'La ciudad blanca' trilogiaren amaiera, urriaren 2an salgai
Los señores del tiempo, Eva Garcia Saenz de Urturi idazle gasteiztarraren La ciudad blanca trilogiaren azken atala, urriaren 2an jarriko dute salgai.
Saga 2016an hasi zen El silencio de la ciudad blanca-rekin, eta 2017an jarraitu zuen Los ritos del agua-rekin. Bi eleberriak salduenen artean mantentzen dira argitaratu zirenetik. 700.000 irakurle baino gehiago eta 35 edizio dituzte. Gainera, bost hizkuntzatara itzuli dituzte (italiera, alemana, poloniera, portugesa eta bulgariera), Planeta argitaletxeak gaur jakitera eman duenez.
Gainera, trilogiaren lehen zatia filmatzen hasiko dira udan, Gasteizen, Arabako hiriburua lehen eleberriaren agertoki nagusia baita. Filma Daniel Calparsorok zuzenduko du, eta Atresmediak eta Rodar y Rodar konpainiak egingo dute.
Unai Lopez de Ayala Kraken eleberrietako ertzain protagonistak heriotza-sorta bat ikertu beharko du trilogiaren amaieran. Los señores del tiempo Erdi Aroan girotutako eleberri bat da. Bertan deskribatzen diren heriotzen berdin-berdinak dira.
“Espainiar errauliarekin” (Erdi Aroko viagra) pozoituta eta horma artean edo upeletan sartuta pertsonak hiltzen dituzte liburuan. Azken kasu horretan, preso bat barrika batean sarturik ibaira botatzen dute, oilar, txakur, katu eta sugegorri batekin batera.
Los señores del tiempo-k bere iraganarekin zerikusi handia duela ohartuko da ertzaina, eta aurkikuntza horrek bere bizitza aldatuko du, baita bere familiarena ere.
Eva Garcia Saenz de Urturik 2012an argitaratu zuen lehen eleberria: La saga de los longevos, ingelesera itzuli zuten “salmenta arrakasta”. Oso harrera ona izan zuen Ameriketako Estatu Batuetan eta Erresuma Batuan. 2014an sagako bigarren liburua argitaratu zuen: Los hijos de Adan; eta baita Pasaje a Haiti eleberri historikoa ere.
Eleberri beltzaren trilogiako lehen lana 2016an argitaratu zuen: La ciudad blanca; amaiera urriaren 2an argitara emango du.
Zure interesekoa izan daiteke
Espainiako Kritikarien Elkarteak Eider Rodriguez eta Ane Zubeldia sarituko ditu
Gipuzkoar idazleek lortu dituzte euskarazko sariak: Rodriguezek, narratiba atalean, Dena zulo bera zen lanagatik, eta Zubeldiak, poesian, Kontra liburuari esker.
Profesionalen eguna, Sarako Idazleen Biltzarra bukatzeko
Apirilaren 5ean abiatutako topagune literarioa gaur bukatuko da, profesionalei eskainitako jardunaldi batean. Aurten, Marikita Tambourin Baigorrin sortutako idazle, irakasle, ikertzaile eta militantea eta Anne-Marie Lagarde zuberotar idazle, ikertzaile eta antropologoa omendu dituzte.
Jabier Muguruza musikari eta idazleak bere lehen eleberria argitaratu du: "Café Mokka"
Eleberria “lehen pertsonako kontakizun intimo eta ironikoa eskaintzen du, kafetegi baten egunerokotasunetik abiatuta. Café Mokka kafetegia behatoki soziokultural bilakatzen da, non bezeroen elkarrizketek eta eguneroko egoerek gizartearen kontraesanak, joerak eta aldaketak islatzen dituzten”.
Literatura plazara aterako dute Oiartzunen ostera ere
Martxoaren 9tik 28ra, Literatura Plazara egingo dute Oiartzunen, laugarrenez, eta euskal literaturaren inguruko zortzi hitzordu jarri dituzte antolatzaileek, 1545 argitaletxeak.
Emakume idazleek presentzia irabazi dute: ahots, gorputz eta gai berriak ekarri ditu feminismoak
Feminismoak aldaketa sakonak ekarri ditu azken urteotan, baita literaturan ere, eta gai, begirada, ahots, gorputz eta narratiba berriak ekarri ditu. Duela mende erdi emakumezko idazle gutxi zeuden, eta bigarren maila batera baztertuta zeuden, gainera. Orain, berriz, oso garrantzitsua da horien presentzia, eta, besteak beste, sariak eta bekak irabazten ikusten ditugu.
António Lobo Antunes portugaldar idazlea zendu da
Portugalgo literaturaren izen erraldoiak, inkontzientearen eta memoriaren biltzaile eta idazkariak, 83 urte zituen. Euskaraz, “Gauzen ordena naturala” irakur daiteke.
Gutun Zuria jaialdiak Gerediaga Elkartea eta Valerie Miles sarituko ditu
Gaur, asteartearekin, hasiko da Bilboko literatur jaialdia, eta hilaren 28ra arte iraungo du. Aurten, Gerediaga Elkarteari, Durangoko Azoka antolatzaileari, eta Valerie Miles idazle eta editore estatubatuarrari eskainiko dizkie ohorezko sariak.
Euskaltzaindiak eta EIEk hitzarmena sinatu dute, idazle gazteei laguntzeko
Euskaltzaindiak eta Euskal Idazleen Elkarteak (EIE) lau urterako akordioa adostu dute. Euskaltzaindiak urtean bi ikastaro emango dizkie EIEren bazkideei, bekak deituko ditu eta mentoretza programa abiatuko du. Andres Urrutia euskaltzainburuak, Mikel Ayllon EIEko zuzendaritza batzordeko kideak eta Miren Agur Meabe idazle eta Euskaltzaindiaren idazkariak hartu dute parte ituna sinatzeko ekitaldian.
Hitza erdigunean jarriko du Gutun Zuriak berriz, 19. edizioan
Bernardo Atxagak, Alana S. Porterok, Karmele Jaiok, Layla Martinezek, Harkaitz Canok, Mario Obrerok, Miren Agur Meabek eta beste hainbat idazlek parte hartuko dute letren Bilboko nazioarteko jaialdian.
Xabier Montoiak "Bakea, bakea" eleberria aurkeztu du
Inazio Osa 43 urteko donostiarrak hondamendia biziko du ama hiltzean, "baina laster ikasiko du oker dagoela oso, deskalabrurik handienean ere beti baita posible zuloan beherago erortzea, are eta zoritxar handiagoak etortzea".