'Obabakoak' antzezlana estreinatuko du Arriaga Antzokiak
Calixto Bieito Arriaga Bilboko antzokiko zuzendari artistikoak eta Nekane Alonso Udaleko Kultura zinegotziak Arriagak 2017-2018 denboraldian, 2017ko abuztutik 2018ko ekainera, eskainiko dituen ikuskizunen programazio “berria, sormenez betea eta askotarikoa” aurkeztu dute gaur.
Horren baitan, Obabakoak Bernardo Atxagaren eleberri historikoaren moldaketa ekoitziko du Arriagak, Calixto Bieitok zuzendua eta euskaraz (urriaren 18tik 21era) eta gaztelaniaz (azaroaren 23tik 26ra) estreinatuko dena.
Bieitok bere gain hartu du literatur lan handi horren arnas poetikoa agertokira eramateko erronka: “Moldaketa libre honetan, pertsonaiak maitasunez, desioz, oroimenez, beldurrez eta zalantzez betetako giza paisaiatzat agertzen dira. Konposizio poetikoa, ikustekoa eta fisikoa izango da, eta animaliak gizakiekin nahastuko dira, eta basoak gure gorputz adarrekin”.
Gainera, 2018ko martxoaren 15etik 18ra, Hiru Emakume-Tres mujeres Mireia Gabilondok zuzendutako lana taularatuko du antzokiak euskaraz eta gaztelaniaz, beste ekoizpen propio bat.
Halaber, apirilaren 13an eta 14an, oso ikuskizun berezia eskainiko du Arriagak: Johannes-Passion oratorio eszenaratua, Parisko Theatre de Chateletekin batera ekoitzia. Denboraldia amaitzeko, 2018ko ekainaren 21ean eta 23an I hate music kontzertu-ikuskizun lirikoa eskainiko du, Leonard Bernstein konpositore estatubatuar bikainaren figurari eskainitakoa eta Ainhoa Artetak kantatua.
Antzerkia
Obabakoak lanaz gain, hogei antzezlan baino gehiago izango dira Arriagan, datorren denboraldian: Izar/Estrella Marie de Jong konpainia Jokin Oregiren zuzendaritzapean prestatzen ari den lan berria, Dublindarrak Joyceren lanaren antzerkirako moldaketa, Giltzadun etxea Tanttakaren lan berria, Miss Karaoke Oier Guillanen lana…
Gainera, Alfredo Sanzol, Helena Pimienta, Blanca Portillo edo Mario Gas zuzendarien antzezlanak gozatu ahalko dira, eta, besteak beste, Asier Etxeandia, Juan Echanove, Lluis Homar, Adriana Ozores eta Fernando Tejero aktoreen lana.
Dantza
Euskal dantza bi proposamenetan gauzatuko da Arriagaren hurrengo denboraldian: Zalakain azaroaren 11n eszenaratuko du Juan Antonio Urbeltzek zuzentzen duen Argia konpainiak, Pio Barojaren eleberrian oinarrituta.
Bestalde, 2018ko urtarrilaren 7an Aukeran taldeak 20. urteurrena ospatzeko ikuskizuna aurkeztuko du.
Musika
Besteak beste, Jorge Drexler, Pasion Vega eta Izaro musikariak pasatuko dira Arriagako agertokitik, baita Joaquin Achucarro bilbotar pianista ere, 2018ko urtarrilaren 27an.
Gainera, apirilaren 29an, Oreka TX taldea izango da Bilboko antzokian, Tosta ikuskizunaren buru, eta Musikeneko Orkestra Sinfonikoak eta Donostiako Orfeoiak Luigi Cherubiniren lau ahotseko abesbatza mistorako eta orkestrarako Réquiem aurkeztuko dute maiatzaren 13an.
Sarrerak, uztailaren 7an
2017ko urritik 2018ko ekainera eskainiko duten programazioko ikuskizunetarako sarrerak uztailaren 7tik, ostiraletik, aurrera egongo dira ikus-entzuleen esku Arriagaren webgunean.
Zure interesekoa izan daiteke
Antzerkia eta dantza asko, dFERIAko 31 ikuskizunetan
Arte eszenikoen Donostiako azokaren 32. edizioko eskaintzaren % 15 izango da euskaraz. Tanttaka Teatroak 'desobedienteak 18/98' auziari buruzko antzezlana aurkeztuko du martxoaren 15ean.
