Bizkaiko zazpi eskualdeetako bertsolari gazteak, XII. BBK Lehiaketan
Bizkaiko Bertsolari Gazteen BBK Lehiaketaren XII. edizioa hasiko da astearte honetan, martxoaren 11n, eta lurraldeko zazpi eskualdeetako 50 bertsolarik osaturiko zazpi talde lehiatuko dira. Parte hartuko duen talde bakoitzak gutxienez sei kide izango ditu, eta eskualde jakin bat ordezkatuko du, hau da, Arratia, Bilboaldea, Busturialdea, Lea-Artibai, Ipar Uribe (Eskuinaldea), Enkarterri eta Durangaldea, iazko edizioan irabazlea.
Txapelketa gaur goizean aurkeztu da BBK Aretoan, Bilbon, eta bertan izan dira Jone Narbaiza, Bizkaiko Bertsozaleak elkartekoa, Juanjo Respaldiza, Bizkaiko Ikastolen Elkarteko bertsolaritza arduraduna, eta Arkaitz Estiballes, Bizkaiko bertsolari txapelduna.
Lehenengo sei taldeak hiru saiotan lehiatuko dira, martxoaren 11n, 12an eta 18an Markina, Zalla eta Algortako ikastetxe eta kultur etxeetan. Finalerdiak martxoaren 19an eta 25ean izango dira, Durangon eta Igorren, hurrenez hurren, eta Durangaldea automatikoki igaroko da fase honetara aurreko edizioaren irabazle bezala. Final handia martxoaren 28an izango da, 19:00etan, Bilboko Kafe Antzokian.
Antolatzaileek azaldu dutenez, Bertsolari Gazteen BBK Lehiaketan parte hartuko duten gazteak bi adin-mailatan banatuko dira: lehenengoan 18 urte artekoak, eta bigarrenean 18 eta 24 urte artekoak.
Sariei dagokienez, 2.000 euro baino gehiago banatuko dira, eta lehen sariak 1.260 euro izango ditu talde txapeldunarentzat. Bigarren saria 900 eurokoa izango da, eta 140 euro emango zaizkio bizkaierarik onena erabiltzen duen bertsolariari. Txapelketak, gainera, beste 3.780 euro banatuko ditu parte hartzen duten bertsolari guztien artean, dieta legez.
Zure interesekoa izan daiteke
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Iñaki Viñasprek irabazi du 2026ko Arabako Bertsolari Txapelketa
Iñaki Viñaspre Simonek eta Unai Anda Delikak lortu dute puntu gehien lortzea 2026ko Arabako Bertsolari Txapelketako finalean, eta eurek kantatu dute buruz-burukoan. Azkenean, Viñasprek jantzi du txapela. Martxoak 3 elkarteko kideek jantzi diote txapela Viñaspreri.
Arabako Bertsolari Txapelketaren finala gaur arratsaldean jokatuko da eta zuzenean eskainiko du ORAIN albiste zerbitzuak
Iñaki Viñaspre, Martin Abarrategi, Unai Anda, Aroa Arrizubieta, Maddi Agirre eta Peru Abarrategi nor baino nor gehiago arituko dira Gasteizen, Europa Biltzar Jauregian. Martxoak 3 elkarteak jantziko dio txapela irabazleari.
Arabako Bertsolari Txapelketa
Iñaki Viñaspre, Martin Abarrategi, Unai Anda, Aroa Arrizubieta, Maddi Agirre eta Peru Abarrategi arituko dira nor baino nor gehiago finalean. 16:45etik aurrera, zuzenean.
Arabako sei bertsolari finalistak, larunbatera begira
Larunbatean, hilak 28, Europa Gasteizko biltzar jauregiak Arabako Bertsolari Txapelketaren finala hartuko du. Martxoak 3 Elkartearen ordezkariek jarriko diote txapela bertsolari irabazleari, Iñaki Viñaspre, Martin Abarrategi, Unai Anda, Aroa Arrizubieta, Maddi Agirre edo Peru Abarrategiri. ORAINen eta ETB1 ONen osorik ikusi ahalko da finala, 16:45etik aurrera, zuzenean.
Peru Abarrategik irabazi du Aramaioko finalaurrekoa eta erabakita geratu da nortzuk jokatuko duten Arabako Bertsolari Txapelketa
Maddi Agirre, Peru Abarrategi, Aroa Arrizubieta, Iñaki Viñaspre, Unai Anda eta Martin Abarrategi lehiatuko dira martxoaren 28ko finalean, Gasteizen.
Aroa Arrizubietak irabazi du Arabako Bertsolari Txapelketako Oiongo saioa
Txapelketako lehen saioa irabazita, finalaurrekoetarako pase zuzena eskuratu du gasteizko bertsolariak. Hurrengo saioa otsailaren 15ean izango da Laudioko Kasinoan, 17:30ean.
Arabako Bertsolari Txapelketa, abiatzear
Arabako txapelketaren XVII. edizioko lehen saioa Oionen egingo dute, larunbatean. Aroa Arrizubietak, Felipe Zelaietak, Iñaki Viñasprek, Martin Abarrategik, Sabin Abarrategik eta Unai Andak kantatuko dute.
Euskarak biziraun dezan lan egin duten guztiei eskaini die azken agurra Maddi Ane Txoperenak
Bizkarsoro filmari erreferentzia egin, eta euskararen kontra aritu direnen aurrean altxatu direnak izan ditu gogoan Maddi Ane Txoperenak, Donibane Lohizuneko Jai Alain.
Maddi Ane Txoperenak irabazi du Xilaba Ipar Euskal Herriko Bertsolari Txapelketa
Maddalen Arzallusekin jokatu du azken buruz burukoa, eta, azkenean, Txoperena gailendu da finalean. 2026ko Euskal Herriko Bertsolari Txapelketan bost finalistek hartuko dute parte.