Miroren errealismo magikotik "Konstelazioetarako" bidaia, Guggenheimen
![Pintura (Eguzkia) [Peinture (Le Soleil)],1927. © Sucesió Miró, 2022](https://s7g10.scene7.com/is/image/eitb/20221213084050_miro-guggenheim_original_imagen:eitb-banner?$eitb-banner$&fmt=webp-alpha&qlt=80 "Pintura (Eguzkia) [Peinture (Le Soleil)],1927. © Sucesió Miró, 2022")
Guggenheim Bilbao Museoak "Joan Miró. Errealitate absolutua. Paris, 1920-1945" aurkeztu du, margolari katalanak 1920 eta 1945 artean egindako ibilbidea aztertzen duen erakusketa.
Miroren (Bartzelona, 1893–Palma, 1983) obraren funtsezko aldi horren mugarriak Parisera egindako lehen bidaia eta "Konstelazioak" saila dira, museotik azaldu dutenez.
Joan Miroren obran, berrikuntza formalak goraipatu izan dituzte kritikariek, lehen abangoardien testuinguruan garatuak, batez ere dadaismoaren eta surrealismoaren inguruan, eta espresionismo abstraktuaren aitzindaritzat ere hartzen da artista.
Mirok abstrakzio puruaren ideia eta errealismo tradizionala baztertzen zituen, eta adierazi zuen bere obretan margotzen zituen marka guztiak zerbait zehatzarekin zetozela bat.
1918 eta 1920 urteen artean, Mirok "detailistak" deituriko obrak margotu zituen, fintasun eta kontzentrazio handia nabari duten lanak. Mirok, errealitatea doitasunez irudikatu beharrean, paisaiek eragiten zizkioten emozioak margotu zituen; hasierako garai hartakoa da, esaterako, "Autorretratua" (1919).
Autorretratua, 1919. Argazkia: © RMN-Grand Palais (Musée national Picasso-Paris)/Mathieu Rabeau
1923an, Mirok bere lagun J. F. Rafolsi idatzi zion garai hartan margotzen ari zen paisaia berriei buruz hitz eginez: "Lortu dut naturatik behin betiko askatzea, eta paisaiek jada ez dute inolako zerikusirik kanpoko errealitatearekin".
Miroren 1920ko hamarkadaren erdialdeko koadroek egitura narratibo logiko oro suntsitzen dute, museotik azaldu dutenez, eta "badirudi gainazaletatik sakabanatuta ageri diren elementu urriak inprobisazioaren emaitza direla, baina haiek prestatzeko zirriborroek kontrakoa frogatzen dute".
1930eko hamarkadan, espresionismoa bilakatu zen Miroren obraren ezaugarri nagusia: "irudi izugarriak ageri dituzte espazio anbiguo eta kezkagarrietan, ziurrenik Espainiako Gerra eta Bigarren Mundu Gerra ekarri zituen egoera politikoak artistari eragiten zion hersturaren eta kezkaren isla".
1940ko urtarril eta 1941eko iraila bitartean, Mirok 23 "Konstelazioak" egin zituen. Pintura horiek Mirok sortutako zeinu-lengoaiaren ahalmenaren maila gorena adierazten dute, eta enfasi berezia jartzen dute irudimenean eta intuizioan, baita adierazpide jatorrizko eta unibertsal bat aurkitzeko borondatean ere.
Zure interesekoa izan daiteke
Igshaan Adamsek tapizak eta "hauts hodeiak" zabaldu ditu Guggenheimen
"Igshaan Adams. Hautsa harrotzen: Gorputzaren artxiboa" erakusketa Museoaren in situ erakusketa-zikloko hirugarren emaitza da. Museoak areto jakin baterako pentsatutako eta eraikinaren arkitekturarekin elkarrizketa bat sortaraziko duten obrak sortzera gonbidatzen ditu artistak, programa horretan.
