KONTZERTUA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Agortu dira Hertzainak taldeak urtarrilaren 6an Gasteizen eskainiko duen azken kontzerturako sarrerak

"Gasteizen hasi zen guztia eta hemen amaitu behar genuen", esan zuten taldeko kideek azken kontzertuaren aurkezpenean.
Hertzainak taldearen agur birako lehenengo kontzertuak zirrara piztu zuen atzo BECen. Taldeak ez zuen hutsik egin, eta saltoka eta kantuan jarri zuen publikoa. 16.000 lagunek abestu zituzten euskal rockaren ereserki bihurtu diren hainbat abesti.
Hertzainak, joan den abenduaren 16an BECen
author image

EITB MEDIA

Azken eguneratzea

Agortu dira Hertzainak taldeak urtarrilaren 6an Gasteizen eskainiko duen azken kontzerturako sarrerak, antolatzaileek jakitera eman dutenez. Behin betirako agurtuko dira talde arabarreko kideak, Mendizabalan jarriko duten karpa batean eskainiko duten kontzertuaren bidez. "Azkena gure alde!" agur bira laburreko eta taldearen ibilbideko azken kontzertua izango da, dena hasi zen hirian bertan.

Joan den abenduaren 16an eta 17an Barakaldoko BECen eskainitako kontzertuen segida izango da Gasteizkoa, eta berriro ere, Gari abeslaria, Josu Zabala teklatu jolea eta Luis Javier Saiz Txanpi bateria jolea igoko dira oholtzara, publikoari betirako agur esatera.

Azaroaren 30ean jarri zituzten salgai Arabako hiriburuan eskainiko duten kontzerturako sarrerak, eta aurkezpen prentsaurrekoan azaldu zutenez, 15 bat artista-gonbidatu izango dira emanaldian, estilo eta belaunaldi ezberdinetakoak. "Gasteizen hasi zen guztia, eta hemen amaitu behar genuen", esan zuten taldeko kideek.

Mendizabalan jarriko duten karpan 20.000 lagun inguru batuko dira. Gaueko 22:00etan izango da kontzertua, baina atea 19:00etan zabalduko dute, 20:00etan hasiko baitira gonbidatuen emanaldiak.

Duela hamar egun BECen eskaini zituen bi kontzertuetan Hertzainak taldeak ez zuen hutsik egin, eta hainbat belaunaldik gozatu zuten euskal musikaren talde handienetakoa izan denaren abestiekin. Zuzenean eskaini zuen ETBk abenduaren 16ko kontzertua, eta lotura honetan dago ikusgai osorik.

Kultura Araba

Albiste gehiago kultura

teaser Karmele nueva película de Asier Altuna con Jone Laspiur y Eneko Sagardoy
18:00 - 20:00
ZUZENEAN
Duela  min.

'Karmele' Asier Altunaren film berriaren trailerra, esklusiban

Karmele Asier Altuna zuzendariaren (Amama, Aupa Etxebeste!, Agur, Etxebeste) film luzea urriaren 10ean estreinatuko da. EITBren parte-hartzea duen filma Donostiako Zinemaldian ikusiko da lehenago, nolanahi den, Sail Ofizialaren barruan baina lehiatik kanpo, proiekzio berezi batean. Fikziozko filma Elkarrekin esnatzeko ordua Kirmen Uriberen eleberrian oinarrituta dago, Jone Laspiur eta Eneko Sagardoy ditu protagonista eta Nagore Aranburu eta Javier Barandiaran daude antzeztaldean.

Gehiago kargatu