Nafarroako Bertsolari Txapelketa urriaren 4an hasi eta azaroaren 29an amaituko da, Nafarroa Arenan
Txapelketaren aurkezpena.
Nafarroako 48. Bertsolari Txapelketa urriaren 4an hasiko da Auritzen, eta azaroaren 29an amaituko da Iruñean, Nafarroa Arenan lehenengo aldiz. “Nafarroan bertsolaritza izaten ari den gorakadari esker, urrats kuantitatibo eta kualitatiboa emateko apustua egin dugu”, azaldu du Nafarroako Bertsozale Elkartea erakunde antolatzaileak.
Txapelketaren 48. edizioa 24 bertsolarik hasiko dute, eta Auritzen izango da lehen saioa. Lehen fasean, lau saio izango dira, Auritzen, Mutiloan, Iruritan eta Los Arcosen, eta berorietan arituko direnetatik 18 bertsolarik egingo dute aurrera, finalaurrekoetara.
Fase horretan, hiru saio izango dira (Agoitzen, Leitzan eta Tafallan), eta horietan arituko diren zortzi bertsolari sailkatuko dira finalera.
Finala Nafarroa Arenan izango da lehendabizikoz, Euskal Herriko Bertsolari Txapelketaren finaleko agertoki berean, azaroaren 29an.
Kattin Madariagak lehen aldiz hartuko du parte Txapelketan, eta lehia horretan urte askoan aritutako bertsolariak izango ditu alboan, hala nola Julen Zelaieta, Julio Soto eta Saioa Alkaiza txapeldunak.
Más noticias sobre bertsolaritza
Xilaba azaroaren 8an hasi, eta urtarrilaren 31n amaituko da, Donibane Lohizunen
24 bertsolarik hartuko dute parte, hamar saiotan, eta horietako sei arituko dira finalean.
Euskal Herriko Bertsolari Txapelketaren finala 2026ko abenduaren 20an izango da, Iruñean
2026ko irailean hasi eta abenduaren 20an amaituko da Bertsolari Txapelketa Nagusia datorren urtean. Lehenago, aurtengo irailetik 2026ko martxora bitartean, Bizkaiko, Nafarroako eta Arabako Txapelketak eta Xilaba Ipar Euskal Herrikoa jokatuko dira.
Bizkaiko Bertsolari Txapelketa Urdulizen hasi eta Bilbon, Casillan, bukatuko da
Nerea Ibarzabal Bizkaiko azken bi txapelketen irabazleak parte ez hartzea erabaki du. Finalaurrekoak bi bueltatara jokatuko dira oraingoan: lehenengoan hiru saio izango dira, eta bigarrenean bi.
Mixel Aire bertsolari eta artzaina zendu da
Fernando Aire Etxart "Xalbador"en semea zenak 80 urte zituen. Euskal Herriko Bertsolari Txapelketa Nagusian hirutan hartu zuen parte, eta hiru aldiz irabazi zuen Nafarroakoa. Aire Ahizpak abeslari hirukoteko kideen aita zen.
Martin: ''Lasaitasun bat bezala daukat, zorte handia delako horrelako egun bat bizitzeko aukera izatea''
Gipuzkoako bertsolari txapeldun gisa lehen orduak igaro ditu jada Alaia Martinek. Oiartzunen hitzordua izan du goizean ETBrekin, eta atzoko sentsazioei buruz zein etorkizunerako planei buruz aritu da.
Alaia Martinek irabazi du Gipuzkoako Bertsolari Txapelketako finala
Oiartzuarrak Beñat Gaztelumendiren kontra jokatu du azken buruz burukoa. Oihana Iguaran, Ane Labaka, Aner Peritz, Nerea Elustondo, Andoni Rekondo eta Eneritz Artetxe izan dira hurrengoak sailkapenean.
Laguntasunari eskaini dio azken agurra Alaia Martinek: ''Elkarrengandik gertu eta elkarrentzat gertu''
Alaia Martinek irabazi du Gipuzkoako Bertsolari Txapelketako finala. Oiartzuarrak Beñat Gaztelumendiren kontra jokatu du azken buruz burukoa. Oihana Iguaran, Ane Labaka, Aner Peritz, Nerea Elustondo, Andoni Rekondo eta Eneritz Artetxe izan dira hurrengoak sailkapenean.
Gipuzkoako zortzi finalistak, gaurko finalerako prest
Gaur izango da Donostian Gipuzkoako Bertsolari Txapelketaren finala, 17:00etatik aurrera. ETB1en eta eitb.eus-en zuzenean jarraitu ahalko da.
Dena prest, larunbateko Gipuzkoako Bertsolari Txapelketako finalerako
Gipuzkoako Bertsolari Txapelketako finala jokatuko da larunbatean, abenduaren 14an, Donostia Arenan. Zortzikote finalista bertan izan da gaur, larunbateko saioa aurkezten, eta azaldu dute nola bizi dituzten azken egun hauek.