Ezpatak, liburu eta disko artean
Paul Urkijo Alijo zuzendariak (Errementari) eta Edurne Azkarate, Itziar Ituño eta Eneko Sagardoy aktore protagonistek Irati pelikula aurkeztu dute Durangoko Azokako Irudienea ikus-entzunezkoen espazioan, larunbat hotzarekin.
EITBren parte-hartzea duen pelikulak VIII. mendeko Euskal Herrira garamatza, biziera paganoen eta indarrez hedatzen, globalizatzen, ari den kristautasunaren arteko talkara; funtsean, Landakoko igarobideetan ehunka urte geroago, egunotan, entzuten den eztabaida betierekoarekin antzekotasunak ditu filmaren proposamenak: kultura emergentearen, kultura dominantearen eta hondar kulturaren arteko orekak definitzen du.
Marko horretan, baina, Paul Urkijok "amodio istorio bat" filmatu du, eguerdiko solasaldian azaldu duenez: "Irati ez da euskal historiari edo mitologiari buruzko pelikula eta ez da akziozko pelikula dibertigarria; euskal mitologiari, historiari eta akziozko zinemari idatzitako maitasun istorioa da", adierazi du arabar zinemagileak bere bigarren film luzeari buruz.
Produkzio ausarteko, estetika paregabeko eta maisutasun tekniko ikaragarriko filma "omenaldia" da, Urkijoren arabera. "Omenaldia da gauza txiki, ezberdin eta koloretsuei"; hortaz, "ezinbestekoa" zuen Durangon egotea, filmak euskal mitologiaren katebegi bat osatzea nahiko lukeelako zuzendariak, "Joxe Migel Barandiaranekin batera edo Su Ta Garren Mari kantuarekin batera".
Fantasiazko eta abenturazko filmen generoaren mugetan eroso aritu da Urkijo Iratin, filmean oso presente dagoen musika lagun (Aranzazu Callejaren eta Maite Arroitajauregiren lana bikaina da), mitologiaz diharduenean harritzera eta gizatasunaz ari denean hunkitzera egiten duen pelikulan.
'Irati'
El ciclo de Irati (Jon Muñoz Otaegi eta Juan Luis Landa, 1995) komikiaren egokitzapen "oso librea" da Irati filma, eta, Eneko Sagardoy aktoreak esan duenez (izugarria da Sagardoyren pertsonaiei darien indarra), oso polita izan da prozesuan sentitzea "belaunaldiz belaunaldi pasatuko den zerbait egiten ari zaren sentsazioa".
Otsailaren 24an iritsiko da Hegoaldeko zinema aretoetara Irati, berme modura ager dezakeela Beldurrezko eta Fantasiazko Zinemaren Donostiako Astean eta Sitgeseko zinema jaialdi ospetsuan Publikoaren Saria irabaztea, Goya Espainiako zinema sarietarako bost izendapen jaso izana eta gaur Durangon gertu-gertuko publikoak erakutsitako hunkidura eta emandako txalo zaparrada.
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.