Zilarrezko Euskadi sariak: 'Erraiak' eta 'El libro de mi destino'
“Erraiak” Danele Sarriugarte elgoibartarraren eta “El libro de mi destino” Parinoush Saniee irandarraren lanek irabazi dituzte Zilarreko Euskadi Gipuzkoako Liburudenden Elkarteak Liburuaren Eguna dela eta ematen dituen sariak.
Bi idazleok Donostian egongo dira maiatzaren 5ean, Literaktum hilaren 16ra arte iraungo duen literatura jaialdiaren irekiera ekitaldian.
Andoni Arantzegi Gipuzkoako Liburudenden Elkarteko presidenteak iragarri ditu sarien irabazleen izenak; oraindik irakurle kopuru nahikoarengana heldu ez diren eta bigarren aukera bat merezi duten lanei ematen diote Zilarrezko Euskadi saria.
Euskarazko atalean, “Erraiak” Danele Sarriugarteren lehen eleberriari eman diote saria. Beasaingo Udalak eta CAF enpresak artista gazteei ematen diete Igartza bekari esker argitaratu zuten lana, eta bikotekideak utzi eta gero bakarrizketa batean zalantza existentzialak azaleratzen dituen neska gazte bat da protagonista.
“Oso esaldi luze eta gogorrekin egiten du”, esan du Arantzegik, alboan Nerea Txapartegi Kulturako udal arduraduna, Xabier Paya Donostia 2016ko kultura zuzendaria eta Iñaki Gabarain Ernest Lluck kulturgunearen zuzendari eta Literaktumeko eduki koordinatzailea alboan zituela.
“El libro de mi destino”, bestalde, Irango liburu irakurriena da, nahiz eta hamaika aldiz zentsuratu duten, eta hogei hizkuntzatara itzuli dute.
Albiste gehiago literatura
Patxi Zubizarretak lortu du Xabier Lete beka
Euskarazko literatura sorkuntzarako 70.000 euroko dirulaguntza “Txoriei begiratzen zien gizonari begiratzen zion emakumea” proiektua gauzatzeko izango da.
EHUk Gabriel Arestiren pentsamenduaren gaurkotasuna aldarrikatu du
EHUko 35 ikasle-irakaslek gaur egundik begiratu diote duela mende erdi zendutako bilbotar idazlearen obrari eta pentsamenduari, "Gabriel Arestik ereindakoak 1975-2025" liburuan.
"Esteban Urkiaga, Lauaxeta. Poesia, artea, ideologia" liburua argitaratu du Jon Kortazarrek
Bizkaitar irakasle eta ikertzaileak bi atal nabarmendu ditu Pamiela etxeak argitaratu duen lanean. Lehenengoan, Lauaxetaren poesia artearekin eta ideologiarekin lotzen du, eta bigarrenean gizarteak Lauaxetaren bizitzaz eta lanaz egin duen harrera aztertu du. Bizkaitar idazlea fusilatu zuten eguneko 88. urtemugan aurkeztu dute lana. (Musika, "Azken oyua" Antton Valverdek musikatuta)
400 lagunek Bizenta Mogelen "Ipui onak" irakurriko dute ostegunean, Arriagan
Emakume batek argitaratu zuen euskarazko lehen liburua aukeratu dute Bilbo Zaharra euskaltegikoek Klasikoen Irakurketa Etenik Gabearen XVIII. ediziorako. Nerea Ibarzabal markinar idazle eta bertsolariak abiatuko du saioa, 08:00etan.
Jabier Kalzakortak Bilboko Liburu Azokako Urrezko Luma jaso du
Markinar irakasle, ikertzaile, euskaltzain eta idazleak jaso du Bilboko literatura hitzorduaren garaikurra. Herri literaturan aditu handia da Kalzakorta.
Jabier Kalzakorta: ''Neska harrigarri argia zen Bizenta Mogel''
Markinar euskaltzain, irakasle eta ikertzaileak Bizenta Mogelen argitasuna azpimarratu du.
Bizenta Mogel, "zigor zaurigarriaren beldur" izan ez zen idazlea
Ekainaren 5ean, "Ipuin onak" Bizenta Mogelen liburua irakurriko dute Arriaga antzokian, Klasikoen XVIII. Irakurketa Jarraituan. Euskaraz idatzi zuen lehen emakumetzat hartu izan da Bizenta, Joan Antonio Mogel "Peru Abarka"ren egilearen iloba.
Miren Agur Meabe, Dolores Redondo eta Mircea Cartarescu, Bilboko Liburu Azokako zilarrezko lumen irabazle
Maiatzaren 30etik ekainaren 8ra egingo da Areatzan 55. Bilboko Liburu Azoka. Hurrengo egunetan sari gehiago banatuko dira, besteak beste, Urrezko Luma eta Kutxabank Atea sariak.
Ngugi Wa Thiong'o kenyar idazlea zendu da
Thiong'ok kikuyu hizkuntzan idazten zuen eta Nobel sarirako hautagai izan zen sarritan; 87 urteko idazlearen hainbat lan daude euskaratuta, "Gerra garaiko ametsak" lan autobiografikoa, berbarako.
Esteban Urkiaga 'Lauaxeta' omendu dute haren jaiotzaren 120. urteurrenean
Bizkaiko Foru Aldundiak ekitaldi bat egin du gaur Laukizen, "Bide barrijak" eta "Arrats beran" sortu zituen poetaren jaiotzaren urteurrena ospatzeko.