Brian Wilson zendu da, The Beach Boys taldearen sortzaileetako bat
Iazko otsailean jakin zen Wilsonek, Melinda emaztea galdu berri zuenak, "desordena neurokognitibo larriak" zituela, eta, ondorioz, senideek izendatutako bi medikuren zaintzapean jarri behar izan zutela.
Brian Wilson, Bartzelonako Primavera Sound jaialdian. Argazkia: EFE
Brian Wilson, "Kaliforniako ametsa" birdefinitu zuen The Beach Boys taldearen sortzaileetako bat, 82 urte zituela hil da, bere familiak musikariaren Instagrameko kontuaren bidez jakinarazi duenez.
"Lur jota gaude gure aita Brian Wilson maitea hil dela iragarri behar dugulako. Hitzak falta zaizkigu une honetan. Mesedez, errespetatu gure intimitatea familia doluan dagoen une honetan", idatzi dute, heriotzaren arrazoiari buruzko xehetasunik eman gabe.
"Konturatzen gara gure atsekabea munduarekin partekatzen ari garela. Bakea eta maitasuna" erantsi dute musikariaren zazpi seme-alabek mezuan.
Iazko otsailean jakin zen Wilsonek, Melinda emaztea galdu berri zuenak, "desordena neurokognitibo larriak" zituela, eta, ondorioz, senideek izendatutako bi medikuren zaintzapean jarri behar izan zutela.
Familiak onartu zuen Wilson ez zela gai bere kabuz moldatzeko, "elikatzeko, janzteko eta etxea eramateko", bere abokatuek orduan azaldu zutenez.
Dena dela, Wilsonen osasun arazoak 90eko hamarkadakoak ziren, ospearen gailurrean zegoenean droga kontsumo garai luzeek eraginak, eta Eugene Landy psikologo polemikoarekin izandako harremanagatik areagotuak. Psikologo hori bere bizitza kontrolatzen saiatzen zen familiak berarekin harreman oro debekatu zion arte, baina hori ez zen gertatu 2006ra arte.
Kulturari buruzko albiste gehiago
Itziar Ituño protagonista duen ''Argi gorriak'' telesaila grabatzen ari dira egunotan
Alberto Gastesik zuzenduta, umorea, intriga eta drama familiarra uztartzen ditu EITBren parte-hartzea duen telesailak.
"Eguerdi on", Euskaltzaindiak ez du "gibel egin" eta hainbat hitz hiztegiratu ditu
Azken sei hilabeteetan, Euskaltzaindiak 774 forma berri jaso ditu bere hiztegian, "eguerdi on" eta "gibel egin" tartean, 1.635 forma zuzendu edo osatu ditu eta hiru sarrera kendu ditu. Guztira, 52.091 forma jasotzen ditu orain "Euskaltzaindiaren Hiztegia"k.
Fermin Leizaola etnografoa zendu da
81 urte zituen Euskal Herriko artzaintzaren kultura ikertu eta dokumentatu zituen gizonak. Aranzadiko Etnografia saileko zuzendari izan zen, 45 urtez, eta Eusko Ikaskuntzaren Manuel Lekuona saria jaso zuen 2018an.
Gerediaga Elkarteak 60. urteurrena ospatuko du
Ekitaldia egin du larunbat honetan Abadiñoko Gerediaga auzoaren zelaietan, 1965an elkartea abiatu zuten leku berean, alegia. Gainera, Gotzon Gomez elkartearen presidente berriak Nerea Mujikaren lekukoa hartu du, 22 urteren ondotik.
Fermin Muguruza: ''Etortzen den jendeak zerbait historikoa bizi izan duela jakitea nahi dugu''
Ia dena prest dago Donostiako Anoeta estadioan larunbat honetan 30.000 lagun inguruk Fermin Muguruzaren kontzertuaz gozatzeko. Irungo musikariak zalantzan daudenak animatu nahi izan ditu oraindik eskuragarri dauden sarrera apurrak eros ditzaten.
J.Martina, Dupla, Janus Lester eta Leire Martínez Saguesen, Donostiako Aste Nagusian
Abuztuaren 9tik 16ra egingo da aurtengo Donostiako Aste Nagusia. Gainera, Mikel Anterok egindako kartela ere aurkeztu dute dagoeneko.
''Odol Ilargia'' bost ataleko euskarazko fikzioa filmatzen hasi dira, Bizkaian
Baleukok eta EITBk ekoitzita, publiko gazteari zuzenduta dago eta elementu fantastikoekin osatutako thrillerra da. David R. Losada zinemagilea da zuzendaria, eta gidoia ere berak idatzi du, Mikel Alvarez Sarriegirekin batera. 2026an estreinatuko da PRIMERAN plataforman.
San Migel santutegiko ateak lagunduta egingo du Pasaiatik Aralarrerako bidea
"Erromesaldi herrikoia" egingo dute ekainaren 9tik 15era Albaola Itsas Kultur Faktorian zaharberritutako atea Aralarko San Migelera eramateko. Atea 2024ko urrian apurtu zuten, eraso bandaliko batean.
''Kaleak musikaz betetzeko'', zortzi piano atera dituzte kalera Bilbon
Edonork jo ditzake, eta Santiago katedralaren atarian, Plaza Barrian, Arriaga Antzokiaren plazan, Pedro Ibarretxe kalean, Arbieto/Diputazio kalean, Arrikibar plazan, terrorismoaren eta indarkeriaren biktimen omenezko monumentuan eta Guggenheim Museoan jarri dituzte.