Titanic, Nola eraiki eta zergatik urperatu zen?
Martxoaren 24ra bitartean Donostiako Aquariuma bisitatzera joango denak, Titanic itsasontziari eskainitako erakusketa ikusteko aukera ere izango du. Bilboko Itsasadarra Itsas Museoaren ekoizpena da, bertan izan eta Donostian dago ikusgai "Titanic, Nola eraiki eta zergatik urperatu zen?".
1912ko apirilaren 15ean, Titanic, munduko itsasontzi handi eta dotoreenak, Irlandako Queenstown portua utzi eta New Yorkerako bidea hartu zuen 2.227 bidaiarirekin, lau egun beranduago apirilaren 15ean hondoratu zen Atlantikoko ur jelatuetan izeberg batekin izandako talkaren ondorioz, 706 lagun baino ez zuten biziraun hondamendi hartan. Nola eraiki zen itsasuntzi hura, zergatik urperatu zen?
Orain arte Titanic itsasontziaren inguruan egin diren erakusketa eta bestelako ekimen askorekin alderatuz begirada berritzaile batez eraiki dute Bilboko Itsasadar Itsas Museoak ekoiztutakoa.
Izeberg hura topatu izan ez bazuen seguruenik iritsi izango zen New Yorkera baina bistan da jabeen dirugoseak eta ingeniarien harrokeriak izan zirela Titanicen flotazio marra lehen urratu zutenak gerora jakin denaren arabera.
Horren guztiaren eta gauza gehiagoren berri ematen da erakusketan, Donostiakoari beste elementu bat erantsi zaio Titanic itsasontziaren maketa ederra, bi metro baino luzeagoa, Fernando Aranburu zenak egin zuen eta "Cortes" jostundegiaren erakuslehioan ikusi dugu urtetan donostiarrok, orain leku ezinegokiagoa izango du Aquariumean erakusketak iraun bitartean.
Eskatzea libre da eta Bizente Zaraguetak, Aquariumeko presidenteak okasio aprobetxatu du adierazteko, Titanicen maketa eder horrek zein ondo emango zuen gero ere Aquariumean eta zein ondo zainduko zuten gainera. Bilboko Itsas Museoko zuzendariak, Jon Ruigomezek azkenik bi museoen arteko elkarlanaren garrantzia azpimarratu du.
Erakusketa Aquariumera joango diren bisitari denek ikusi ahal izango dute eta, gainera, Aquariumetik pasa gabe, erakusketa bakarrik ikusi nahi dutenentzat, ia larunbatero irekiko dute Nautilus aretora eramaten duen Paseo Berritik doan atea, arratsaldeko 17:00etatik 20:00etara.
Zure interesekoa izan daiteke
"Bitartekaritza partekatuak" erakusketa aurkeztu du gaur Chillida Lekuk
Nagore Legarretaren argazkiek eta Beñat Iturriozen ikus-entzunezkoak osatzen dute, eta batzuek krisi klimatikoaren eta despopulazioaren aurrean duten rolari buruzko gogoeta egiten du.
Marie Leczinska Frantziako erreginaren erretratu ofiziala, Baionako Bonnat Helleu museoan ikusgai
Frantziako Maria erreginaren erretratua 1748koa da. Jatorrizko bertsioa Versalleseko Jauregian dago, eta mexikar eta euskaldun jatorriko familia batek laga dio Baionako museoari. Museo zaharberritua ireki eta lehen hamar asteetan, 50.000 bisitari baino gehiago jaso dizute Bonnat Helleun; % 30 baionarrak, beste heren bat euskal herritarrak, eta, gainerakoak, kanpokoak.
Denise Scott Brown arkitektoari buruzko atzera begirakoa aurkeztu du Bilboko Arte Ederren Museoak
Denise Scott Brown (Nkana, Zambia, 1931) XX. mendeko bigarren erdialdeko arkitektorik garrantzitsuenetakoa da. Bidaiari, argazkilari eta aktibistaren lanaren gaineko erakusketa hiru ataletan egituratuta dago: hiria, kalea eta etxea.
Arte Ederren Bilboko Museoak Jose Antonio Azpilkuetaren 12 marrazki jaso ditu
Jose Ignacio Olave arte editoreak eman ditu grabatuok, dohaintzan. Edwar Hopper margolari estatubatuarraren pinturan oinarrituta daude marrazkiok, eta apirilaren 19ra arte egongo dira ikusgai.
Arte galeriak astebetez itxiko dituzte, kultur arloko produktu eta zerbitzuen BEZa % 10etik beherakoa izatea eskatzeko
2022an Europan onartutako araudia bete eta kultur arloko produktu eta zerbitzuei BEZ murriztua ezar diezaieten eskatzen dute. Zineman, antzerkian eta literaturan, adibidez, murrizketa hori indarrean da jada, baina, beste herrialdeetan ez bezala, artelanen salmenta kanpoan geratu da. Hori dela eta, otsailaren 2tik 7ra bitartean, galeriek ez dituzte ateak zabalduko.
Artium Museoak AMA ikasketa zentroa sortu du
“Arte garaikideari buruz modu kritikoan pentsatzea” da helburua. Otsailean, 1976ko martxoaren 3an Gasteizen izandako hilketari buruzko memoria ariketa proposatuko du.
Piranesiren grabatuak, Durangoko museoan
Durangoko Arte eta Historia Museoak “Giovanni Battista Piranesi. Erroma amestua” erakusketa du ikusgai apirilaren 26ra arte. Itzal handia izan duen XVIII. mendeko sortzailea izan zen Giovanni Battista Piranesi. Veneton ikasi zuen arkitektoak grabatugintza landu zuen, batez ere, Erroman. José Ignacio Olaveren bilduma da erakusketaren oinarria, eta Garazi Arrizabalaga Durangoko museoaren zuzendaria izan da komisarioa.
Ukitzeko Artea programako beste lan bat aurkeztu du Arte Ederren Bilboko Museoak, pertsona itsuentzat
Luis Melendez artistaren obra baten ukitzeko bertsioa aurkeztu du gaur Arte Ederren Bilboko Museoak. Lan hori eta aurreko hamar edizioetako beste batzuk Bizkaiko 16 ikastetxetan erakutsiko dituzte. Ikusmen arazoak dituzten ikasleei artearen esperientziaz gozatzeko aukera emango die, eta gainerako ikasleek, begiak tapatuta dituztela, ikusmen gabeziaren ondorioak sentituko dituzte.
Zirkulu batetik begira begiraden zirkulu batean , Artiumen
Euskal Herriko Arte Garaikidearen Gasteizko Museoak abuztuaren 30era arte izango du ikusgai Zirkulu batetik begirada begiraden zirkulu batean erakusketa. Hogei artista eta kolektibok hartu dute parte "pentsamendu dekolonialaren, zibernetikaren eta feminismoen eragina duten praktiken genealogia" proposatzen duen bilduman.
Behaketa patxadatsu eta arretatsuaren aldarrikapena, Tabakaleran
"Strong back, soft front" Maite González Martínezen bideo eta collageen erakusketa Iñigo Villafranca Apesteguiak komisariotu du. Martxoaren 2ra arte egongo da ikusgai, "begiratzeko beste modu bat" proposatzen duen bilduma Donostiako zentroan.