari errepasoa egin, eta Iñigo Cabacas eta Aitor Zabaleta izan zituen gogoan atzokoan, bai eta palestinar herria ere.
Fermin Muguruza: "Bira garrantzisua izan da ikusteko non nengoen, non egon naizen eta non nago orain"
Fermin Muguruzak birako azken kontzertua eskainiko du bihar, Iruñean. Berezia izango dela dio musikariak; izan ere, familia eta ezagunak izango ditu bertan. Muguruzak errepasoa egin du azken bira honek utzitako momenturik goxoenak azalduz; horien artean, Madrilgo kontzertua eta birak utzitako irakaspenak.
Jose Ramon Soroizek irabazi du interpretazio onenaren Zilarrezko Maskorra, Zhao Xiaohong aktore txinatarrarekin batera
Jose Ramon Soroiz aktore euskaldunak irabazi du Donostiako Zinemaldiko interpretazio onenaren saria, 'Maspalomas' filmean egindako lanagatik. Ex aequo izan da saria, Zhao Xiaohong txinatarrarekin ('Her heart beats in its cage' ) batera. Soroizek filmeko zuzendariei eta bere familiari eskerrak eman dizkie, baita bere herriari, Legorretari, ere.
EITBk Jennifer Lawrence elkarrizketatu du, Zinemaldiko Donostia Saria irabazi ondoren
Aktore gazteak Die, My Love filma aurkeztu du Donostian, erditze osteko estresa duen ama bati buruzkoa. "Lynne Ramsay zuzendaria gure garaiko handienetakoa da. Bere poesiak eta zinemagintzak ikustea merezi dute", esan du. Oraindik ezin izan du hiriaren erdigunetik irten, baina prest agertu da.
Joseba Etxebarria Uriarte, Son Gokuren euskarazko ahotsa, hil da
Bikoizketa aktore, bertsozale eta musikari larrabetzuarra zendu da, gaixotasun larri batek jota, 69 urte zituela.
"Duela 20 urte sortu zen lantalde bati emango zaio Zinemira saria"
Telmo Esnal eta Asier Altuna zuzendariek Zinemira ohorezko saria jasoko dute astearte honetan, Euskal Zinemaren Galan. Duela 20 urte eta Zinemaldian estreinatu zen, hain justu, elkarrekin egindako lehen filma: "Aupa Etxebeste!". Euren ibilbidearen hastapenak gogoratu ditugu, eta film horrek euskal zinemagintzari egindako ekarpena.
Albiste izango dira: Zinemaldiaren hasiera, lehendakariaren eta Illaren arteko bilera, eta abisu horia beroagatik
Gaurkoan Orain-en albiste izango direnen laburpena, bi hitzetan.
Robert Redford hil da, 89 urte zituela
Aktore, zuzendari eta aktibista estatubatuarra bere etxean hil da, Utahn, The New York Times egunkariak jakitera eman duenez.
'The Studio', 'Adolescence' eta 'The Pitt' nagusi Emmy sarietan
"The Studio" telesailak 13 sari jaso ditu eta Emmy sarien 77. edizioko garaile nagusia izan da. Los Angelesen egindako ekitaldian "The Pitt" eta "Adolescence" telesailak ere nabarmendu dira.
"The Studio", "Adolescence" eta "The Pitt" garaile Emmy sarietan
Seth Rogen protagonista duen komediak 13 sari lortu ditu guztira, tartean komedia eta aktore onenarenak, Los Angelesen egin duten Emmy sarien 77. edizioaren galan.