Max sarietarako 13 izendapen, antzerkiko euskal profesional eta konpainientzat
Euskal antzerkiak hamahiru izendapen ditu astelehenean banatuko dituzten Max sarietarako. Egile eta Editoreen Espainiako Elkarteak urtero banatzen ditu arte eszenikoen sariak, eta aurten Cadizen izango da gala, apirilaren 17an, astelehenarekin. "El bosque" Mario Bermudez Gilen lanak bildu ditu izendapen gehien, zazpi.
La Dramática Errante Ane Pikazak eta Maria Goiricelayak sortutako bilbotar konpainiak bost izendapen jaso ditu Max sarietan, "Yerma" eta "Altsasu" lanengatik. Lehenengoak, Federico Garcia Lorcaren lanaren egokitzapenak, egokitzapen edo bertsio onenaren Max saria (Maria Goiricelaya) irabaz lezake, baita eszena zuzendaritza onenarena (Maria Goiricelaya) eta emakumezko aktore onenarena (Ane Pikaza) ere.
"Altsasu" 2016an Koxka tabernan izandako jazoeren ondoren "zaurien jarioa gelditzeko, barkamenaz, adiskidetzeaz eta elkarbizitzaz hitz egiteko" idatzitako obra, bestalde, sail hauetan dago izendatuta: antzerki ikuskizun onena eta antzerkiko egiletza onena (Maria Goiricelaya).
IRAKURRI MARIA GOIRICELAYAREKIN "ALTSASU"REN KONTURA EGINDAKO ELKARRIZKETA
"Antzerkiak galderak egin behar dizkigu, astindu, axolagabe ez utzi, eta 'Altsasu'k hori egiten du"
Kukai dantza konpainiak aspalditik du harreman goxoa Max sariekin, hainbat aldiz jaso baititu sariak bere aurreko lanengatik, eta aurten ere saria bereganatzeko urrats baten faltan da "Eta orain zer?" bere ikuskizuna. Dantza ikuskizun onenaren, argiztapen diseinu onenaren (David Bernues) eta ikuskizun eszeniko baterako sormen musikal onenaren (Pascal Gaigne) sariak irabaz litzake astelehenean.
Gainera, Iñaki Rikarte eszena zuzendaritza onenaren atalean dago izendatuta, "Supernormales" antzezlanean egindako lanagatik, "Zuhaitzak landatzen zituen gizona" Gorakada konpainiaren lana haur, gazte eta familia ikuskizun onenaren atalean eta Marta Eguileor egile berri onenarenean, "Borderland"egatik.
Amaitzeko, "Sexberdinak" Tanttaka Teatroaren ikuskizuna ekoizpen lan onenaren Max sarirako dago izendatuta, eta Ikerne Gimenez espazio eszenikoaren diseinu onenerako, "El cuaderno de Pitágoras" lanarengatik.
Astelehen iluntzean ikusiko dugu, oihala jaitsitakoan, zenbat sari ekartzen dituzten euskal konpainia eta profesionalek.
Zure interesekoa izan daiteke
“Dena egiteke dago”tik “Dena eginda dago”ra arteko tentsioan mugituko da “Ikimilikiliklik Vol.2” lan berria
Edurne Azkarate zuzendari artistikoaren gidaritzapean, Loraldia festibalaren ikuskizun berriak Laboa, Artze anaien eta Zumetaren jatorrizko lanaren espiritu esperimental eta abangoardiazkoa berpiztu nahi du musika, poesia, dramaturgia eta zuzeneko ikus-entzunezkoen bidez.
Ximun Fuchs: "Arkeologia antzerkiaren metafora da, arrasto humanoekin istorioak kontatzen ditugu"
Artedrama eta Axut konpainiek "Nor naizen baneki" antzezlana estreinatuko dute ostiral honetan, urriak 17, Luhuson. Harkaitz Canok eta Ximun Fuchsek idatzi dute, eta azken horrek zuzendu du. "Ez ote da antzerkia barne indusketarako tresnarik onena?", galdetzen dute antzezlanaren arduradunek.
Calixto Bieitok bere Rikardo III. "itxuragabe eta makiavelikoa" erakutsiko du Arriagan
Arriaga Antzokiak "La maldad de Ricardo III" antzezlana taularatuko du, Joaquín Furriel protagonista duen lana.
"The Rocky Horror Show" musikala, Arriagan
Richard O'Brienen musikala Londreseko ekoizpenarekin iritsiko da Bilbora, jatorrizko bertsioan, euskarazko eta gaztelaniazko gainidatziekin. Urriaren 8tik 12ra izango da ikusgai.
Lauza horiko bidea Bilbora iritsi da
Euskalduna Bilbaok Andrew Lloyd Webberren musikalaren bertsio berri bat aurkeztuko du, abenduaren 23tik aurrera. Urtarrilaren 6ra arte egongo da ikusgai.
Pabellon 6 bota eta berritu aurreko azken emanaldia egin dute
14 urteren ondoren eta 2.200 ikuskizun ingururen ostean, Bilboko Pabellon 6 antzokia bota egingo dute, baina berreraikitzeko izango da. Urriaren 5ean, igandean, eskaini dute azken emanaldia. Bertan sarritan antzeztutako Ay, Carmela lana aukeratu dute etapa bati agur esateko.
?fmt=webp-alpha&qlt=80)
Ados Teatroak bakardadeari helduko dio “52 hertz” antzezlan berrian
Jose Antonio Vitoriak eta Garbi Losadak gizarte isolamenduari buruz idatzi duten lana urriaren 3an eta 4an, euskaraz, eta urriaren 5ean, gaztelaniaz, taularatuko dute estreinakoz.
Erriberriko antzerki jaialdia
Nafarroako konpainiekin topaketa.
Bill Murray aktorea, Arriagan
"New worlds" ikuskizuna taularatu du bart estatubatuar aktoreak Jan Vogler biolontxelistarekin, Mira Wang biolinistarekin eta Vanessa Pérez pianistarekin.
Euskal arte eszenikoak esku hutsik irten dira Gayarretik
Max saria eramateko sei aukera zeuzkaten euskal arte eszenikoek bart, Gayarren egin den Max sarien banaketa ekitaldian. Ignacio Aranguren eta Vicente Galbete Navarro Villoslada Iruñeko institutuko antzerki irakasleek soilik lortu dute golardoa.