Arriagak kontzertua eta antzerki ibilbideak eskainiko dizkio izena eman zion konpositoreari
2026ko urtarrilaren 17an Juan Crisostomo de Arriaga konpositorearen heriotza goiztiarraren (19 urte zituela hil zen) 200 urte beteko direla eta, haren izena daraman Bilboko antzokiak proposamen bikoitza egingo du. Urtarrilaren 17an, La Ritirata Josetxu Obregón bilbotar musikariak zuzendutako orkestrak Arriaga y el eco de su tiempo kontzertua eskainiko du, eta urtarrilaren 10ean eta 24an, eta otsailaren 1ean, goizez, Koldo Olabarrik eta Ainhoa Etxebarria aktoreek prestatutako antzerki ibilbideak izango dira. Kontzerturako sarrerak 26 eta 52 euro bitarteko prezioan eros daitezke, eta ibilbideetakoak 15 euroan.
"Muro de piedra" antzezlanak inauguratuko du Pabellon 6ko Gazte Konpainiaren espazio berria, Bilbon
Bilboko udal antzoki berrian ikusiko den lehen antzezlana "oroitzapen baten historia da". Torremolinoseko Pasaje Begoña kalezulo txikian, polizia-sarekada masibo bat egin zuten errepresio frankistatik ezkutuan askatasunez bizitzen saiatzen ari zirenen kontra, 1971an. Markel Hernandezen testua Aritz Castillok, Nora Urdanpilletak, Nerea Sanzek, Pino de Pablosek, Markel Urrestarazuk eta Arnatz Puertasek zuzendu, sortu eta interpretatu dute, talde lanean. Guk Sanzekin eta Castillorekin hitz egin dugu. Emanaldiak azaroaren 6tik 23ra egingo dituzte, ostegunetik igandera.
“Dena egiteke dago”tik “Dena eginda dago”ra arteko tentsioan mugituko da “Ikimilikiliklik Vol.2” lan berria
Edurne Azkarate zuzendari artistikoaren gidaritzapean, Loraldia festibalaren ikuskizun berriak Laboa, Artze anaien eta Zumetaren jatorrizko lanaren espiritu esperimental eta abangoardiazkoa berpiztu nahi du musika, poesia, dramaturgia eta zuzeneko ikus-entzunezkoen bidez.
Ximun Fuchs: "Arkeologia antzerkiaren metafora da, arrasto humanoekin istorioak kontatzen ditugu"
Artedrama eta Axut konpainiek "Nor naizen baneki" antzezlana estreinatuko dute ostiral honetan, urriak 17, Luhuson. Harkaitz Canok eta Ximun Fuchsek idatzi dute, eta azken horrek zuzendu du. "Ez ote da antzerkia barne indusketarako tresnarik onena?", galdetzen dute antzezlanaren arduradunek.
Calixto Bieitok bere Rikardo III. "itxuragabe eta makiavelikoa" erakutsiko du Arriagan
Arriaga Antzokiak "La maldad de Ricardo III" antzezlana taularatuko du, Joaquín Furriel protagonista duen lana.
"The Rocky Horror Show" musikala, Arriagan
Richard O'Brienen musikala Londreseko ekoizpenarekin iritsiko da Bilbora, jatorrizko bertsioan, euskarazko eta gaztelaniazko gainidatziekin. Urriaren 8tik 12ra izango da ikusgai.
Lauza horiko bidea Bilbora iritsi da
Euskalduna Bilbaok Andrew Lloyd Webberren musikalaren bertsio berri bat aurkeztuko du, abenduaren 23tik aurrera. Urtarrilaren 6ra arte egongo da ikusgai.
Pabellon 6 bota eta berritu aurreko azken emanaldia egin dute
14 urteren ondoren eta 2.200 ikuskizun ingururen ostean, Bilboko Pabellon 6 antzokia bota egingo dute, baina berreraikitzeko izango da. Urriaren 5ean, igandean, eskaini dute azken emanaldia. Bertan sarritan antzeztutako Ay, Carmela lana aukeratu dute etapa bati agur esateko.
?fmt=webp-alpha&qlt=80)
Ados Teatroak bakardadeari helduko dio “52 hertz” antzezlan berrian
Jose Antonio Vitoriak eta Garbi Losadak gizarte isolamenduari buruz idatzi duten lana urriaren 3an eta 4an, euskaraz, eta urriaren 5ean, gaztelaniaz, taularatuko dute estreinakoz.