Iberdrolaren artelanak, Arte Ederren Bilboko Museoan ikusgai
Bilboko konpainiaren 138 artelan bildu dituzte “Paraleloak eta meridianoak” erakusketan. Zortzi ataletan banatu dituzte: Hastapenak; Natura, urak eta bilbeak; Gorputza eta aztarnak; Lana; Argia; Artista eta haren espazioak; Arkitektura eta eraikuntza; Hiria eta portua. Abuztuaren 30era arte egongo da ikusgai.
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
-separados-por-el-ice-World-Press-Photo-of-the-Year-Carol-Guzy-ZUMA-Press-iWitness-for-Miami-Herald.jpg)
ICEko agenteek banandutako familia baten argazkiak irabazi du World Press Photo 2026 saria
ICE Immigrazioaren eta Aduanaren Polizia Indarrek Luis migratzaile ekuadortarra atxilotu eta emazte eta hiru seme-alabengandik banatzen duten une lazgarria islatzen duen Carol Guzy argazkilari estatubatuarrak egindako erretratuak irabazi du aurten.
"Gaizkia. Auschwitz 1945 - Gaza 2025" erakusketa, EHUren Arabako campusean
Gaizkia. Auschwitz 1945 - Gaza 2025 Artur Heras artista valentziarraren erakusketa inauguratu dute Euskal Herriko Unibertsitatearen (EHU) Arabako campuseko Unibertsitate Pabiloian asteazken honetan. Anacleto Ferrer komisario duen erakusketak genozidioak salatzen ditu, "begirada artistiko konprometitu eta ausart batetik". Gasteizen apirilaren 30era arte egon ondoren, erakusketa Bilboko Esperientziako Geletan izango da ikusgai, maiatzaren 6tik 22ra, eta Donostiako Karlos Santamaria liburutegiko Txillardegi aretoan, maiatzaren 27tik ekainaren 30era.
Jesus Jauregui bilbotar artistaren "gorpuztasun zalantzagarria", Bilbon ikusgai
EHUren Bizkaia aretoko Chillida gelak Anthropos erakusketa hartuko du apirilaren 14tik maiatzaren 7ra. Jesus Jauregui artistaren hitzetan, Anthroposek gizakiari buruzko ikuspegi berezia proposatzen du, "gure existentziak eragiten duen harridurak eta osatzen gaituen gorpuztasun zalantzagarriak markatua".
Sarrerak erdi-prezioan gaur arratsaldean Guggenheim museoa bisitatu nahi dutenentzat
Gaur da azken eguna "in situ: Mark Leckey. Eta hantxe zegoen hiria bere bikaintasunean" erakusketa ikusteko. Hori dela eta, 16:00etatik 19:00etara bertaratzen direnek % 50eko deskontua izango dute sarreran.
Guggenheim museoak 24.400 bisitari jaso ditu Aste Santuan
Ostegunetik astelehenerako tartean, ostirala izan zen egunik jendetsuena.
Gernikako Udalak ere "Gernika" artelana lekualdatzea eskatu du, bonbardaketaren urteurrena dela eta
Udalerriko alkateak azpimarratu du "Gernikako herriak" berak nahi duela Picassoren artelana aldi baterako lekualdatzea. Jaurlaritzak duela gutxi egin zuen eskaera, baina Reina Sofia Museoak ez du onartu, kontserbazio arrazoiak tarteko.
"Erresonantziak" dokumental saila, Esther Ferrer eta Mari Puri Herrero artistei begira
EITBk eta Artiumek Mari Puri Herrero (Bilbo, 1942) eta Esther Ferrer (Donostia, 1937) protagonista dituzten bi lan dokumental aurkeztu dituzte. Publiko berrien artean kultura garaikidearen dibulgazioan sakondu nahi du dokumental sortak, eta ETB On atarian daude ikusgai. Herreroren atalari Uxue Alberdik jarri dio ahotsa, eta Ferrerenari Marina Suarezek. Hurrengo atalak Gema Intxaustiri eta Itziar Okarizi eskainiko dizkiete.