Arriaga antzokiak bi opera estreinatu, eta "Festen" filma moldatuko du datorren denboraldian
Arriaga Bilboko antzokiak 2023/2024 denboraldia aurkeztu du gaur, astelehenarekin, Bilbon. Bertan azaldu dutenez, bi opera estreinatuko dituzte Bilboko antzokian, udaren ostean: Die ersten Menschen (Lehen gizakiak) Calixto Bieitoren eszena zuzendaritzarekin eta Robert Treviño musika zuzendari dela, 2024ko apirilaren 18an eta 20an, eta, 2024ko ekainean, Saturraran Juan Carlos Perezek konposatutako opera, Kirmen Uribek egindako euskarazko libretoarekin, Jon Malaxetxebarriaren musika zuzendaritzarekin eta Lucia Astigarragaren eszena zuzendaritzarekin.
Gainera, Festen Thomas Vinterbergen filmaren antzerkirako egokitzapena —María Goiricelaya izango da eszena zuzendaria— estreinatuko dute; urriaren 6tik 8ra euskaraz ikusi ahalko da, eta azaroaren 2tik 5era, gaztelaniaz.
Halaber, Lost letters Lucía Lacarra Ballet konpainiaren dantza piezaren ekoizpenean ere hartu du parte Arriagak, baita Lucha y metamorfosis de una mujer Fernando Bernuesek zuzendutako obran ere, Eneko Sagardoy, Lucía Quintana eta Vito Rogado aktore taldean dituen lanean.
Gainera, Arriagan estreinatuko dira Nancy Grace Roman, Machos en flor (6. pabiloia), Kortxoaren dilema (Tartean teatroa), Tierra de nadie (Eva Guerrero), Esnearen kolorekoa/Del color de la leche, La sed del minotauro (Khea Ziater) eta Bihar arte soilik/Sólo hasta mañana (Gorka Minguez) euskal ekoizpenak.
Kukai Dantzak ere bere azken lana estreinatuko du Arriagan, eta Bilboko antzokiaren oholtza gainean izango dira, halaber, Malandain Ballet Biarritz eta Olaeta Ballet, baita Gauthier Dance, Les Grands Ballets Canadiens eta Sara Baras ere.
Musikalei dagokienez, Los chicos del coro (abuztuaren 17tik irailaren 10era), Charlie y la fábrica de chocolate (abenduaren 28tik 30era) eta A tu lado, un musical de Los Secretos programatuko dituzte.
Ekainaren 26tik aurrera egongo dira ikuskizun horietarako guztietarako sarrerak (Los chicos del coro-renak salgai daude dagoeneko).
Zure interesekoa izan daiteke
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.
Reina Sofiak baztertu egin du "Gernika"Euskadira ekartzea
Bonbardaketaren 90. urteurrena dela eta, Eusko Jaurlaritzak koadroa epe batez Euskadira ekartzeko eskatu ondoren, Reina Sofiak txosten tekniko bat argitaratu du, margolanaren egoeraren azterketa sakon batekin. Horren arabera, "ez da inolaz ere gomendatzen hura lekualdatzea".
Oteiza eta Basterretxea, elkarrekin, “Espazioaren arazoa” erakusketan
Oteiza Museoak Nestor Basterretxearen eta Jorge Oteizaren arteko harremana aztertzea proposatzen du erakusketa berri batean; biek partekatutako tokiak, proiektuak eta gertakariak aintzat hartuz. 80 obraz, filmaz, jatorrizko material dokumentalez eta argazkiz osaturiko multzo zabal baten bidez, bi sortzaileen ibilbide bateratua erakusten du. Martxoaren 26tik abuztuaren 30era egongo da ikusgai.
Euskarazko lau serie labur, pantailara bidean EITBk bultzatuta
Amarekin goxo goxo, Aloka(h)iru eta Izaki pixka bat gardenak filmatzen ari dira, eta apirilean hasiko dira Estu filmatzen. Primeranen estreinatuko dira, udazkenetik aurrera.
?fmt=webp-alpha&qlt=80)
Lucia Lacarrak Adimen Artifizialari buruzko ikuskizuna estreinatuko du Bilbon
Zumaiar dantzari eta koreografoaren konpainiak “A.I. (Amalur Indarra)” oholtzaratuko du, Arriaga Antzokian, ostiral, larunbat eta igandean. Ikuskizunak, Juanjo Arqués eta Matthew Goldingen koreografiak, laserra erabiliz egindako eszenaratze harrigarria eta Bardean filmatutako filma uztartzen ditu.
Iñarrituren "Carne y arena", mugan hara-hona
“Carne y arena” EITBren Bilboko egoitzan ekainaren 20ra arte bisitagai dagoen murgiltze instalazioan, Alejandro Gonzalez Iñarritu mexikar zinemagileak bultza egiten dio bisitariari besteen zapatetan sartzeko, une batez ezdeusei bidean lagundu eta mugan hara-hona ibiltzeko, errealitatetik fikziora, haragitik pixelera, hareatik zulora eta gizatasunetik ankerkeriara.