Balenciaga Museoa, ixteko arriskuan
Balenciaga Museoak arazo ekonomikoak ditu, Getariako zentroaren arduradunek adierazi dutenaren arabera. Bi urte dira Cristobal Balenciaga Museoa zabaldu zutela, eta diseinatzaileari eskainitako zentroak ezin die gastuei aurre egin. Hori dela eta, irailaren 26an Kultura Ministerioak, Sailak, Foru Aldundiak eta Udalak bilera egingo dute museoaren etorkizuna erabakitzeko.
Zentroak ez du bisitari kopurua gutxitu, 2012an 68.000 izan zituen eta uda honetan egunean 200 bisitari inguru izatea lortu du. Hala ere, erakundeen diru-laguntzen murrizketek Museoak eragiten dituen gastuak ordaintzeko gaitasunik ez izatea eragin dute. Gipuzkoako Aldundiak, Eusko Jaurlaritzak eta Espainiako Gobernuak ematen zizkioten diru-laguntzak % 15 eta 45 bitartean murriztu dituzte.
Hori dela eta, Eusko Jaurlaritzak bideragarritasun-txosten bat eskatu dio Museoaren zuzendaritzari. Hala eta guztiz ere, Exekutiboak eta Aldundiak Balenciaga proiektuak aurrera egitearen alde egingo dutela esan dute. "Aztertu beharreko gauzetako bat gastuen murrizketa da. Zuzendaritzari aukera guztiak aztertzeko eskatu diogu", adierazi du Joxean Muñoz Kultura sailburuordeak, ETBn. "Museoak biltzen duen Balenciagaren obra eta bilduma eta diseinatzaileak gure herrian eta nazioartean duen irudia ere oso garrantzitsuak dira", gaineratu du.
Zure interesekoa izan daiteke
Mikel Chillidak hartuko du Chillida Lekuren zuzendaritza
Museoaren "etorkizuna zehazten laguntzea benetako pribilegioa" dela esan du Eduardo Chillida artistaren bilobak. Apirilaren 1ean hartuko du kargua.
"Barreiatutako paisaiak": Euskal industriaren margoak, San Telmo museoan
Gerardo D’Abraira marrazkilariaren lanak ikusgai daude Donostiako San Telmo Museoan. "Barreiatutako paisaiak" izena du erakusketak, eta joan den mende erdialdeko lanak biltzen ditu.
Euskal artea ikusgai ARCOmadriden
Martxoaren 4tik 8ra, Madrilgo Arte Garaikidearen Nazioarteko Azokak Euskal Herritik datorren artearen lagin bat hartuko du. Ignacio Mugicaren arabera, orain arte bizi izan dugun jarraipenaren erakusle da aurkitu ahal izango dena, baina galeria gazte gehiagoren falta sumatzen du, "eta arte garaikidea gazteena da, ezarrita dagoenarekin hautsi beharko luketena".
Euskal artista eta galeriak, Arcomadrid azokarako prest
Carreras Mugica eta Cibrián euskal galeriek programa orokorrean parte hartuko dute, eta Villa Magdalenak “Opening. Nuevas galerías” atalean. “El futuro, por ahora” atalean, June Crespo artistaren lanak erakutsiko dituzte Carreras Mugicak eta P420 Boloniako galeriak.
Euskal Emakume Eskultoreak (E3) elkarteko kideen lanak, Batzar Nagusien Bilboko egoitzan ikusgai
Errekonozimendua lortu duten euskal eskultore gehienak gizonezkoak badira ere, emakumezkoek eragin handia izan dute arte molde horretan, arreta gutxiago eman zaien arren. Horrela, euskal eskulturan merezi eta behar duten leku hori aldarrikatzeko E3 Euskal Emakume Eskuloreak elkartean batuta daude batzuk, eta euren lanak Bizkaiko Batzar Nagusien egoitzan ikusgai daude, Bilbon. Erakusketa apirilaren 23ra arte egongo da zabalik.
Maite Rosendek egin ditu Itzuliko eta Itzulia Womeneko kartelak
Donostiar artistak irabazi zuen Euskadi literatura saria ilustrazioaren atalean, eta, hortaz, hari dagokio txirrindularitza probetako kartelak diseinatzea.
Kutxa Fundazioak ibilbide bat proposatu du Elena Asinsen obran zehar
"Egitura, espazioa, denbora" erakusketak 100 lan baino gehiago biltzen ditu: marrazkiak, pinturak, eskulturak, liburuak, ikus-entzunezko piezak eta instalazioak. "Arte konputazionalaren eta abstrakzio geometriko moderno eta garaikidearen ezinbesteko figura" da Asins, Fundazioak azaldu duenez.
Txuspo Poyo artista nafarraren "Anonima" erakusketa, Azkuna Zentroan
Bilboko espazioko erakusketak ehun pieza baino gehiago bildu ditu, 1980ko hamarkadatik gaur egun arteko proiektu gehienak. Maiatzaren 17ra arte egongo da ikusteko aukera.
Zineb Sedira artistaren "Standing Here Wondering Which Way to Go" erakusketa, gaurtik Tabakaleran
1960ko eta 1970eko hamarkadetako Afrikako askapen-mugimenduak eta utopiak dakartza gogora.
Eusko Jaurlaritzak 31 obra gehitu dizkio Bilduma Partekatuari
Jaurlaritzak 300.482 euro inbertitu ditu 21 artistaren lanetan, Artiumeko, Bilbao Museoko eta Tabakalerako adituen erakunde arte batzorde baten aholkuei jarraituta. Erosi dituzten obren egileen artean daude Jose Ramon Amondarain, Mar de Dios, Angel Bados, María Luis Fernandez, Gema Intxausti, Imanol Marrodan, Manu Muniategiandikoetxea, Usoa Fullaondo…