Sariak
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Raul de la Fuentek eta Amaia Remirezek jasoko dute Vianako printzearen saria

Nafarroako Kultura eta Arteen Kontseiluak Kanaki Films ekoiztetxearen sortzaileak proposatu ditu "dokumentalaren bidez giza eskubideen urraketei egin dieten begirada gizatiar eta enpatikoagatik".
Raul de la Fuente eta Amaia Remirez
Raul de la Fuente eta Amaia Remirez
author image

N. V. | EITB Media

Azken eguneratzea

Raul de la Fuente eta Amaia Remirez zinemagileek, Kanaki Films ekoiztetxearen sortzaileek, Kulturaren Vianako printzea saria jasoko dute.

Nafarroako Kultura eta Arteen Kontseiluari dagokio saria ebaztea, eta goizean bildu da batzorde hori lantegi horrekin, Nafarroako Jauregian; bilera bukatutakoan, Rebeca Esnaola Kultura, Kirol eta Turismo kontseilariak eman du erabakiaren berri, prentsaurrekoan.

"Ikusteko eta kontatzeko deserosoenak diren errealitateak irudiekin kontatzeko duen modu bakarra eta nazioarteko merkatu eta jaialdietara proiektu dokumentalak aurkezteko duten erabakimena" azpimarratu ditu epaimahaiak.

Kanaki Films ekoiztetxearen azken lana "Los Williams" (2024) da, Iñaki eta Nico Williams Athletic Clubeko jokalarien egunerokoa bi urtez jarraitu duen dokumentala; aurretik egindakoak dira "Maldita" Bózo Vrèco bosniar artista iraultzaileari buruzkoa (film labur dokumental onenaren Goya saria) eta "El infierno" (2020), adingabeak eta adindunak batera kartzelatzen dituen Freetowngo espetxe batean filmatutako pelikula.  

IRAKURRI RAUL DE LA FUENTERI EGINDAKO ELKARRIZKETA

Raul de la Fuente: '‘El infierno’ bihozminaren erroetan barneratzen da'

"Beste egun bat bizirik" (2018), animaziozko film onenaren Goya saria eta Oscar sarietarako aurrehautaketa ekarri zien pelikula, Ryszard Kapucinski Poloniako gerra kazetariaren autobiografia da. Ekoiztetxeak, gainera, "La fiebre del oro" (2017), "Yo no soy bruja" (2015) eta "Minerita" (2013) pelikulak egin ditu; azken horrek Boliviako meatzeetan lanean diharduten emakume eta neskatoen egunerokoa erakusten du.

Sari horren helburua da Nafarroarekin lotura berezia duten pertsona edo erakunde garrantzitsuek kulturaren edozein esparrutan egindako lana aitortzea, eta 20.000 euroko diru ekarpena egiten du. Golardoa ekainaren 14an jasoko dute, Hiriberrin.

Halaber, Talentu Artistikoa Sustatzeko 2025eko Saria Ane Sagües Abadek jasoko du "sortzaile gisara egindako ibilbide bikainagatik eta antzerkiaren gaineko begirada berritzaileagatik". Kontseiluak bederatzi hautagairen artean aukeratu du Sagües Abad.

CONTENIDO NO ENCONTRADO

Kultura

Albiste gehiago kultura

teaser Karmele nueva película de Asier Altuna con Jone Laspiur y Eneko Sagardoy
18:00 - 20:00
ZUZENEAN
Duela  min.

'Karmele' Asier Altunaren film berriaren trailerra, esklusiban

Karmele Asier Altuna zuzendariaren (Amama, Aupa Etxebeste!, Agur, Etxebeste) film luzea urriaren 10ean estreinatuko da. EITBren parte-hartzea duen filma Donostiako Zinemaldian ikusiko da lehenago, nolanahi den, Sail Ofizialaren barruan baina lehiatik kanpo, proiekzio berezi batean. Fikziozko filma Elkarrekin esnatzeko ordua Kirmen Uriberen eleberrian oinarrituta dago, Jone Laspiur eta Eneko Sagardoy ditu protagonista eta Nagore Aranburu eta Javier Barandiaran daude antzeztaldean.

Gehiago kargatu