Durangoko Azokako hamar bisitaritik bederatzik erosi egiten dute
Siadeco ikerketa etxeak Azokara bertaratzen diren sortzaile, eragile eta bisitarien profila eta portaera ikertu zuen iaz, 2024ko edizioan. Euskara eta euskal kultura bultzatzea da joateko arrazoi nagusia, eta iaz, batez beste, 55,19 euro gastatu zituzten bisitariek.
Durangoko Azokako bisitari gehien-gehienak euskaldunak, kulturazaleak eta 45 urtetik beherakoak dira. Datu horiek azaleratu ditu Siadeco ikerketa aplikatuen etxeak 2024ko Durangoko Azokan eta haren ondoren sortzaileei, eragileei (diskoetxe, argitaletxe eta abarri) eta bisitariei eginiko galdeketak.
Sortzaileei online egindako 110 galdetegi, eragileei egindako 83 eta bisitariei aurrez aurre egindako 800 aztertu ostean, horren emaitza aurkeztu du gaur Siadecok Durangoko Azokan bertan, Gerediaga Elkartearekin batera.
Bisitarien “euskaraz sortutako kulturgintza hauspotzea” jo dute Durangoko Azokara joateko zio nagusitzat, eta partaideek azpimarratu dute “fidagarritasun ekonomiko sendoa” duen ekimena dela, eta “kontsumo palanka” gisa ere funtzionatzen duela urte osoari begira; hots, horren eragina ez dela lauzpabost egunera mugatzen, ezpada aurrerago erosiko denerako erreferentzia gisara balio duela.
Sortzaileek, bestalde, “garrantzi handia” aitortzen diote Azokari, nahiz eta ikerketak agerian utzi duen urria dela horien profesionalizazio maila (% 20k bakarrik dute sorkuntza lanbide bakartzat eta % 55,5i diru-sarreren % 20 baino gutxiago etortzen zaie sorkuntzatik).
Durangoko Azokako bisitarien % 92 euskal hiztunak dira, % 58,1 emakumezkoak eta bi heren 45 urtetik beherakoak (galdeketa 16 urtetik gorakoei egin diete). Batez beste, 55,19 euro gastatzen dituzte pertsonako, 2018an egindako ikerketa batek erakusten zuena baino % 11 gehiago. Kontuan hartu behar da, baina, zazpi urteko tarte horretan % 22 igo dela KPIa.
Kontsumo ohiturei helduta, bisitarien % 89,6k erosi zuten zerbait iaz Durangoko Azokan; erosleen % 19,9k Landakon eskuratu zituzten urte osoan erosi zituzten euskarazko liburu guztiak, eta, musikari begira, erosleen % 42,4k hala egin zuen urteko euskarazko disko guztiekin.
Zure interesekoa izan daiteke
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.
2028rako Veneziako Biurtekoan espazio propioa izateko lanean ari da Euskadi
Hala iragarri du Ibone Bengoetxea Eusko Jaurlaritzako lehen lehendakariordeak eta Kultura sailburuak Venezian egindako ekitaldi instituzionalean. "Aurrera egin nahi dugu, eta gure helburua da euskal sorkuntza artistikoa nazioarteko erakusleiho horretan etengabe proiektatzea", gaineratu du.